EBIREEGH 2:10 - Bafia Nouveau Testament

¹⁰ Ɓisuulɛ Bɛ̀ll ànɛ à kìghà ɓyom ɓìcèm, ànɛ à ki rì rì ɓyom ɓìcèm, nnyɛɛ̀ ki kìghà lɛ ɓɔn lɛɛ̀gwey ɓɛɛ teɗ gàɓ ɓi rìkem ɗii, ɓi bee ì rìkɛŋ, a ki lɛ Yeesus ànɛ à rì ǹto wu gòri yàà, a kpaŋ ɓi nɗɛli wu, kɛ̀ɛ ɓa ri kìɓan ki fenɛn a lɔ̀ŋkii.

EBIREEGH 2:10 ပူးပေါင်းရင်းမြစ်များ

LUKAS 13:32

Nni Yeesus à ɓàkà ɓɔ lɛ: Kɛ̀ɛna kì kpaà kìbina kiǹ lɛ: Ghɛɛna nnànaɓ ɓiɓeɓtàg ɓi mɛghay, ǹki wɔ̀ɔwɔɔ̀zì ɓum lɛ rì gɛɛ̀nɛ rì rìduri, mɛ̀ru mɛɓɛɛ̀ fɛlɛ, di m̀mɛ lègsi kisay kiǹ.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

LUKAS 24:26

ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?

LUKAS 24:46

À ki kpaa ɓɔ lɛ: Ki ri kì kànɛn lɛ: Kiris à ghɛ̀ɛ̀sɛɛ kì woògh rìkɛŋ, à ghèmɓɛ̀n a ɓìloŋ ɓi ŋwos a kìraa.

ZYAŊ 11:52

Àa lɔŋ kìlɔ̀ŋ kiǹ kɔ rì kɔ, à ghɛ̀ɛ̀sɛɛ girig kì wiì lɛ a taŋzɛn ɓɔn ɓɛ Bɛ̀ll ɓɛ̀cèm, ɓɛ ɓɛ ri ɓɛ̀sààtɛn, ɓɛɛ ɓa kìbyɔg kìfog.

ZYAŊ 19:30

Yɛ̀ɛ Yeesus à syògà ɓìkpamà ɓi mɛrɔ̀g ɓiǹ, nni à kpaaghà lɛ: Ɓìɓan ɓìcèm ɓi roni. Fɔɔnnɛ à tuŋzìghà nto à maasì.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

RÒMƐŊ 11:36

Lɛ ɓyom ɓìcèm ɓi fuuyì ɓi nyi, ɓi ri lɛ nyi, ɓi ki rì ɓisu wìì, nnyɛ̀ɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

2 KƆ̀RƐ̀ŊTYƐŊ 5:18

Ɓìɓan ɓiǹ ɓìcèm ɓi riì yɛ̀ɛ Bɛ̀ll ànɛ à kìghà lɛ paàzì ànɛ lɛ rì ɓìsi rì nyi a leg lɛ Kiris; nnyɛɛ ki faghà ɓìsi kìsay lɛ ɓum ɓɛɛ leg ɓi kìɓan ri nyi.

2 KƆ̀RƐ̀ŊTYƐŊ 6:18

M̀ɓaa gɛ Seŋi wìn, mìnii ɓa mɛ̀ ɓɔn ɓɛ ɓɛ baŋì rì ɓɛ ɓɛ̀yiɓ, fɔɔnnɛ Kan à ìtèɗ wucèm a kpaaghì.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

EFÈZYƐŊ 3:10

Fɔɔnnɛ à tumɛ̀n ɓigomìnɛ, ɓɛ̀làmì, rì mɛ̀tèɗ mɛ ɓi ɗyoo ɓi ɗùm, ɓɛ yii ɗyomzɛ̀n ɗi Bɛ̀ll, ɓi ɓìɓan ɓìcèm lɛ kìseŋi ki ɓɛgherɛ̀n.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 6:20

jàŋ inɛ Yeesus à ɗiŋìghà ɓisu wis, fɛlɛ yɛ̀ɛ ŋwaànɛ à rì ɓìsi ǹsyòŋɛn bee, lɛ ɓɛ rɛsìghà nyi ǹlàmì ɓɛ̀pìrɛɛtìrɛ̀ àgwey isuùcèm ɓi nɗɛli wu Mɛlkisedɛg.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.

EBIREEGH 7:28

Ɓumɓɛ ɓìdɔ̀gsɛna ɓi Moyis ɓi nfalàg ìkɔ̀ɔ̀ wu ǹlàmì-ɓɛ̀pìrɛɛtìrɛ̀ àgwey, ɓɛ ɓaghà lɔŋ ɓumɓɛ ɓɛ ri lɛ ɓɛ ki kìɓe; wɔ̀lɛ jɛ̀ɛ̀ ìnɛ ì rì ɓi bɛ̀ɗ inɛ Bɛ̀ll à kànɛ̀ngà ajɛ̀m ì ɓìdɔ̀gsɛna ɓi Moyis, ì ɓɔgsìghà Man à Bɛ̀ll ǹlàmì-ɓɛ̀pìrɛɛtìrɛ̀ àgwey ànɛ à ti ɓi nɗɛli wulɛ kɛ̀ɛ nààdi isuùcèm.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.