EBIREEGH 7:19 - Bafia Nouveau Testament

¹⁹ Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 7:19 ပူးပေါင်းရင်းမြစ်များ

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

MƐ̀KÌKÌÌ MƐ ƁƐKƐ̀NÌ-FÌTOM 13:39

Ɓi Yeesus ànɛn nnɛ mum ǹcèm ànɛ à gherɛɛ à rì ɓiì tɔ̀sɛɛ ɓiɓe ɓìcèm ɓi ɓìdɔ̀gsɛna ɓi Moyis ɓi ɓaghà ɓi lɛ, ɓi pisì.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 7:7

Nni cɛ kɛɛ̀ki tì rì min lɛ tì kpaa? Ɓìdɔ̀gsɛna ɓi ri nya kìɓe? Àg. Ɓi yin kiɓe nsoò lɛsàg, wɔ̀lɛ ɓìdɔ̀gsɛna ɓi kighà lɛ n-yi com ki lɛ kìɓe. Ɓisuulɛ i ɓìdɔ̀gsɛna ɓyɛ̀ kɛɛ̀ kpaa lɛ, kɔ̀ɔ lem com ki mum, mɛ̀ m̀ɓaghà ɓi lɛ ǹ-yi cɛ kɛɛ ri lɛ rìlem ɗi com ki mum.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

GÀLAT 3:24

Fɔlɔɔ nnɛ ɓìdɔ̀gsɛna ɓi ɓaghà ɓìsi fɛlɛ yɛ̀ɛ ǹɗèsàg wìs anɛ a kɛ̀ɛkɛɛ̀sì ɓìsi à kpaŋ ɓi rìyù ɗi Kiris, lɛ di ti ɓa ɓɛ̀tɛnɛn ɓi mis mɛ Bɛ̀ll lɛ rìgherɛ̀n.

EFÈZYƐŊ 3:12

Ɓi nyi, bee i rì ɓìsi kìkpaŋ lɛ ti kɛǹ Bɛ̀ll jàŋbog rì ntyweeyi ɓi nɗem lɛ rìgherɛ̀n ɗi tì gherɛɛ nyi.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

EBIREEGH 10:1

Ɓìdɔ̀gsɛna ɓi konaagh ɓi ki ɓaà syeesyee à kìfèèghrɛnà à ɓɛ̀kɔɔ̀kɔɔ̀ ɓɛ ɓyom, ɓi ri lɔŋ cììghziŋ ki ɓi ɓìrɔɔ ɓi ɓyɛɛ̀ yùyuiy; ɓi yin ɗi ìtèɗ wulɛ ɓi konàg kì tɛɛ̀zii ɓumɓɛ ɓɛ ti ɓɛ kɛ̀ngì Bɛ̀ll jàŋbog ɓi bee inɛ̀n, ɓi ki yin lɛ ɓi tɛɛ̀zì ɓɔ rì rìkuu ɗi ɓifùnà ɗi fɔlɔɔ, ɗi ɗi ri lɔŋ bèg yìcèm rìkuu ɗìfog, kɛ̀ɛ̀ rìlɔ̀gtɛ̀n.

EBIREEGH 11:40

ɓisuulɛ ɓɛ peèghpègsɛ̀ngà bimid à com àdɛŋ ànɛ à cee ɓisu wis, lɛ ɓɛ̀ kɛɛ̀ kpaŋ ɓi nɗɛli wulɛ kìɓan ki fenɛn kɛ̀ kɛɛ̀ ɓa ti a lɔ̀ŋkaa, di ɓìsii ka yiǹ.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

EBIREEGH 7:11

Kìsay ki pìrɛɛtìrɛ̀ ki ɓɔn ɓɛ Levi kɛɛ̀ki ɓìdɔ̀gsɛna ɓi ɓɛ faghà kìlɔ̀ŋ ki Isirayɛl ɓi sasàghìghà miì; i ɓɛ̀pìrɛɛtìrɛ̀ ɓɛ ɓi boo ì Levi ɓɛɛ ki kìsay ki kɛɛ rɔɔtɛn, kɛ̀ kɛɛ̀ ɓa ri kìɓan ki fenɛn, di ki ghɛɓsìghà tì ɓi com lɛ rìkuu ɗi pìrɛɛtìrɛ̀ ɗidɛŋ ɗyɛɛ ghɛnɛn ɗi ɗi ɓa ɓi nɗɛli wu Mɛlkisedɛg, ɗyɛ̀ kɛɛ̀ ɓa ti ɓi nɗɛli wu Arɔn.

EBIREEGH 7:20

Ki kɛɛ̀dì kì ɓaà lɛ Bɛ̀ll à kànɛ̀ngà bɛ̀ɗ ɓi kìɓan kiǹ,

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

EBIREEGH 8:6

Nni ɓi cààmɛ̀n ki, Yeesus à ti rì kìsay ki ki cee ki nkaa ɓisuulɛ, à rì roànɛ à kìghà lɛ Bɛ̀ll a ren syeesyee à bee ri ɓum; bee inɛ̀n yɛ̀ɛ sasaghii ɓi mɛ̀kàg mɛ mɛ rɔɔtɛɛ mɛ cee.

EBIREEGH 9:9

Rìkì ɗiǹ ɗi ɓaghà kìfèèghrɛnà ki ɓi cààmɛ̀n ki tì rì ki miì, ki resii lɛ: Ɓyom ɓi mum à faa, rì ɓìtuwe ɓi à cuusii ɓi rìɓɔgsì ɗi Bɛ̀ll, ɓi yin ɗi ìtèɗ wulɛ ɓi konàg kì tɛɛ̀zii nɗem wu ŋwaànɛ a ɓɔɔɓɔgsì Bɛ̀ll ɓi bee inɛ̀n.

ZYAG 4:8

Tyɛ̀ɛ̀tɛɛna Bɛ̀ll jàŋbog fɔɔnnɛ nyi girig à rì mìni ɓiì yùu jàŋbog, sòona ɓyàg ɓin ɓyɛɛ tɛn, mìni ɓɛ̀kìì-kìɓe, ɓì ki kpɔg mɛrem min, mìni ɓum ɓɛ tyoo tiɓɛɛ̀.