EBIREEGH 13:9 - Bafia Nouveau Testament

⁹ Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

EBIREEGH 13:9 ပူးပေါင်းရင်းမြစ်များ

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 24:4

Fɔɔnnɛ Yeesus à ɓàkà ɓɔ lɛ: Ɓì konàg lɛ mum kɛ̀ɛ yègsi mini.

LUKAS 5:38

kìɓan kifog ɓɛ ghɛɛ̀sɛɛ kì foŋì mɛ̀rɔ̀g mɛ nyɔn ɓi ɓìren ɓi nyɔ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:30

Nsoò ɓi nyìinyìm wìn, ɓum ɓɛdɛŋ ɓɛ tumɛɛ gɛ rìrèrèsì ɗi ɓum ɓìɓan ɓi ɓi ghɛɛ̀sɛɛ ɓi, lɛ, ɓɛɛ syoŋ̀ ɓɛ̀gherɛ̀n ɓi bee yaà.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 14:2

Rìgherɛ̀n ɗi ŋwaàdɛŋ ɗi ri lɛ ɗi tinì nyi lɛ a ɗiɗi ɓyom ɓìcèm kɔlɛ ŋwaàmbog ànɛ rìgherɛ̀n ɗii ɗi teèsɛɛ ɓi, nyii ɗiɗì lɔŋ lɛ ɓìnyàa.

RÒMƐŊ 14:6

Ŋwaànɛ a ghaghasi gòn a kìki fɔlɔɔ ɓisuu Kan, ŋwaànɛ a ɗiɗi ɓyom ɓìcèm a ɗiɗi ɓyɔ ɓisuu Kan, lɛ à ti à falàg Bɛ̀ll ɓìtògsɛ̀n; ŋwaànɛ à ti kɛ̀ɛ ɗi, à ti kɛ̀ɛ ɗi ɓisuu Kan, nyi girig à ti à falàg Bɛ̀ll ɓìtògsɛ̀n.

1 KƆ̀RƐ̀ŊTYƐŊ 6:13

Ɓìɗilàg ɓi ri ɓisuu ɗùm, ɗùm ɗi ki ɓa ɓisuu ɓiɗilàg, Bɛ̀ll à rì ɓiì ki yogsii ɓyom ɓi kiɓɛ̀ɛ̀ ɓiǹ; wɔ̀lɛ nyoo ì mum ì yin nkìyɛn ɓisuu cɛɓ ki tifin, ì rì ǹkìyɛn ɓisuu Kan, Kan à ki ɓa ɓisuu nyoo ì mum.

1 KƆ̀RƐ̀ŊTYƐŊ 8:8

Àa ɓìɗilàg ɓidɛŋ ɓyɛɛ ri ɓiì kìi lɛ ti kpaŋ Bɛ̀ll jàŋbog, nsoò tyàa ki ɗii ɓi ɓyɔ, com kidɛŋ kaa pɛ̀sɛn ɓi ɓi rìɓa ɗis, tì soo ki ɗii ɓyɔ, com kidɛŋ kɛ̀ kɛɛ̀ sagtɛn ɓi rìɓa ɗis.

2 KƆ̀RƐ̀ŊTYƐŊ 1:21

Roànɛ à ti à kìlàg lɛ ti siìrɛn ɓi Kiris ǹɗaŋ ri mìni, roànɛ à siŋìghà ɓìsi mɔ̀ɔ mɛ lɛ tì rì ɓum ɓii yɛɛ ri Bɛ̀ll nyimiɗ.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

KÒLÒSYƐŊ 2:4

Ǹkpaa kìɓan kiǹ ɓisuulɛ mum kɛ̀ɛ ɓɔ̀ŋ mini rì ɓìsyeesyee ɓi ɓitòkì.

2 TÈSÀLÒNÌSYƐŊ 2:17

ɓɛɛ fɔɔ̀si mìni mɛ̀rem, ɓɛ fa mìni ìtèɗ wu kìyɛn ɓiɓan ɓi syeesyee, ɓi mɛ̀kìkì min mɛcèm, rì ɓi ɓìtòkì ɓin ɓìcèm.

2 TÈSÀLÒNÌSYƐŊ 2:2

kɛ̀ ɓi càrɛn lɛ mum a fyaŋzi mìni kì nyɛ̀ŋi ɓi syeesyee à ǹɗɛli anɛ ɓì rì miì, nsoò lɛ a syaŋdi mìni bwaɓ ɗi rìkuu ɗi ɗyomzɛ̀n ɗidɛŋ ɗi ǹghay wudɛŋ wu ri lɛ wu fa nyi, nsoò rì jɛ̀ɛ̀ ìdɛŋ, nsoò rì kaàtà ànɛ ɓɛ ri lɛ ɓɛ pwaà mìni lɛ ɓìsi yɛɛ kani, ki pisɛ̀n fɛlɛ yɛ̀ɛ ŋwos a Kan à mɛ kpaŋ.

TIMOTE 6:20

Timote, konag kì ɓèŋi com ki ɓɛ tɛfɛ̀ngà rì wɔ̀, ù lèg kɛɛgh à kɛ̀ɛ̀-su ànɛ kɛ̀ɛ wuɓsɛn ɓiɓan ɓi righerɛ̀n, rì nyoey yi riyi ɗi ɓiɓan ɗi ɗi ri ɓi zɛ̀ɗ.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

ZYUUDƐ 1:12

Ɓumɓɛ̀n ɓɛɛ ti ɓɛ yulàg yì rì fìɓàg a ɓìɗilàg ɓin ɓi rigeni, jàŋ inɛ ɓɛ ti ɓɛ rokàg ɓi ɓìɗilàg kɛ̀ɛ̀ ǹtoòrìɗ ɓɛ fɔmfɔ̀m lɔŋ lɛ mùm maa mɔ rì mɔ. Ɓɛ ri yɛ̀ɛ ɓìkwìɗ ɓi bɛ̀ɓ yɛɛ̀ titìnì, ɓyɛ̀ kɛɛ̀ nɔsi bwey. Ɓɛ ri tì yɛ̀ɛ ɓìte ɓi ɓi ri kɛ̀ɛ ɓìɗùn nsoò ɓi cààmɛ̀n ki ɓyaa ghɛ̀ɛ̀sɛɛ kì wumì; ɓìte ɓi ɓi ri ɓì wuyɛn lɛ kɔɔ̀kɔɔ̀ ɓi ki ɓa ɓi mùsakɛn.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.