EBIREEGH 3:7 - Bafia Nouveau Testament

⁷ Kìɓan kiǹ kɛɛ̀ki, i ɓì woogh jɛ̀ɛ̀ yìì gɛɛ̀nɛ fɛlɛ yɛ̀ɛ Kìtɛntɛ̀ɛ̀n ki Nghay ki ti ki kalàg,

EBIREEGH 3:7 ပူးပေါင်းရင်းမြစ်များ

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

MATYOO 22:43

Fɔɔnnɛ Yeesus à kpaaghà ɓɔ lɛ: Nni lannɛ Davit à reŋìghà nyi lɛ Kan, di Ǹghay à Bɛ̀ll à faa nyi ɗyomzɛ̀n, yɛ̀ɛ à kpaaghà lɛ:

MARIKUS 12:36

Davit nyimiɗ a kpaaghà, di Kìtɛntɛ̀ɛ̀n ki Nghay ki mɛ fa nyi ɗyomzɛ̀n lɛ: Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ com ki rɛsakɛn mɛkòò mɔɔ miì.

ZYAŊ 10:16

Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 10:3

M̀ɓèŋì-ìsuunaa à nɛm ŋwaànɛ̀n ìsuunaa lɛ a ɗiŋi, jɔ̀ɔ̀ yii yi wog jɛ̀ɛ̀ yìì; à ki regi jɔ̀ɔ̀ yii lɔŋ ɓi mii, à kɛ̀n ɗì yɔ ɓidan.

ZYAŊ 5:25

Nkpaa mìni kɔɔ̀kɔɔ̀ à rìkpaa lɛ cààmɛ̀n ki riì, kiŋcèm kɛɛ ti lɛ, kɛɛ̀ki ɓìloŋ ɓi ɓiì woògh jɛ̀ɛ̀ ì Man à Bɛ̀ll. Fɔɔnnɛ ɓɛ̀roɓɛ ɓɛ ri ɓiì woògh jɛ̀ɛ̀ yìì, ɓɛ ɓiì ghɛɓì.

MƐ̀KÌKÌÌ MƐ ƁƐKƐ̀NÌ-FÌTOM 1:16

Ɓɔɔsoŋ̀! kìɓan ki Kìtɛntɛ̀ɛ̀n ki Nghay ki lokà kì rèsii ɓi kaàtà à Bɛ̀ll, ɓi ŋwɔm wu Davit, ki rarɛ̀n ɗì Zyudas ànɛ à syògày ɓumɓɛ ɓɛ ɓangà Yeesus bee, ki ghɛɛ̀sɛ̀ngà lɛ kɛɛ kilɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

MƐ̀KÌKÌÌ MƐ ƁƐKƐ̀NÌ-FÌTOM 8:29

Fɔɔnnɛ Kìtɛntɛ̀ɛ̀n ki Nghay ki kalìghà Filiɓ lɛ: Pìgha mɛ̀kòò, ù tanɛn calig kinii.

EBIREEGH 10:15

Kìɓan kiǹ kɛɛ̀ki Kìtɛntɛ̀ɛ̀n ki Nghay kɛɛ̀ rèresi girig ɓìsi; lɛ à loogh kì kpaà lɛ,

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

EBIREEGH 3:15

Lɔŋ yɛ̀ɛ ki ri kìkaliyɛn lɛ: I ɓì woogh jɛ̀ɛ̀ yìì gɛɛ̀nɛ, kɛ̀ ɓi tèèsi mɛrem fɛlɛ yɛ̀ɛ ɗi ɓì kìghà nyi ǹtoòtèɗ.

EBIREEGH 4:7

fɔɔnnɛ Bɛ̀ll à mɛ rɛsi ti bimiɗ à ŋwos adɛŋ lɛ: Gɛɛ̀nɛ, yɛ̀ɛ à kpaaghà ɓi ŋwɔm wu Davit di cààmɛ̀n kaa ghaàgh lɛɛ̀gwey ɓi jàŋ inɛ tyàa mɛ wog lɛ: Gɛɛ̀nɛ, i ɓì woogh jɛ̀ɛ̀ yìì. Kɛ̀ ɓi tèèsi mɛrem.

EBIREEGH 9:8

Kìtɛntɛ̀ɛ̀n ki Nghay ki kɔnkɔ̀ngà lɛ kɛɛ resi ɓi rìkì ɗiǹ lɛ, bee inɛ ɓi jàŋ inɛ ì pɔ̀ɔ̀zii kì ɓaà kìcèlì ì ɓaghà di ì ka yin kikpaŋ, cààmɛ̀n kìcèm ki yɛ̀ɛ kìnuugh ki abɛ̀y ki ɓaghà di ki kaka.

2 PYƐƐRI 1:21

ɓisuulɛ ɓum ɓɛ ti kɛ̀ ɓɛɛ̀ kpaŋzi-ɓiɓan ɓi Bɛ̀ll ɓi rìkɔ̀n ɗyaa ɗi ɓɔmiɗ, kìɓan kifog ɓum ɓɛ toòghrɛ̀ngà ɓi ɗii ɗi Bɛ̀ll lɛ Kìtɛntɛ̀ɛ̀n ki Nghay ki tinìghà ɓɔ lɛ ɓɛɛ toòghrɛn.

ÀPÒKÀLIƁSƐ̀ 3:20

Ghɛna, ǹɗɛrɛlii asuunaa, m̀ɓoɓòg kìsìm, nni i mum à woogh jɛ̀ɛ̀ yɛ̀m, à nɛm mɛ̀ ìsuunaa, ǹɗì ɓiì ɗiŋii a lɔ̀ŋkii rì mɛ̀ rì nyi tì ɗi ǹɗaŋ.