EBIREEGH 13:4 - Bafia Nouveau Testament

⁴ Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

EBIREEGH 13:4 ပူးပေါင်းရင်းမြစ်များ

1 KƆ̀RƐ̀ŊTYƐŊ 5:13

Ɓɛ̀roɓɛ ɓi dan, Bɛ̀ll à yɔ̀mi gɛ ɓɔ; lɛ ki ri kì kànɛn lɛ: Pisiina kìɓeɓtàg ki mum ɓi nyìinyìm wìn.

1 KƆ̀RƐ̀ŊTYƐŊ 6:18

Lɛɛghna cɛɓ ki tisɔ̀mɔ̀g! Lɛ ɓìɓe ɓimbog ɓìcèm ɓi mum à rì lɛ à kì, ɓi ti ɓyɛ̀ kɛɛ̀ kòm nyoo yìì, wɔ̀lɛ i ŋwaà nɔ̀ɔ̀tii cɛɓ ki tisɔ̀mɔ̀g, di à kìi kìɓe ki kɛɛ yogsi nyoo yìì.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 7:38

Fɔlɔɔ nnɛ ŋwaànɛ à faa gɔ̀n yìì ɓi rìwɛy, à kìi syeesyee à kìɓan, wɔ̀lɛ ŋwaànɛ à faa ɓi gɔ̀n yìì ɓi rìwɛy yɛɛ raŋ̀zii kì kìi syeesyee à kìɓan.

1 KƆ̀RƐ̀ŊTYƐŊ 9:5

Tì yin nya rì ìtèɗ wulɛ ti ki yɛ̀ɛ ɓɛ̀kɛ̀nì-fìtom ɓɛmbog, rì ɓɛ̀geni ɓɛ Kan, rì Sefas ɓɛ ti ɓɛ kilàg lɛ ti kɛngi mɛ̀kɛ̀ɛ̀ mis nɗaŋ ri giɓ wis ànɛ à rì kìristɛ̀n?

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

GÀLAT 5:19

Ɓìɓan ɓi ɓyɛɛ̀ kɔ̀ngi mɛmùù ɓi nanɛɛ ɓì; ɓyɛɛ ri lɛ: Kìfàrà, tisɔ̀mɔ̀g, cɛɓ ki sààsaa,

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

TÈSÀLÒNÌSYƐŊ 4:6

Ɓi kìɓan kiǹ ŋwaàɗɛŋ à ghɛ̀ɛ̀sɛɛ ɓi ki yègsiì geni, nsoò lɛ à kì nyi kìɓeɓtàg ki nɗem, lɛ Kan à ti à rɔ̀gì ɓìɓan ɓiǹ lɔŋ yɛ̀ɛ tì mɛ kì lɛ, tì kpaa mìni, tì ki rèsi mini.

TIMOTE 3:12

Dyaakìrɛ̀ à ghɛɛ̀sɛɛ kì ɓaà giɓ bog, à ki kɛ̀ɛkɛɛ̀sì ɓɔn ɓii, rì rìmɛɛ ɗii lɛ syeesyee.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 3:4

Ki ghɛɛ̀sɛɛ lɛ à kɛ̀ɛ̀kɛ̀ɛ̀sì naa yìì i ɓum lɛ syeesyee, à yi rìkì lɛ ɓɔn ɓii ɓɛɛ ɓa rì mɛ̀wog, ɓɛ falàg nyi bɔgsɛ̀n yɛ̀ɛ ki ghɛɛ̀sɛɛ.

TIMOTE 4:3

Ɓumɓɛ̀n ɓɛ rerèg lɛ mum kɛ̀ɛ wɔlɛn, kɛ̀ɛ ki ɗi ɓiɗilàg ɓi Bɛ̀ll à kìghà lɛ ɓɛ̀gherɛ̀n ɓɛ ɓɛ yii saaɗ ɓɛɛ ɗiɗi di ɓɛɛ̀ fafa nyi ɓìtògsɛ̀n.

TIMOTE 5:14

Rìkɔ̀n ɗyɛm̀ ɗi ri lɛ mɛ̀kpɔɓ mɛ mɛ kaka ɓɔɓti, mɛɛ kɛngi tì mɛ̀wɛy, mɛ yay ɓɔn, mɛ ɓeŋ̀ naa yaa, di fɔɔnnɛ ɓɛ̀ kɛ̀ɛ nɛm bènàbena bee inɛ a totog ɓìsi kìɓe.

Kaàtà ànɛ Pol à kàngà TIT 1:6

Mum ǹcèm ànɛ ɓi ɓumɓɛ̀n à ghɛ̀ɛ̀sɛɛ kì ɓaà kɛ̀ɛ̀ kìɓan ki ɓɛ cɛmdɛ̀n, à ɓa giɓ bog, ɓɔn ɓii ɓɛ ghɛɛ̀sɛɛ kì ɓaà ɓɛ̀gherɛ̀n, ɓɛ̀ kɛɛ̀ ɓa ɓɔɓti ɓɛ ɓum ɓɛɛ̀ cɛɛcɛmdɛ̀n lɛ ɓɛ ri lɛ nyùùnyùùgh, nsoò lɛ ɓɛ ri rì ntoòtèɗ.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.