EBIREEGH 4:9 - Bafia Nouveau Testament

⁹ Fɔlɔɔ nnɛ rìfɔɔsɛ̀n ɗi Bɛ̀ll à fɔɔsɛ̀ngà ɓi Saɓàt ɗi ri wɔɔ ɓisuu ɓum ɓɛ Bɛ̀ll.

EBIREEGH 4:9 ပူးပေါင်းရင်းမြစ်များ

MATYOO 1:21

À ɓiì yalì man à baŋì, ù ki ròò nyi ɗii lɛ Yeesus, lɛ nnyɛɛ ɓiì kòri kìlɔ̀ŋ kii ɓi ɓìɓe ɓyaa.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 11:25

à ɓiìsɛ̀n kìkɔ̀ni lɛ ɓɛɛ kiki nyi mɛ̀tɔɓ ǹɗaŋ ɗi ɓumɓɛ ɓi kìlɔ̀ŋ ki Bɛ̀ll à rɔ̀tɛ̀ngà, à cee lɛ a wog kìrɔɔ ɓi kìɓe ɓiɗùm maa cààmɛ̀n.

EBIREEGH 3:11

Fɔɔnnɛ ǹkànɛ̀ngà bɛ̀ɗ ɓi bim inɛ ǹwokà, ǹkpaa lɛ: Ɓaa ɗiŋi ɓi ɓi jàŋ inɛ m̀pègsɛ̀ngà lɛ ɓɛ ri fɔɔsɛn wɔɔ, nsoò ŋwos.

EBIREEGH 4:1

Nni cààmɛ̀n kìcèm ki yɛ̀ɛ ǹkàg wulɛ ɓum ɓɛɛ ɗiŋi ɓi rìfɔɔsɛ̀n ɗii wu kaka, tì ghɛ̀ɛ̀sɛɛ kì konaagh lɛ, ŋwaàdɛŋ ànɛ ɓi mìni kɛ̀ɛ ɓa ri fèg ànɛ lɛ nyii kpaŋi di cààmɛ̀n kaa ceè.

EBIREEGH 4:10

Ɓisuulɛ, ŋwaànɛ à ɗiŋii ɓi rìfɔɔsɛ̀n ɗi Bɛ̀ll, à mɛ fɔɔsɛn ɓisay ɓii fɛlɛ yɛ̀ɛ nyii fɔɔsɛ̀ngà girig ɓi nkìì.

EBIREEGH 4:3

Ɓi ɓɛg ànɛ a ɓìsiɓɛ tì gherɛɛ, tì rì ɓiì ɗiŋii ɓi rìfɔɔsɛ̀n ɗi Bɛ̀ll à kpaaghà lɛ: Mɛ̀ɛ ǹkànɛɛ bɛ̀ɗ ɓi bim inɛ mɛ̀ɛ nwoogh, ǹkpaa lɛ: Ɓaa ɗiŋi ɓi ɓi jàŋ inɛ m̀pègsɛ̀ngà lɛ ɓɛ ri fɔɔsɛn wɔɔ. À kpaaghà fɔlɔɔ nsoò yɛ̀ɛ ki ri lɛ kìsay kii ki ɓaghà di ki mɛ lèg, à tumɛ̀n ɓi cààmɛ̀n ki à kìghà lɛ rì ɗyoo, rì zi.

EBIREEGH 4:8

Ɓisuulɛ, i Yooswa a fa ɓɔ rìfɔɔsɛ̀n, di Bɛ̀ll à ɓaghà ɓi lɛ, à kàgtì ɓum ŋwos adɛŋ, ajɛ̀m ìnɛn.

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.

ÀPÒKÀLIƁSƐ̀ 21:4

À ɓiì tɔ̀saagh misì mɛ̀cèm mɛ ɓɔ ɓi mis; fɔɔnnɛ rìwu ɗyaa ɓa ti ɓi nsoò ɓìlɛ̀ɓì, ǹsoò ɓìkiŋ, nsoò rìkɛŋ, ɗyɛ̀ kɛɛ̀ ɓa ti, ɓisuulɛ ɓìɓan ɓi ǹtonto ɓìn ɓi mɛ ghaàgh.