EBIREEGH 5:12 - Bafia Nouveau Testament

¹² Lɛ mìniɓɛ ɓì ghɛ̀ɛ̀sɛ̀ngà kìɓaà ɓɛ̀rèsàg ɓɛ ɓìɓan ɓi fiɗyàɓ, ɓì kaka rì zày ìnɛ lɛ ɓɛɛ resag mìni mɛ̀to mɛ ɓiɓan mɛ beèbɛ̀y mɛ ɓi jɛ̀ɛ̀ ì Bɛ̀ll. Ɗi ɓyàa rì lɛ ɓì ɗi ɓìɗilàg ɓi tèɗ, ɓì kaka rì zày ìnɛ lɛ ɓi nyɔŋnyɔŋ mɛlì.

EBIREEGH 5:12 ပူးပေါင်းရင်းမြစ်များ

MATYOO 17:17

Yeesus à ɓàg lɛ: Mìni ɓumɓɛ, ɓì rì lɛ, mìni kɛ̀ɛ̀ rìgherɛ̀n, mìni ɓìɗyoŋi ɓi ɓum; ǹɗi ɓiì kɔ̀rii ǹɗaŋ ri mìni, ǹki cenɛn mìni ǹkpaŋ fin? Yùunay mɛ̀ fɛ rì mutyàànɛn.

MARIKUS 9:19

Nni Yeesus à kpaaghà ɓɔ lɛ: Mìni boo ì ɓum ìnɛ, ì rì kɛ̀ɛ̀ rìgherɛ̀n, ǹɗì ɓiì kɔ̀rii ǹɗaŋ ri mìni à kpaŋ fin? Ǹki rì mìni ɓiì cenɛɛ à kpaŋ fe? Yùunay mɛ̀ fɛ rì ŋwɔɓti àncèm.

MƐ̀KÌKÌÌ MƐ ƁƐKƐ̀NÌ-FÌTOM 7:38

Yɛ̀ɛ kìlɔ̀ŋ ki taŋzɛ̀ngà ɓi-reɓ, Moyis yɛɛ ɓaghà ɓi nyìinyìm ànɛ lɛ, rì ɓɛ̀seŋi ɓis rì ŋwaà-fìtom anɛ à tòtòkà ɗì nyi ɓi dòn ì Sinayi. Nnyɛɛ ghaɓkà jɛ̀ɛ̀ yi Bɛ̀ll yi yi ri cem lɛ a ghagsi mìni yɔ.

RÒMƐŊ 3:2

Kìrɔɔ kaa ki tèghɛɛ bee lɛɛ̀gwey; rì ɓɔ nnɛ Bɛ̀ll à ka lokà kì reɓsɛɛ ɓiɓan ɓii.

1 KƆ̀RƐ̀ŊTYƐŊ 14:19

Kìɓan kifog, cààmɛ̀n ki ǹɗì ɓi ntaŋzɛn wu ɓɛgherɛ̀n, ǹti m̀ɓiisàg kì kɔ̀ni lɛ nkpaa jɛ̀ɛ̀ yitaǹ rì ɗyomzɛ̀n ɗyɛm̀, à cee lɛ nkpaa jɛ̀ɛ̀ ɓɛ̀tɔɔsìm ǹtɛ̀ɗ ɓi kìkènekènè ki kitòkì.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

GÀLAT 4:3

Cààmɛ̀n ki tì ɓaghà di tì kaka ɓɔɓti tì ɓaghà girig ɓɛ̀kpàn ɓɛ ɓi ɓɔɔ ɓyom ɓɛ zɛy ɓɛ ɓi ziinɛ.

FÌLÌPYƐŊ 3:1

Ɓɔɔsoŋ̀, ɓigomìnɛ, ɓì ghɛ̀ɛ̀sɛɛ kì nyàànyaa ɓi Kan ɓiɗùm; ki yeesii ɓi mɛ nsoò lɛsàg lɛ mɓiìti mìni kìkàni ɓiɓan ɓi m̀mɛ ka kàn mini abɛ̀y; rìkì ɗiǹ ɗi ri ɓi kìrɔɔ kin.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

EBIREEGH 10:32

Yitiina lɔŋ cɛɓ ki ɓì ghɛɓkà ɓi mɛ̀ru mɛ ǹtonto mɛ ɓì tekà kìtɛɛtɛn ki Bɛ̀ll; ɓì wokà mɛ̀tɔɓ lɛɛ̀gwey ɓi mɛ̀ru mɛ̀n; wɔ̀lɛ ɓì ki càrɛ̀ngà ɓi ɓi zàà ìnɛn.

EBIREEGH 5:11

Tì tèghɛɛ ɓìɓan ɓi kpaayɛn ɓi kìɓan kiǹ wɔ̀lɛ rìrèsì ɗi ti resi mìni ɓyɔ lɛ tɛntɛ̀ɛ̀n lɛ ɓi konag kìwoògh ɗi yeesɛɛ ɓisuulɛ ɓì ti kɛ̀ ɓi wog ti kiɓan lɛ fyɛ̀ɗ.

EBIREEGH 5:13

Kɔlɛ mum ǹcèm ànɛ à kaka ɓi mɛlì, à ka yi ɓi righasì lɛ, rì saaɗ, rì pwàà ɓisuulɛ à kaka man.

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.