EBIREEGH 9:26 - Bafia Nouveau Testament

²⁶ I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

EBIREEGH 9:26 ပူးပေါင်းရင်းမြစ်များ

MATYOO 13:39

Bènàbena anɛ à mìskà kìɓeɓtàg ki boo yɛɛ rì Satàn; mɛ̀saŋ mɛɛ ri rìlèg ɗi zi, ɓɛ̀saŋì-mɛ̀saŋ ɓɛɛ ri ɓum ɓɛ titòm.

MATYOO 13:40

Fɛlɛ yɛ̀ɛ ɓɛ ti ɓɛ ruɓkì kìɓeɓtàg ki caaɓi lɛ ɓɛɛ pig kɔ ɓi ɗuu, fɔlɔɔ nnɛ ki ɓiì ɓaà ŋwosi rilèg ɗi zi.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

1 KƆ̀RƐ̀ŊTYƐŊ 10:11

Ɓìɓan ɓiǹ ɓi kikìghà ɓɔ fɔlɔɔ, lɛ ɓyɛɛ ɓa ɓìrèmzɛnà ɓisuu ɓum ɓɛdɛŋ, fɔɔnnɛ ɓɛ kangà ɓyɔ ɓisuulɛ ɓyɛɛ reɓ ɓìsi lɛ tì mɛ wuɓsɛn cààmɛ̀n ki risugtɛ̀n.

GÀLAT 4:1

Fèg wɛ̀m à rì lɛ, cààmɛ̀n kìcèm ki ŋwaànɛ à rɔ̀ɓi rì mɛ̀wus a kaka ŋwɔɓti, nsoò yɛ̀ɛ mɛ̀wus mɛǹ mɛ wooghrɛɛ rì nyi, à ceerɛɛ ɓi ɓi com ɓɛɛ̀ ǹkpàn.

EFÈZYƐŊ 1:10

Kìɓan kiǹ, Bɛ̀ll à ɓiì ràtɛɛ kɔ kì kìi, di cààmɛ̀n ki mɛ ghɛ̀ɛ̀sɛ̀n; à taŋzɛ̀n ɓyom ɓìcèm ɓi ɓi ri aɗyoo, rì ɓi ɓi ziinɛ lɛ ɓyɛɛ ɓa rìfòm ɗifog lɛ Kiris.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:12

Wɔ̀lɛ Kiris à faghà kìfùna kifog ɓisuu ɓiɓe, à ki kɔ̀ri min ɓi weèlem à Bɛ̀ll fìɗyàɓ fikɔ̀ɔ̀.

EBIREEGH 10:26

Ɓisuulɛ, i tì kɛ̀nkɛni asu tì kìkì kìɓe ɓi rìfee, di tì mɛ yi saaɗ, kìfùna kidɛŋ ki yiìdi ɓisuu zòghɛ̀n ì ɓìɓe.

EBIREEGH 10:4

Lɛ bwaɓ yi ɓɛ̀lem ɓɛ ɓɛ̀sanìnya rì yi ɓipiì yi yin lɛ yi pisì ɓìɓe ŋwos adɛŋ.

EBIREEGH 4:3

Ɓi ɓɛg ànɛ a ɓìsiɓɛ tì gherɛɛ, tì rì ɓiì ɗiŋii ɓi rìfɔɔsɛ̀n ɗi Bɛ̀ll à kpaaghà lɛ: Mɛ̀ɛ ǹkànɛɛ bɛ̀ɗ ɓi bim inɛ mɛ̀ɛ nwoogh, ǹkpaa lɛ: Ɓaa ɗiŋi ɓi ɓi jàŋ inɛ m̀pègsɛ̀ngà lɛ ɓɛ ri fɔɔsɛn wɔɔ. À kpaaghà fɔlɔɔ nsoò yɛ̀ɛ ki ri lɛ kìsay kii ki ɓaghà di ki mɛ lèg, à tumɛ̀n ɓi cààmɛ̀n ki à kìghà lɛ rì ɗyoo, rì zi.

EBIREEGH 7:27

Ɓɛ̀làmì ɓɛ̀pìrɛɛtìrɛ̀ ɓɛgwey ɓɛ ghɛɛ̀sɛ̀ngà kì fùnɛɛ ɓituwe ɓɛŋwos ɓɛ̀cèm ɓi rìlɛɛghràg ɗi Bɛ̀ll ɓisuu ɓiɓe ɓyaa ɓi ɓɔmiɗ, rì ɓisuu ɓiɓe ɓi ɓum ɓɛ kilɔ̀ŋ. Wɔ̀lɛ Yeesus à ghɛ̀ɛ̀sɛɛ ɓi ki kìkii yɛ̀ɛ ɓɔ, ɓisuulɛ nyii lɛɛghràkà Bɛ̀ll gɛ̀n bog ɓi gɛ̀n yicèm yɛ̀ɛ à faghà nyimiɗ ɓi sìg à kìtuwe ki mɛlɛɛ̀ghlɛɛgh.

EBIREEGH 9:12

Fɔɔnnɛ à ɗiŋìghà gɛ̀n bog ɓi gɛ̀n yicèm, ɓi jàŋ inɛ ì pɔ̀ɔ̀zii kì ɓaà kìcèlì; à ɗiŋìghà ɓi wɔɔ ri bwaɓ yi ɓipiì, nsoò lɛ yi ɓɔn ɓɛ sanìnya, à ɗiŋìghà wɔɔ lɛ a ɓɔgsi Bɛ̀ll rì bwaɓ yii yi nyimiɗ, à ki fɔ̀n yi ɓìsi gòri ì fìɗyàɓ fikɔ̀ɔ̀.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.