EBIREEGH 9:14 - Bafia Nouveau Testament

¹⁴ bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

EBIREEGH 9:14 ပူးပေါင်းရင်းမြစ်များ

MATYOO 12:28

Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 7:11

I mìni ɓɛ ɓì ɓeɓtɛɛ mɛ̀rem ɓɛ, ɓì yii rìfa ɗi ɓɔn ɓin ɓyom ɓi syeesyee, lannɛ Seŋi wìn anɛ à rì ɓi ɗyoo ɓi ɗùm yɛɛ ri ɓiì rɔ̀ɓi kɛ̀ɛ fa ɓyom ɓi syeesyee a ɓumɓɛ ɓɛ lɔni nyi ɓyɔ.

LUKAS 1:74

lɛ à faa gɛ ɓìsi ìtèɗ wulɛ ti ɓɔgsi nyi kɛ̀ɛ̀ ìris, di à mɛ kwèɗ ɓisi ɓi ɓyàg ɓi ɓɛ̀bènàbena ɓis,

LUKAS 12:24

Ghɛɛna ɓà ɓɛ̀haŋhag, ɓɛ ri lɛ, ɓɛ̀ kɛɛ̀ ɓɛ̀y ɓɛ̀ kɛɛ̀ ki ɓùmi, ɓɛ̀ kɛɛ̀ ki ɓa ri fìnyam fidɛŋ, nsoò zarò, kìɓan kifog, Bɛ̀ll à ɗiɗìsì ɓɔ; ɓi mis mɛ Bɛ̀ll, ɓì rì ɓyoo gìn-i-ɓyom à cee tììlì.

LUKAS 12:28

I Bɛ̀ll à mɛ rɛ̀ŋ ɓyaaɓi ɓi ɓi ri ɓi dɛm gɛɛ̀nɛ, ɓyɛɛ̀ɓi ɓɛ ɓiì tɔ̀ni riduri, lannɛ mìni ɓɛɛ̀ɓɛ à ɓiì rɔ̀ɓi min kɛ̀ɛ rɛ̀ŋ, mìni ɓum ɓɛ maa rìgherɛ̀n lɛsàg ɓɛ?

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

MƐ̀KÌKÌÌ MƐ ƁƐKƐ̀NÌ-FÌTOM 1:2

à kpaŋ ŋwos anɛ à ɓaa lɛ, à mɛ reɓsag ɓiɓan ɓii rì ìtèɗ wu Kitɛntɛ̀ɛ̀n ki Nghay rì ɓɛ̀kɛ̀nì-fìtom ɓɛ̀ à ɓɔ̀ngà, à ɓɔg min aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 14:15

Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

RÒMƐŊ 1:20

À tumɛ̀n yɛ̀ɛ Bɛ̀ll à kìghà zi, mɛ̀ròŋa mii mɛ ɓum ɓɛ yin lɛ ɓɛ ghɛn lɛ, rì ìtèɗ wii wu wu ri fìɗyàɓ fikɔ̀ɔ̀, rì rìɓa ɗii ɗi àrì Bɛ̀ll, ɓyɛɛ̀ rèeresɛ̀n ɓi ɓyom ɓi à kìghà; fɔlɔɔ nnɛ ɓɛ yin ɗi com ki ɓɛ ri lɛ ɓɛ kpaa ki ki ki lɛ ɓɛɛ cenɛn ɓɔ.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 11:12

I zɛ̀ɗ i Ɓɛ̀yudɛ̀n ì mɛ fa ziinɛ ìkum wu ɓi Nghay, kìzog kaa ki kum̀zì ɓum ɓɛ zɛy ɓi Nghay, ɓɔ̀ɓ yaŋ min ɗi rìrɛlì ɗi ɓɛ ri ɓiì pɛ̀ɛ̀zɛɛ ki rɛlii isuùcèm ɓi gòri ì Bɛ̀ll ɓi ɗùm! Rìrɛlì ɗiǹ ɗi ri fa ɓum ɓɛ̀mààgh lɛɛ̀gwey.

