EBIREEGH 2:17 - Bafia Nouveau Testament

¹⁷ Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 2:17 ပူးပေါင်းရင်းမြစ်များ

RÒMƐŊ 15:17

Ǹɗì min lɛ ǹsanɛ̀n kìsay ki nkìki Bɛ̀ll ɓi Yeesus ɓi ɗùm.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

EFÈZYƐŊ 2:16

Kiris à wolà bènà ɓi rìwu ɗi à wughà ɓi kɔrɔs, à ràɗkà ɓìlɔ̀ŋ ɓi kiɓɛ̀ɛ̀rɛn lɛ ɓyɛɛ ɓa nyoo bog , ɓi ki sugti ki ràrɛɛ ri Bɛ̀ll.

KÒLÒSYƐŊ 1:21

Fɔɔnnɛ mìni ɓɛ ɓì ɓaghà abɛ̀y ɓɛ̀ ràɓsɛn ri Bɛ̀ll, ɓì ki ɓa ɓɛ̀bènàbena ɓii, lɛ ɓìɓeɓtàg ɓi ɓiɓan ɓi ɓì kìkìghà,

EBIREEGH 10:21

Tì rì rì ǹlàmì ɓɛ̀pìrɛɛtìrɛ̀ àgwey anɛ ɓɛ rɛsìghà ɓi naà-Bɛ̀ll.

EBIREEGH 2:11

Ɓisuulɛ rì ǹtɛɛ̀zì ɓum, rì ɓumɓɛ à tɛɛ̀zii ɓɛ fuu yì yɛ̀ɛ mum bog, ɓisu wìn miì nnɛ ki yeesii ɓi nyi lɛ a regi ɓɔ lɛ, ɓɛ̀geni ɓii,

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 2:16

Ɓisuulɛ, àa ɓum ɓɛ titom ɓɛɛ̀ɓɛ à yùu ɓà kìghɛɓsii, lɔŋ dòò yi Abiraham.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 3:2

Yeesus à kìghà Bɛ̀ll ànɛ à faghà nyi kìsay kiǹ mɛ̀wog, lɔŋ yɛ̀ɛ Moyis à kighà, ɓi naà-Bɛ̀ll bimiɗ.

EBIREEGH 3:5

Ɓi ɓɛg ànɛ yɛ̀ɛ Moyis, à kìghà mɛ̀wog yɛ̀ɛ ki ghɛɛ̀sɛɛ, ɓi naà-Bɛ̀ll bimiɗ, à ɓaghà ǹkìì-kìsay anɛ à ghɛ̀ɛ̀sɛ̀ngà kì ghagsii ɓiɓan ɓi ɓi ghɛɛ̀sɛ̀ngà kì kalɛɛ.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 5:1

Lɛ ǹlàmì-ɓɛ̀pìrɛɛtìrɛ̀ ǹcèm ànɛ ɓɛ teri ɓi nyìinyìm à ɓum, à rì ǹrɛsɛn ɓisuu ɓum, lɛ a ki kìsay ki Bɛ̀ll, à fafà nyi ɓyom, à ki fùufunɛ̀n ɓìtuwe ɓisuu ɓiɓe ɓi ɓum.

EBIREEGH 5:10

lɛ Bɛ̀ll à làmìghà lɛ, ànɛ̀n à rì ǹlàmì-ɓɛ̀pìrɛɛtìrɛ̀ ɓi nɗɛli wu Mɛlkisedɛg.

EBIREEGH 5:2

À rì lɛ à ɓa rì rìcenɛ̀n ɓisuu ɓumɓɛ ɓɛ ti ɓɛ nanàg lɛ kɛ̀ɛ̀ rìyi, lɛ nyimiɗ a rì mum ànɛ à rì lɛ à nànɛ̀n ɓa kɛ̀ɛ̀ ìtèɗ.

EBIREEGH 5:5

Nsoò Kiris à falɛ̀ngà ɓi nyimiɗ rìgwey ɗi lɛ, a ɓa ǹlàmì-ɓɛ̀pìrɛɛtìrɛ̀. Kìɓan kifog à tekà ɗyɔ rì roànɛ à kpaaghà nyi lɛ: Ù rì Man wɛm̀, à tumɛ̀n gɛɛ̀nɛ ǹti wɔ̀ seŋi.

EBIREEGH 6:20

jàŋ inɛ Yeesus à ɗiŋìghà ɓisu wis, fɛlɛ yɛ̀ɛ ŋwaànɛ à rì ɓìsi ǹsyòŋɛn bee, lɛ ɓɛ rɛsìghà nyi ǹlàmì ɓɛ̀pìrɛɛtìrɛ̀ àgwey isuùcèm ɓi nɗɛli wu Mɛlkisedɛg.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.

EBIREEGH 7:28

Ɓumɓɛ ɓìdɔ̀gsɛna ɓi Moyis ɓi nfalàg ìkɔ̀ɔ̀ wu ǹlàmì-ɓɛ̀pìrɛɛtìrɛ̀ àgwey, ɓɛ ɓaghà lɔŋ ɓumɓɛ ɓɛ ri lɛ ɓɛ ki kìɓe; wɔ̀lɛ jɛ̀ɛ̀ ìnɛ ì rì ɓi bɛ̀ɗ inɛ Bɛ̀ll à kànɛ̀ngà ajɛ̀m ì ɓìdɔ̀gsɛna ɓi Moyis, ì ɓɔgsìghà Man à Bɛ̀ll ǹlàmì-ɓɛ̀pìrɛɛtìrɛ̀ àgwey ànɛ à ti ɓi nɗɛli wulɛ kɛ̀ɛ nààdi isuùcèm.

EBIREEGH 8:1

Ɓi ɓìɓan ɓi ti kpaakpàà, ki ki cee kɛɛ ri lɛ, tì rì rì ǹlàmì-ɓɛ̀pìrɛɛtìrɛ̀ àgwey ànɛ, à kɛ̀ngà kì kɔ̀rii ɓi weèlem à rìlàmì ɗi Bɛ̀ll, ɓi ɗyoo ɓi ɗùm,

EBIREEGH 8:3

Ǹlàmì-ɓɛ̀pìrɛɛtìrɛ̀ àgwey bimiɗ à rì ŋwaànɛ à rì ǹɗɛsɛn lɛ, a resi Bɛ̀ll lɛ rì ɓyom ɓi ɓum ɓɛ faa, rì ɓìtuwe ɓi ɓum ɓɛ funɛɛ ɓi rìɓɔgsì ɗi Bɛ̀ll; fɔɔnnɛ ki ghɛɛ̀sɛɛ lɛ nyii ɓa girig rì com ki nyimiɗ yɛɛ faa ɓi rìɓɔgsì ɗi Bɛ̀ll.

EBIREEGH 9:11

Wɔ̀lɛ Kiris à yùghà fɛlɛ yɛ̀ɛ ǹlàmì ɓɛ̀pìrɛɛtìrɛ̀ àgwey ànɛ ɓi ɓìɓan ɓi syeesyee ɓi ɓi ri ɓiì ɓaà; à syààghày kìnuugh ki ki kii lɛ, ki teghɛ̀n ki cee, ki ki rɔɔtɛn ki cee, kɛ̀ kɛɛ̀ ki ɓa kinuugh ki ɓum ɓɛɛ toŋi, yɛɛlɔɔ lɛ ki yin ɓi bàlì ì ɓyom ɓi ɓi kilɛ̀ngà ɓi ziinɛ.