EBIREEGH 6:5 - Bafia Nouveau Testament

⁵ ɓɛ ɓoɓtì rìyɛ̀y ɗi jɛ̀ɛ̀ ì Bɛ̀ll ɓɛ ki ghɛn mɛtèɗ mɛ ɓi cɛɓ ki ki riì

EBIREEGH 6:5 ပူးပေါင်းရင်းမြစ်များ

MATYOO 12:32

I ŋwaà tòogh Man à mum kìɓe, ɓɛ cenɛ̀n nyi, kìɓan kifog ŋwaànɛ à ɓiì tòogh Kitɛntɛ̀ɛ̀n ki Nghay kìɓe nsoò ɓi cɛɓ ki gɛɛ̀nɛ, nsoò ɓi cɛɓ ki ki riì, ɓaa cenɛn ɓi nyi kìɓan kiǹ.

MARIKUS 6:20

lɛ Eroodɛ àa ǹnìgàg Zyaŋ, à ki kàmag ri nyi, lɛ à yighà lɛ Zyaŋ à ɓaghà saaɗ à mum, à ki ɓa ti ǹtɛnɛn ɓi mis mɛ Bɛ̀ll. Ɗyomzɛ̀n ɗi ǹti ɗi ɗimgì Eroodɛ cààmɛ̀n kìcèm ki à woogh ɓìtòkì ɓi Zyaŋ, kɔm̀ lɛ ki ǹkɔ̀ngì nyi lɛ a wowog ɓyɔ.

LUKAS 8:13

Ɓɛ̀roɓɛ ɓɛ ri ɓi tìcɔg ɓɛ ri ɓumɓɛ ɓɛ ti i ɓɛ woogh jɛ̀ɛ̀ ì Bɛ̀ll, ɓɛ ghaɓ yɔ̀ rì kìnyàà kìɓan kifog, ɓɛ̀ kɛɛ̀ càɗ jɛ̀ɛ̀ ìnɛn lɛ yɛ̀ɛ ɓag gàŋ ɓi mɛ̀rem maa; i mɛ̀fèèghrɛn mɛ kpaŋi a lɔ̀ŋkaa, ɓɛ naŋ rìgherɛ̀n.

EFÈZYƐŊ 6:17

Terina girig gòri ì Bɛ̀ll ɓi sìg à tàm, ɓì teɗ jɛ̀ɛ̀ ì Bɛ̀ll ìnɛ ìrì gàfàg ì Kìtɛntɛ̀ɛ̀n ki Nghay.

EBIREEGH 11:3

Lɛ rìgherɛ̀n nnɛ tì ti tì yilàg lɛ Bɛ̀ll à kìghà zi ri jɛ̀ɛ̀ yìì, ɓi lèg ànɛ lɛ ɓyom ɓìcèm ɓi ti seesee ɓi kilɛ̀ngà rì com ki ŋwaà ghɛɛ ɓì.

EBIREEGH 2:5

Ɓisuulɛ, àa ɓum ɓɛ titom ɓɛɛ̀ɓɛ Bɛ̀ll à faghà nyɔnyɔn à zi anɛ a yùyuiy lɛ ɓɛɛ lami; nyɔnyɔn à zi anɛ̀n nnɛ tì kpaakpàà.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

1 PYƐƐRI 1:25

kìɓan kifog jɛ̀ɛ̀ ì Bɛ̀ll ì rì lɔŋ fiɗyàɓ fikɔ̀ɔ̀. Jɛ̀ɛ̀ ìnɛn ì rì jɛ̀ɛ̀ ìnɛ Syeesyee à Ɓɔlɛ à wogsìghà mìni.

1 PYƐƐRI 2:3

i ɓì mɛ ɓoɓti ki ghɛɛ̀ lɛ Kan à rɔɔtɛɛ, lɔŋ yɛ̀ɛ ki ri kì kànɛn.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.