EBIREEGH 2:9 - Bafia Nouveau Testament

⁹ Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.

EBIREEGH 2:9 ပူးပေါင်းရင်းမြစ်များ

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 6:28

Nni mɛ̀rem min mɛɛ̀ cɛɛcɛɛ̀rɛ̀n ɓi ɗùm rì kìɓan ki nwaà lɛ cɛ? Fiɓiina yɛ̀ɛ ɓyaaɓi ɓi ɓi dɛm ɓi ti ɓi tɔɓkì, ɓyaaɓi ɓi ti ɓyɛ̀ kɛɛ̀ say, ɓyɛ̀ kɛɛ̀ ki tìŋ ɓìlàà;

MARIKUS 9:1

Nni à kpaatìghà ɓɔ lɛ: Ǹkalii mìni ɓi saaɗ lɛ gàɓ ì ɓum ìdɛŋ ìnɛ ɓi ɓumɓɛ ɓɛ rì fɛ, yàa wu ɓi di ì ka ghɛn ɓi yɛ̀ɛ kìlɔ̀ŋ ki Bɛ̀ll ki yùu yì rì ìtèɗ.

LUKAS 9:27

Ǹkalii mìni saaɗ à rìkpàà lɛ, kìgwey ki ɓi ɓumɓɛ ɓɛ rɛrɛlii ɓɛ, kaa cuu ɓi di ki ka ghɛn ɓi kilɔ̀ŋ ki Bɛ̀ll.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 10:17

Tààta à keesii mɛ̀ ɓisuulɛ, ǹfaa cɛɓ kɛ̀m lɛ di nki teeti kɔ.

ZYAŊ 12:32

Nni mɛ̀ ǹɗì ɓiì ɓaà lɛ, i ɓɛ mɛ pisi mɛ ɓi zi, ɓɛ ɓɔgsì mɛ̀ aɗyoo, ǹsyòŋ yì ɓum ɓɛ̀cèm a lɔ̀ŋkɛm̀.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 8:51

Ǹkalii mìni kɔɔ̀kɔɔ̀ à rìkalì lɛ: I ŋwaà ɓèŋi ɓìɓan ɓyɛm̀, ŋwaànɛ̀n à wii gɛ ɓi.

ZYAŊ 8:52

Nni Ɓɛ̀yudɛ̀n ɓɛ kpaaghà nyi lɛ: Ɓigomìnɛ tì yii lɛ ù rì rì kìɓeɓtàg ki nghay. Abiraham à wughà, ɓɛ̀kpaŋzì-ɓìɓan ɓɛ cuu girig, wɔ̀ɔ̀ ki kpaa lɛ: Ŋwaànɛ à ɓèŋi ɓìɓan ɓyɛm̀ à wii gɛ ɓi.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

RÒMƐŊ 5:18

Nni fɔlɔɔ nnɛ yɛ̀ɛ rìnàn dìfog ɗi kighà lɛ ǹcɛ̀m a saà a ɓum ɓɛ̀cèm, fɔlɔɔ nnɛ syeesyee à rìkì bog à mɛ kì lɛ rìɓa ɗi lɛ sɛɛghisɛɛghi ɓi mis mɛ Bɛ̀ll, ɗi ɗi ti ri falàg cɛɓ, ɗyɛè saà girig a ɓum ɓɛ̀cèm.

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

2 KƆ̀RƐ̀ŊTYƐŊ 5:15

À wughà ɓisuu ɓum ɓɛ̀cèm lɛ di ɓumɓɛ ɓɛ kaka cem ɓɛ̀ kɛɛ̀ ghɛghɛɓ ti ɓisu waa wu ɓɔmiɗ, ɓɛɛ ghɛɓ lɔŋ ɓisuu roànɛ à wughà, à ki ghèmɓɛn ɓisu wàà.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

EBIREEGH 1:9

Ù keesìghà saaɗ, ù ɓèèzɛ̀n kìɓe kìɓan kiǹ kɛɛ̀ki wɔ̀ Bɛ̀ll, Bɛ̀ll wɔ̀ɔ̀ a mɛ ɓɔ̀n wɔ, à siŋì wɔ̀ mɔ̀ɔ mɛ nnyaasɛ̀n à càɗ ɓɛ̀roŋkàŋ.

EBIREEGH 10:5

Kìɓan kiǹ kɛɛ̀ki, yɛ̀ɛ Kiris à ɓaghà di à ti ɓiì yùu ɓi ziinɛ, à kpaaghà rì Bɛ̀ll lɛ: Ù kɔ̀ni ɓi kifùna, nsoò lɛ com ki mum à faa wɔ̀, kìɓan kifog, ù faghà mɛ̀ nyoo.

EBIREEGH 11:5

Lɛ rìgherɛ̀n nnɛ Enɔg à ɓɔkà yɛ̀ɛ Bɛ̀ll cem, kɛ̀ɛ yi com ki lɛ rìwu; ŋwaàdɛŋ à ghɛɛ̀dìghà ɓi nyi ɓisuulɛ Bɛ̀ll à ɓɔkà rì nyi aɗyoo; di ɓɛ ka ɓɔg ɓi ri nyi aɗyoo, Enɔg à kìghà lɛ Bɛ̀ll a wog kìrɔɔ rì nyi.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 2:7

Ù sɛɛ̀dìghà rìɓa ɗii ɓi maa cààmɛ̀n, lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom, ù waasì nyi lɛ, rì rìkem, rì nnyaasɛ̀n fɛlɛ yɛ̀ɛ tàm à mɛ̀fòm.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

EBIREEGH 8:3

Ǹlàmì-ɓɛ̀pìrɛɛtìrɛ̀ àgwey bimiɗ à rì ŋwaànɛ à rì ǹɗɛsɛn lɛ, a resi Bɛ̀ll lɛ rì ɓyom ɓi ɓum ɓɛ faa, rì ɓìtuwe ɓi ɓum ɓɛ funɛɛ ɓi rìɓɔgsì ɗi Bɛ̀ll; fɔɔnnɛ ki ghɛɛ̀sɛɛ lɛ nyii ɓa girig rì com ki nyimiɗ yɛɛ faa ɓi rìɓɔgsì ɗi Bɛ̀ll.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

ÀPÒKÀLIƁSƐ̀ 19:12

Mis mii mɛ ri ǹɗòò wu ɗuu; ɓɛ̀tàm ɓɛ rikem ɓɛ ɓa nyi ɓi nto kìtuu; à rì ɗii ɗì kànɛn ɓi nyoo, ɗi ŋwaàdɛŋ à yii ɓi, i ki cee ɓi lɛ nyimiɗ,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.