EBIREEGH 7:28 - Bafia Nouveau Testament

²⁸ Ɓumɓɛ ɓìdɔ̀gsɛna ɓi Moyis ɓi nfalàg ìkɔ̀ɔ̀ wu ǹlàmì-ɓɛ̀pìrɛɛtìrɛ̀ àgwey, ɓɛ ɓaghà lɔŋ ɓumɓɛ ɓɛ ri lɛ ɓɛ ki kìɓe; wɔ̀lɛ jɛ̀ɛ̀ ìnɛ ì rì ɓi bɛ̀ɗ inɛ Bɛ̀ll à kànɛ̀ngà ajɛ̀m ì ɓìdɔ̀gsɛna ɓi Moyis, ì ɓɔgsìghà Man à Bɛ̀ll ǹlàmì-ɓɛ̀pìrɛɛtìrɛ̀ àgwey ànɛ à ti ɓi nɗɛli wulɛ kɛ̀ɛ nààdi isuùcèm.

EBIREEGH 7:28 ပူးပေါင်းရင်းမြစ်များ

LUKAS 13:32

Nni Yeesus à ɓàkà ɓɔ lɛ: Kɛ̀ɛna kì kpaà kìbina kiǹ lɛ: Ghɛɛna nnànaɓ ɓiɓeɓtàg ɓi mɛghay, ǹki wɔ̀ɔwɔɔ̀zì ɓum lɛ rì gɛɛ̀nɛ rì rìduri, mɛ̀ru mɛɓɛɛ̀ fɛlɛ, di m̀mɛ lègsi kisay kiǹ.

ZYAŊ 19:30

Yɛ̀ɛ Yeesus à syògà ɓìkpamà ɓi mɛrɔ̀g ɓiǹ, nni à kpaaghà lɛ: Ɓìɓan ɓìcèm ɓi roni. Fɔɔnnɛ à tuŋzìghà nto à maasì.

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 2:10

Ɓisuulɛ Bɛ̀ll ànɛ à kìghà ɓyom ɓìcèm, ànɛ à ki rì rì ɓyom ɓìcèm, nnyɛɛ̀ ki kìghà lɛ ɓɔn lɛɛ̀gwey ɓɛɛ teɗ gàɓ ɓi rìkem ɗii, ɓi bee ì rìkɛŋ, a ki lɛ Yeesus ànɛ à rì ǹto wu gòri yàà, a kpaŋ ɓi nɗɛli wu, kɛ̀ɛ ɓa ri kìɓan ki fenɛn a lɔ̀ŋkii.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 5:5

Nsoò Kiris à falɛ̀ngà ɓi nyimiɗ rìgwey ɗi lɛ, a ɓa ǹlàmì-ɓɛ̀pìrɛɛtìrɛ̀. Kìɓan kifog à tekà ɗyɔ rì roànɛ à kpaaghà nyi lɛ: Ù rì Man wɛm̀, à tumɛ̀n gɛɛ̀nɛ ǹti wɔ̀ seŋi.

EBIREEGH 7:21

kɔlɛ, yɛ̀ɛ ɓumɓɛ ɓi boo ì Levi ɓɛ mɓɔkaagh ɓɛ̀pìrɛɛtìrɛ̀, Bɛ̀ll àa nkànaagh ɓi bɛ̀ɗ fɔlɔɔ; kìɓan kifog ɓi rìɓɔg ɗi Yeesus à ɓɔkà Pìrɛɛtìrɛ̀, Bɛ̀ll à kànɛ̀ngà bɛ̀ɗ, à kpaa nyi lɛ: Kan àa ǹkànɛɛ bɛ̀ɗ, àa ki lɔ̀gti ɓi jɛ̀ɛ̀: Ù rì ɓiì ɓaà Pìrɛɛtìrɛ̀ fìɗyàɓ fikɔ̀ɔ̀.

EBIREEGH 7:24

Wɔ̀lɛ ɓi ɓɛg ànɛ yɛ̀ɛ Yeesus, nyiì ghɛghɛɓ fiɗyàɓ fikɔ̀ɔ̀, fɔɔnnɛ à yin lɛ à ceesì kìsay kii ki pìrɛɛtìrɛ̀ rì ŋwaàdɛŋ.

EBIREEGH 7:3

À rì kɛ̀ɛ̀ seŋi, kɛ̀ɛ̀ jɛɛ, kɛ̀ɛ̀ rìfuuyì; ɓɛ ɓuŋi ɓi kiɓan ki riyalɛ̀n ɗii, nsoò ki riwù ɗii jàŋ idɛŋ, à pisɛɛ Man à Bɛ̀ll ànɛ à rì lɔŋ pìrɛɛtìrɛ̀ fìɗyàɓ fikɔ̀ɔ̀.