RÒMƐŊ 11:24

Wàànɛ ù yin muu Ɓɛ̀yudɛ̀n, ù rì (fɛlɛ yɛ̀ɛ) ŋwaɓ wu òlìvyee ànɛ ɓi cog, ŋwaɓ wii wɛɛ̀wu ɓɛ reniì, ɓɛ yu kì ɓaatii ɓi ǹɗyèm wu òlìvyee ànɛ ɓɛ ɓɛlà m̀ɓɛ̀lɛn, kìɓan ki lɛ ɓɛɛ ɓaati ŋwaɓ wu kite ɓi ǹɗyèm wu kite kidɛŋ, ki ri ki mum kɛ̀ɛ wog; Ɓɛ̀yudɛ̀n ɓɔ yɛɛ ri myaɓ mɛ òlìvyee à m̀ɓɛ̀lɛn, fɔɔnnɛ ki ri ɓiì pɔ̀ɔ̀zii ki ɓaà lɛ fɛnfɛn lɛ ɓɛɛ pɛɛ̀zi ɓɔ kìɓaatii ɓi ǹɗyèm waa.

RÒMƐŊ 6:13

Kɛ̀ ɓi cìtɛn ti ɓìkàɓ ɓin ɓi nyoo ɓi kìɓe fɛlɛ yɛ̀ɛ ɓyom ɓi kisay ɓi ɓi rìkì ɗi ɓiɓan ɓi ɓeɓtɛn, kìɓan kifog faana mìniìɓɔmiɗ ri Bɛ̀ll fɛlɛ yɛ̀ɛ ɓum ɓɛ̀cèm ɓɛ ɓɛ sughiì a nyɔ̀ɛ̀y, ɓì ki fa ɓikàɓ ɓin ɓi nyoo rì Bɛ̀ll ɓi sìg à ɓyom ɓi kisay, ɓi ɓi rìkì ɗi ɓiɓan ɓi ɓi ri lɛ saaɗ.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

GÀLAT 2:19

Ɓi san ànɛ a ɓìdɔ̀gsɛna, mɛ̀ ǹtighà kìloŋ lɛ ɓìdɔ̀gsɛna, lɛ di nghɛɓ ɓisuu Bɛ̀ll.

EFÈZYƐŊ 2:5

ɓìsi ɓɛ tì ɓaghà ɓìloŋ lɛ mɛ̀nànì mis, à kìghà lɛ ti ɓa ti rì cɛɓ ǹɗaŋ ɗi Kiris. Ɓì rì ɓɛ̀kòrɛn lɛ geesɛ̀n ì Bɛ̀ll.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:12

Wɔ̀lɛ Kiris à faghà kìfùna kifog ɓisuu ɓiɓe, à ki kɔ̀ri min ɓi weèlem à Bɛ̀ll fìɗyàɓ fikɔ̀ɔ̀.

EBIREEGH 10:2

I ɓyɛɛ ɓa rì ìtèɗ wu tɛɛ̀ziyɛn mum, di ɓɛ mɛ lèkà rìwewèy ɗi ɓituwe ɓi rìsòòsòghɛ̀n ɗi ɓum, ɓisuulɛ ɓumɓɛ ɓɛɛ̀ ɓɔɔɓɔgsì Bɛ̀ll ɓi rìkuu ɗi riɓɔgsì ɗiǹ ɓɛ ɓaghà lɛ ɓɛ teɗ zòghɛ̀n gɛ̀n bog ɓi gɛ̀n yicèm, ɓɛ̀ kɛɛ̀ ɓa ti ri fèg ànɛ lɛ ɓɛ ri rì ɓìɓe.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 11:21

Lɛ rìgherɛ̀n innɛ Yakɔɓ à màgà ɓɔn ɓɛ Yoosɛɓ ɓɛ̀cèm lɛ bog bòg bog, di à ti ɓiì wiì, à tuŋì ɓi nto wu kigeŋ ki àa mɓèmdàg miì, à ɓɔgsì Bɛ̀ll.

