EBIREEGH 9:11 - Bafia Nouveau Testament

¹¹ Wɔ̀lɛ Kiris à yùghà fɛlɛ yɛ̀ɛ ǹlàmì ɓɛ̀pìrɛɛtìrɛ̀ àgwey ànɛ ɓi ɓìɓan ɓi syeesyee ɓi ɓi ri ɓiì ɓaà; à syààghày kìnuugh ki ki kii lɛ, ki teghɛ̀n ki cee, ki ki rɔɔtɛn ki cee, kɛ̀ kɛɛ̀ ki ɓa kinuugh ki ɓum ɓɛɛ toŋi, yɛɛlɔɔ lɛ ki yin ɓi bàlì ì ɓyom ɓi ɓi kilɛ̀ngà ɓi ziinɛ.

EBIREEGH 9:11 ပူးပေါင်းရင်းမြစ်များ

MATYOO 11:3

Wɔ̀ yɛɛ ri nya roànɛ ɓìsii yii lɛ à ɓiì yùu giǹ, tì ghɛ̀ɛ̀sɛɛ tì kì ɓoŋɓoŋi adɛŋ?

MATYOO 2:6

Wɔ̀ Bɛtilɛhɛm, ɓi kìden ki zi ki a Zyuda, ù yin loo maa bàn à zɛy rì zɛy ɓi nyìinyìm à bàn yi a Zyuda, lɛ a lɔ̀ŋkɔɔ ìnnɛ rìfòm ɗi ɗi ɓiì kɛ̀ɛ̀sii kilɔ̀ŋ kɛm̀ ki lɛ Isirayɛl, ɗi ɓiì kpaŋìì.

MARIKUS 14:58

Tìi ǹwoogh di a kpaakpaa lɛ, a ɓiì wààghii naà-Bɛ̀ll ìnɛ ɓum ɓɛ togà ìnɛ, à toŋdì ìdɛŋ ɓi mɛ̀ru mɛraa mum kɛ̀ɛ foŋ càg miì.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 4:25

Fɔɔnnɛ giɓ anɛ̀n à kpaaghà Yeesus lɛ: Ǹ-yii lɛ Mèsii à ɓiì yùu, ànɛ à rì ɗii lɛ Kiris. Yɛ̀ɛ à ri yù, à ri kali ɓisi ɓiɓan ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 7:48

Wɔ̀lɛ Bɛ̀ll ànɛ à teŋmɛɛ à cee, a maà kɔ̀ri ɓi kɔmiɗ ɓi mɛɛ mɛ ɓum ɓɛɛ toŋi.

2 KƆ̀RƐ̀ŊTYƐŊ 4:18

Ɓìsii yin ɓiì nɔ̀ɔnɔɔ̀tì ɓìɓan ɓi ɓum ɓɛɛ̀ seesèè, lɔŋ ɓi ɓum ɓɛ ghɛɛ ɓi ɓyɛɛ̀ɓi ɓìsiì nɔ̀ɔnɔɔ̀tì ɓisuulɛ, ɓyom ɓi ɓum ɓɛɛ̀ seesèè ɓi ti ɓi finàg maa cààmɛ̀n, ɓi ɓum ɓɛ ghɛɛ ɓi, ɓi ri fìɗyàɓ fikɔ̀ɔ̀.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

EBIREEGH 10:1

Ɓìdɔ̀gsɛna ɓi konaagh ɓi ki ɓaà syeesyee à kìfèèghrɛnà à ɓɛ̀kɔɔ̀kɔɔ̀ ɓɛ ɓyom, ɓi ri lɔŋ cììghziŋ ki ɓi ɓìrɔɔ ɓi ɓyɛɛ̀ yùyuiy; ɓi yin ɗi ìtèɗ wulɛ ɓi konàg kì tɛɛ̀zii ɓumɓɛ ɓɛ ti ɓɛ kɛ̀ngì Bɛ̀ll jàŋbog ɓi bee inɛ̀n, ɓi ki yin lɛ ɓi tɛɛ̀zì ɓɔ rì rìkuu ɗi ɓifùnà ɗi fɔlɔɔ, ɗi ɗi ri lɔŋ bèg yìcèm rìkuu ɗìfog, kɛ̀ɛ̀ rìlɔ̀gtɛ̀n.

EBIREEGH 12:27

Jɛ̀ɛ̀ ìnɛ lɛ: Gɛ̀n bogtɛ̀n inɛ̀n ì rèsii lɛ: ɓyom ɓi Bɛ̀ll à kìghà ɓi ɓiì nyɛ̀ŋɗɛɛ, ɓi silàg, fɔɔnnɛ ɓyom ɓi ɓi yin lɛ ɓi kpig ɓyɛɛ ri rɔ̀ɓ.

EBIREEGH 13:14

Ɓisuulɛ tì yin fɛ rì bàn ì fìɗyàɓ fikɔ̀ɔ̀ ɓi ziinɛ, ti kaakaa lɔŋ bàn ìnɛ ì ri yù.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 7:1

Mɛlkisedɛg ànɛ̀n à ɓaghà rìfòm ɗi kilɔ̀ŋ ki lɛ Salɛm, nyi tì pìrɛɛtìrɛ̀ à Bɛ̀ll ànɛ à rì ǹteŋmɛn à cee, nnyɛɛ kɛngà kì tulɛɛ ri Abiraham, di roànɛ̀n a susug yi wɛ̀y wu à yakày mɛ̀fòm mɛdɛŋ miì à ki màŋ nyi.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.