EBIREEGH 6:19 - Bafia Nouveau Testament

¹⁹ Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,

EBIREEGH 6:19 ပူးပေါင်းရင်းမြစ်များ

MATYOO 27:51

Fɔɔnnɛ coo kilàà kì ki ɓaghà ɓi naà-Bɛ̀ll, ki lanìghà ɓìlànà ɓiɓɛɛ̀, à tumɛ̀n yì aɗyòò, à kpaŋ azi; zi i nyɛ̀ŋɗɛ̀n, mɛ̀ɓan mɛ lanlàn.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 27:29

Yɛ̀ɛ ɓɛ risìghà lɛ fìtimà fyɛ̀ kɛɛ̀ ki kɛ̀n ki roŋɗɛɛ ɓi mɛ̀ɓan, nni ɓɛ pikà bɔŋ yi yɛɛ̀ rɛsag fitimà yinin ɓi rìɓày, ɓɛ ɓoŋ lɛ duri yɛ̀ɛ taǹ.

MƐ̀KÌKÌÌ MƐ ƁƐKƐ̀NÌ-FÌTOM 27:40

Fɔɔnnɛ ɓɛ fumɓàkà bɔŋ yi yɛɛ̀ rɛsag fitimà, ɓɛ càɗ yɔ wɔɔ ɓi rìɓày, ɓɛ fumɓàg girig mɛ̀ɗig mɛ kikɛ̀ɛ̀sì-fìtimà; yɛ̀ɛ ɓɛ kighà fɔlɔɔ, nni ɓɛ kagà min maa kìlàà ànɛ asu wu fitimà, lɛ bɛ̀ɓ yɛ̀ kɛɛ̀ tyɔg fyɔ, fɔɔnnɛ ɓɛ kɛngà min ɓi bèn ì rìɓày.

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

RÒMƐŊ 4:18

Abiraham à kìghà lɛ, à gherɛ̀n, à ki ɗyàɓag, jàŋ inɛ com ki mum à ɓaghà lɛ à ɗyàɓàg ki ɓaghà ɓi; fɔlɔɔ nnɛ à ghalà seŋi ɓìlɔ̀ŋ lɛ ɓìlɔ̀ŋ lɔŋ yɛ̀ɛ Bɛ̀ll à kpaaghà nyi lɛ: Dòò yɔɔ yi ɓaa gɛ bàlì fɛlɛ.

RÒMƐŊ 5:4

kìsììrì ki kilàg lɛ, mum a ceè mɛ̀fèèghrɛn, rìcee ɗi mɛfèèghrɛn ɗiǹ, ɗi fogì mum dyàɓɛn ɓi nɗem.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

EFÈZYƐŊ 2:6

À kìghà lɛ, à ghèmzì ɓìsi ǹɗaŋ ri nyi, à ki kɔ̀ɔ̀si ɓisi ɓi ɗyoo ɓi ɗùm ɓi rìɓa ɗi tì rì ɓi Yeesus Kiris.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 3:1

I ɓì mɛ ghèmɓɛn min nɗaŋ ri Kiris, kaakaana ɓìɓan ɓi aɗyoo, jàŋ inɛ Kiris à rì ǹkɔ̀kɔriyɛn ɓi weèlem à Bɛ̀ll.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

EBIREEGH 9:3

Ajɛ̀m ì kìlàà ki kiɓɛ̀ɛ̀, nnɛ kìden ki ɓɛ nkalàg lɛ jàŋ inɛ ì pɔ̀ɔ̀zii kì ɓaà kìcèlì ì ɓaghà.

EBIREEGH 9:7

Ɓi kìden ki kiɓɛ̀ɛ̀, lɔŋ ǹlàmì ɓɛ̀pìrɛɛtìrɛ̀ nyi cɛ̀ncii yɛɛ nti à ɗigàg wɔɔ, gɛ̀n bog ɓi bèg; à ki ghɛ̀ɛ̀sɛɛ wɔɔ ki ɗiŋii ri bwaɓ yi kituwe ki à faa Bɛ̀ll ɓisu wii wu nyimiɗ rì ɓisuu ɓiɓe ɓi kilɔ̀ŋ kìcèm.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,