EBIREEGH 9:24 - Bafia Nouveau Testament

²⁴ Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

EBIREEGH 9:24 ပူးပေါင်းရင်းမြစ်များ

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MARIKUS 14:58

Tìi ǹwoogh di a kpaakpaa lɛ, a ɓiì wààghii naà-Bɛ̀ll ìnɛ ɓum ɓɛ togà ìnɛ, à toŋdì ìdɛŋ ɓi mɛ̀ru mɛraa mum kɛ̀ɛ foŋ càg miì.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

LUKAS 24:51

Nni cààmɛ̀n ki à màŋmàŋgà ɓɔ kìn, kɛɛ̀ki à ghasɛ̀ngà rì ɓɔ, à ɓɔg aɗyòò.

ZYAŊ 16:28

M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.

ZYAŊ 6:62

I ɓì ki ghɛɛ Man à mum di a ɓɔɓɔg aɗyoo jàŋ inɛ à ka ɓaghà, ki ɓa min la?

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

KÒLÒSYƐŊ 3:2

Foŋina ǹɗem rì ɓìɓan ɓi aɗyoo, kɛ̀ ɓi fèfeg ɓi ɓi ziinɛ.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 6:20

jàŋ inɛ Yeesus à ɗiŋìghà ɓisu wis, fɛlɛ yɛ̀ɛ ŋwaànɛ à rì ɓìsi ǹsyòŋɛn bee, lɛ ɓɛ rɛsìghà nyi ǹlàmì ɓɛ̀pìrɛɛtìrɛ̀ àgwey isuùcèm ɓi nɗɛli wu Mɛlkisedɛg.

EBIREEGH 8:2

à rì ǹkìì-kìsay anɛ ɓi jàŋ inɛ ì rì kìcèlì, rì ɓi kɔɔ̀kɔɔ̀ à kìnuugh ànɛ à yin lɛ mum yɛɛ togà, lɔŋ Kan yɛɛ togà.

EBIREEGH 8:5

Kìsay ki ɓɛ̀pìrɛɛtìrɛ̀ ɓɛǹ ɓɛɛ̀ kìkì, ki ri kìfèèghrɛnà, rì cììziŋ ki ɓi ɓìɓan ɓi ɓi ri ɓi ɗyoo ɓi ɗùm, fɛlɛ yɛ̀ɛ Bɛ̀ll à kalìghà Moyis di à ti lɛ a toŋ kìlaa lɛ: Ù ghɛ̀ɛ̀sɛɛ kɔ kì toŋì ɓi kìfèèghrɛnà ki kilaa ki ǹɗèsìghà wɔ̀ ɓi dòn.

EBIREEGH 9:1

Bee i ǹtonto ìnɛ lɛ rì Bɛ̀ll rì ɓum ì ɓaghà girig rì mɛ̀siŋdɛn mɛ mɛ seesee ɓìɓan ɓi riɓɔgsì, rì naà-Bɛ̀ll ìnɛ fɛ ɓi ziinɛ.

EBIREEGH 9:23

Ki ghɛɛ̀sɛ̀ngà min lɛ, ɓìfèèghrɛnà ɓi ɓɛkɔɔ̀kɔɔ̀ ɓɛ ɓyom ɓi ɓi ri aɗyoo ɓyɛɛ teɗ rìkuu ɗi zòghɛ̀n ɗiǹ, rì tì lɛ, nsoò ɓɛ̀kɔɔ̀kɔɔ̀ ɓɛ ɓyom ɓɛ aɗyoo ɓɛncèm ɓɛ ghɛɛ̀sɛ̀ngà kì terì zòghɛ̀n rì ɓìfùna ɓi ɓi cee ɓiǹ.

EBIREEGH 9:9

Rìkì ɗiǹ ɗi ɓaghà kìfèèghrɛnà ki ɓi cààmɛ̀n ki tì rì ki miì, ki resii lɛ: Ɓyom ɓi mum à faa, rì ɓìtuwe ɓi à cuusii ɓi rìɓɔgsì ɗi Bɛ̀ll, ɓi yin ɗi ìtèɗ wulɛ ɓi konàg kì tɛɛ̀zii nɗem wu ŋwaànɛ a ɓɔɔɓɔgsì Bɛ̀ll ɓi bee inɛ̀n.

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.

ÀPÒKÀLIƁSƐ̀ 8:3

Nni ŋwaà-fìtom adɛŋ à yùghà kì rɛlii ɓi jàŋ inɛ ɓɛɛ̀ tɔ̀ngi ɓituwe lɛ ɓɛɛ ɓɔgsi Bɛ̀ll rì ɓyɔ, à ɓanɓàngà maa cɔɔgh anɛ ɓɛɛ̀ tɔ̀ngi firu miì, maa cɔɔgh àǹcèm à ɓaghà ǹkìyɛn ɗi gol. Ɓɛ faghà ŋwaà-fìtom anɛ̀n tìrààre lɛɛ̀gwey lɛ a ɓɔgsi Bɛ̀ll rì tyɔ, bas rì bɔ̀ŋzɛ̀n yi ɓɛgherɛ̀n, ɓi com ki ɓɛɛ̀ tɔ̀ngi ɓituwe miì, ki ki ɓaghà Bɛ̀ll asu, ki ɓa kìkiyɛn ɗi gol.