EBIREEGH 2:14 - Bafia Nouveau Testament

¹⁴ Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 2:14 ပူးပေါင်းရင်းမြစ်များ

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 12:24

Ǹkalii mìni ɓi saaɗ lɛ: I ɗis ɗi bààzì ɗi kpii ɓi ɓi zi ɗi wu, di ɗi rɔɓi lɔŋ ɗyɔ rì ɗyɔ, wɔ̀lɛ i ɗi wii ɗi ɓa tì rì mis mɛdɛŋ lɛɛ̀gwey.

RÒMƐŊ 14:9

Lɛ Kiris à wughà, à ki ghemɓɛn lɛ di a ɓa Kan ànɛ à làmii lɛ rì ɓìloŋ rì ɓum ɓɛ cem.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 1:28

Bɛ̀ll à ɓɔ̀ngà ɓyom ɓi nnyuŋì ɓi ɓi ziinɛ, rì ɓyom ɓi ɓum ɓɛɛ̀ sɛɛsɛɛ̀tì, ɓi ɓi yin ɓɛ bimiɗ ɓɛ ɓyom lɛ, a ghaasi ɓyom ɓi ɓi ri lɛ gìn i ɓyom, ɓyom ɓi zɛy.

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

KÒLÒSYƐŊ 2:15

À dùŋzìghà ɓɛ̀làmì rì mɛ̀tèɗ mɛ mɛghay, à ghanì ɓɔ ɓi mis mɛ ɓum ɓɛ̀cèm yɛ̀ɛ à yagsàkà ɓɔ ɓi kɔrɔs aɗyòò.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:5

Kìɓan kiǹ kɛɛ̀ki, yɛ̀ɛ Kiris à ɓaghà di à ti ɓiì yùu ɓi ziinɛ, à kpaaghà rì Bɛ̀ll lɛ: Ù kɔ̀ni ɓi kifùna, nsoò lɛ com ki mum à faa wɔ̀, kìɓan kifog, ù faghà mɛ̀ nyoo.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 2:18

Lɛ yɛ̀ɛ nyimiɗ a tulɛ̀ngà rì mɛ̀fèèghrɛn, à wog rìkɛŋ à rì lɛ à ghɛɓsì ɓumɓɛ ɓɛ ri ɓi mɛ̀fèèghrɛn.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

ÀPÒKÀLIƁSƐ̀ 1:18

Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

ÀPÒKÀLIƁSƐ̀ 20:2

À ɓangà kìnààgɔ̀n ki ki ri lɛ fìɗyàɓ fi nyoo fi lɛ nɗèm, rì Satàn, à kàŋ kɔ bɛn lɛ kɛɛ kɔri fɔlɔɔ bèg tɔɔsìm.