EBIREEGH 6:18 - Bafia Nouveau Testament

¹⁸ Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

EBIREEGH 6:18 ပူးပေါင်းရင်းမြစ်များ

MATYOO 24:35

Ɗyoo rì zi ɓi ri ɓiì ghaghii, kìɓan kifog ɓìɓan ɓyɛm̀ ɓyaa ghaagh ɓi.

MATYOO 3:7

Yɛ̀ɛ Zyaŋ à ghɛngà di Ɓɛ̀fàrìzyɛŋ ri Ɓɛ̀sàdùsyɛŋ lɛɛ̀gwey ɓɛɛ̀ yùyuiy a lɔ̀ŋkii lɛ ɓɛɛ ɓaɓti ɓɔ, nni à kpaaghà ɓɔ lɛ: Mini ɓumɓɛ ɓɛ pisɛɛ ɓìgòm ɓɛ! Ghɛn yɛɛ reɓi mìni lɛ ɓi ghɛŋi rìbaŋì ɗi Bɛ̀ll ɗi ɗi tiì?

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

RÒMƐŊ 15:5

Bɛ̀ll ànɛ a falag kinìri ki nɗem, à ki fɔɔsag mɛrem, à fa mìni ìtèɗ wulɛ ɓi woòghrɛn ɓi nyìinyìm wiǹ yɛ̀ɛ kɛɛ̀ kɔ̀ngi Yeesus Kiris.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 3:4

Ɓi saaɗ ki yin fɔlɔɔ! Ɓum ɓɛ ghɛɛ̀sɛɛ kì gherɛɛ lɛ, Bɛ̀ll à rì roànɛ à ti à kpaaghì saaɗ, ɓum ɓɛɛ ri ɓɛ̀pwààpwaà ɓɛ̀sɛ̀ɛ̀ ɓɛcèm; lɛ ki ri kìkànɛn lɛ: Ki ghɛɛ̀sɛɛ lɛ ɓɛɛ yi lɛ ù rì mum à saaɗ ɓi ɓìɓan ɓi ù kalii, ù ki yagsag ɓɛyɔ̀m di ɓɛ sɔmɛɛ wɔ̀.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

FÌLÌPYƐŊ 2:1

I ǹtyweeyi wu yɛ̀ɛ Kiris wu ki rì lɛ wu fɔɔsì mum ǹɗem, i rìfalɛ̀n ɗi itèɗ ɓi ǹkɔ̀nɛ̀n ɗi ki rì wɔɔ, i rìràrɛ̀n ɗi rì Nghay ɗi ri wɔɔ, i ǹɗem wu nyìighnyìg wu geesɛ̀n wu ri lɛ wu ɓa wɔɔ,

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

TIMOTE 6:12

Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

2 TIMOTE 2:13

I ɓìsii ti tyɛ̀ ki roòzi mɛkàg mis, nyii ri lɔŋ roànɛ a roozag mɛkàg mii cààmɛ̀n kìcèm ɓisuulɛ nyii yin lɛ à roòzɛ̀n rìɓa ɗii ɗi nyimiɗ.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 11:7

Lɛ rìgherɛ̀n nnɛ Nowe à kìghà lɛ, yɛ̀ɛ Bɛ̀ll à lokà nyi kì kpaa kìɓan ki ɓɛ ɓaghà di ɓɛ ka ghɛn ɓi, nni à risìghà, à wog rìkpaa ɗi Bɛ̀ll, à toŋ kìkɔm lɛ a ghɛɓsi naa yìì i ɓum; fɔlɔɔ nnɛ rìgherɛ̀n ɗi kighà Nowe lɛ a fa ziinɛ bɛ̀lɛn, à fɔ̀n rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll, lɛ rìgherɛ̀n.

EBIREEGH 3:11

Fɔɔnnɛ ǹkànɛ̀ngà bɛ̀ɗ ɓi bim inɛ ǹwokà, ǹkpaa lɛ: Ɓaa ɗiŋi ɓi ɓi jàŋ inɛ m̀pègsɛ̀ngà lɛ ɓɛ ri fɔɔsɛn wɔɔ, nsoò ŋwos.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 6:17

Yɛ̀ɛ Bɛ̀ll à kɔ̀ngà lɛ a konag kì rèsii ɓumɓɛ à faghà mɛ̀kàg lɛ nyaa lɔ̀gtiigɛ ɓi rikalì ɗii, fɔɔnnɛ à kànɛ̀ngà bɛ̀ɗ.

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 7:21

kɔlɛ, yɛ̀ɛ ɓumɓɛ ɓi boo ì Levi ɓɛ mɓɔkaagh ɓɛ̀pìrɛɛtìrɛ̀, Bɛ̀ll àa nkànaagh ɓi bɛ̀ɗ fɔlɔɔ; kìɓan kifog ɓi rìɓɔg ɗi Yeesus à ɓɔkà Pìrɛɛtìrɛ̀, Bɛ̀ll à kànɛ̀ngà bɛ̀ɗ, à kpaa nyi lɛ: Kan àa ǹkànɛɛ bɛ̀ɗ, àa ki lɔ̀gti ɓi jɛ̀ɛ̀: Ù rì ɓiì ɓaà Pìrɛɛtìrɛ̀ fìɗyàɓ fikɔ̀ɔ̀.

1 ZYAŊ 1:10

I tì ki kpaa lɛ tì kìghà ɓi kiɓe, di tì ghaasii nyi pwààpwaà, jɛ̀ɛ̀ yìì yɛ̀ kɛɛ̀ ki ɓa ɓisi ɓi mɛ̀rem.

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.