EBIREEGH 13:12

Kìɓan kiǹ kɛɛ̀ki Yeesus à wughà girig fìràɓ ɗi bàn, lɛ a tɛɛ̀zi ɓum ɓɛ kilɔ̀ŋ rì bwaɓ yii yɔmìɗ.

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

EBIREEGH 7:16

À tekà ɓi ikɔ̀ɔ̀ wu Pìrɛɛtìrɛ̀ ɓi rìkpaa ɗì ɓidɔ̀gsɛna ɓi ɓum ɓɛɛ faa, à ɓɔkà lɔŋ rì ìtèɗ wu cɛɓ ki ki ri kɛ̀ɛ̀ sugtag.

EBIREEGH 7:27

Ɓɛ̀làmì ɓɛ̀pìrɛɛtìrɛ̀ ɓɛgwey ɓɛ ghɛɛ̀sɛ̀ngà kì fùnɛɛ ɓituwe ɓɛŋwos ɓɛ̀cèm ɓi rìlɛɛghràg ɗi Bɛ̀ll ɓisuu ɓiɓe ɓyaa ɓi ɓɔmiɗ, rì ɓisuu ɓiɓe ɓi ɓum ɓɛ kilɔ̀ŋ. Wɔ̀lɛ Yeesus à ghɛ̀ɛ̀sɛɛ ɓi ki kìkii yɛ̀ɛ ɓɔ, ɓisuulɛ nyii lɛɛghràkà Bɛ̀ll gɛ̀n bog ɓi gɛ̀n yicèm yɛ̀ɛ à faghà nyimiɗ ɓi sìg à kìtuwe ki mɛlɛɛ̀ghlɛɛgh.

EBIREEGH 9:12

Fɔɔnnɛ à ɗiŋìghà gɛ̀n bog ɓi gɛ̀n yicèm, ɓi jàŋ inɛ ì pɔ̀ɔ̀zii kì ɓaà kìcèlì; à ɗiŋìghà ɓi wɔɔ ri bwaɓ yi ɓipiì, nsoò lɛ yi ɓɔn ɓɛ sanìnya, à ɗiŋìghà wɔɔ lɛ a ɓɔgsi Bɛ̀ll rì bwaɓ yii yi nyimiɗ, à ki fɔ̀n yi ɓìsi gòri ì fìɗyàɓ fikɔ̀ɔ̀.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

EBIREEGH 9:7

Ɓi kìden ki kiɓɛ̀ɛ̀, lɔŋ ǹlàmì ɓɛ̀pìrɛɛtìrɛ̀ nyi cɛ̀ncii yɛɛ nti à ɗigàg wɔɔ, gɛ̀n bog ɓi bèg; à ki ghɛ̀ɛ̀sɛɛ wɔɔ ki ɗiŋii ri bwaɓ yi kituwe ki à faa Bɛ̀ll ɓisu wii wu nyimiɗ rì ɓisuu ɓiɓe ɓi kilɔ̀ŋ kìcèm.

EBIREEGH 9:9

Rìkì ɗiǹ ɗi ɓaghà kìfèèghrɛnà ki ɓi cààmɛ̀n ki tì rì ki miì, ki resii lɛ: Ɓyom ɓi mum à faa, rì ɓìtuwe ɓi à cuusii ɓi rìɓɔgsì ɗi Bɛ̀ll, ɓi yin ɗi ìtèɗ wulɛ ɓi konàg kì tɛɛ̀zii nɗem wu ŋwaànɛ a ɓɔɔɓɔgsì Bɛ̀ll ɓi bee inɛ̀n.

1 PYƐƐRI 1:19

lɔŋ rì bwaɓ yi Kiris yi yi ri gìn i com innɛ ɓɛ kweɗkà mìni. Kiris yɛɛ ri fɛlɛ yɛ̀ɛ man à jɔ̀ɔ̀ ànɛ à rì kɛ̀ɛ̀ fìsɛm, kɛ̀ɛ̀ kìpɛ̀mì;

1 PYƐƐRI 2:22

Nyi ànɛ à kìghà ɓi kiɓe, kɛ̀ɛ ki kpaa kiɓan ki pwàà nsoò ŋwos bog;

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,