EBIREEGH 7:25 - Bafia Nouveau Testament

²⁵ Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

EBIREEGH 7:25 ပူးပေါင်းရင်းမြစ်များ

ZYAŊ 14:13

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 14:16

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 3:12

Ɓi nyi, bee i rì ɓìsi kìkpaŋ lɛ ti kɛǹ Bɛ̀ll jàŋbog rì ntyweeyi ɓi nɗem lɛ rìgherɛ̀n ɗi tì gherɛɛ nyi.

EFÈZYƐŊ 3:20

Nni roànɛ à rì rì ìtèɗ wulɛ à kì ɓìɓan ɓìcèm ɓi tì rì lɛ tì tɔg, nsoò lɛ tì fèg, à ceesàg kɛ̀ɛ̀ vèg rì ìtèɗ wu wɛɛ̀ kìki kisay ɓi ɓìsi,

FÌLÌPYƐŊ 3:21

Nnyɛɛ ri lɔ̀ghi nyoo yìs inɛ ì rì nyìighnyìg lɛ yɛ̀ɛ ɓa nyoo ì ǹlònlomɛn yɛ̀ɛ ìnkìì, rì ìtèɗ wu a rì rì wɔ, wɛɛ̀ wu à ti fogì ɓyom ɓìcèm miì ɓi rìlàmì ɗii azi.

TIMOTE 2:5

Ɓisuulɛ Bɛ̀ll à rì lɔŋ bogtɛ̀n, mum à ki ɓa girig bog ɓi nyìinyìm ànɛ lɛ rì Bɛ̀ll rì ɓum, nnyɛɛ ri Yeesus Kiris ànɛ à rì mum;

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

EBIREEGH 2:18

Lɛ yɛ̀ɛ nyimiɗ a tulɛ̀ngà rì mɛ̀fèèghrɛn, à wog rìkɛŋ à rì lɛ à ghɛɓsì ɓumɓɛ ɓɛ ri ɓi mɛ̀fèèghrɛn.

EBIREEGH 2:9

Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

EBIREEGH 7:16

À tekà ɓi ikɔ̀ɔ̀ wu Pìrɛɛtìrɛ̀ ɓi rìkpaa ɗì ɓidɔ̀gsɛna ɓi ɓum ɓɛɛ faa, à ɓɔkà lɔŋ rì ìtèɗ wu cɛɓ ki ki ri kɛ̀ɛ̀ sugtag.

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 7:24

Wɔ̀lɛ ɓi ɓɛg ànɛ yɛ̀ɛ Yeesus, nyiì ghɛghɛɓ fiɗyàɓ fikɔ̀ɔ̀, fɔɔnnɛ à yin lɛ à ceesì kìsay kii ki pìrɛɛtìrɛ̀ rì ŋwaàdɛŋ.

EBIREEGH 7:8

Ɓumɓɛ ɓɛ ti ɓɛ tekì gàɓ ì kìntɛ̀ɗ fɛ, ɓɛ ri ɓumɓɛ ɓɛ ti ɓɛ wulàg; kìɓan kifog ɓi ɓɛg ànɛ yɛ̀ɛ Mɛlkisedɛg, nyii ri ŋwaànɛ kìntɛ̀ɗ, kaàtà à Bɛ̀ll à sììraagh kì kpaà lɛ à rì cem.

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,