EBIREEGH 6:11 - Bafia Nouveau Testament

¹¹ Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

EBIREEGH 6:11 ပူးပေါင်းရင်းမြစ်များ

MATYOO 24:13

Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

LUKAS 1:1

Wɔ̀ Tyoofil, ɓum lɛɛ̀gwey ɓɛ tumɛ̀ngà rìkàn ɗi ɓiban ɓi ɓi kilɛ̀ngà ɓi nyìinyìm wìs,

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

GÀLAT 6:9

Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TÈSÀLÒNÌSYƐŊ 1:5

Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.

2 TÈSÀLÒNÌSYƐŊ 3:13

Ɓi san wìn, ɓɔɔsoŋ̀, kɛ̀ ɓi fɔy rikì ɗi kirɔɔ.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 3:14

Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.

1 ZYAŊ 3:19

Fɔlɔɔ nnɛ tì ɓiì yiì lɛ, tì rì ɓumɓɛ ɓi gàm ì saaɗ; fɔɔnnɛ mɛ̀rem mɛ ri ɓìsi ɓiì kpìi ɓi mùm rì rìɓa ɗis ɓi mis mɛ Bɛ̀ll.

ÀPÒKÀLIƁSƐ̀ 2:26

Ŋwaànɛ à ɓiì yagsaagh à ɓèŋ mɛ̀kìkìì mɛ mɛ ti mɛ kɔngì mɛ̀ à kpaŋ a rìsugtɛ̀n innɛ ǹɗì ɓiì faà ìtèɗ wu a lami ɓìlɔ̀ŋ.