EBIREEGH 13:21 - Bafia Nouveau Testament

²¹ a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

EBIREEGH 13:21 ပူးပေါင်းရင်းမြစ်များ

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 21:31

Nni ɓi kìɓɛ̀ɛ̀ ki ɓɔɓti kiǹ, roàbe yɛɛ kighà rìkɔ̀n ɗi seŋì? Ɓum ɓɛ Yeesus à tekà dàɗkì ìnɛn ɓɛ ɓaàg lɛ: Man à ǹtonto yɛɛ kighà rìkɔ̀n ɗi seŋì. Yeesus à ki kpaa ɓɔ lɛ: Ǹkalii mìni saaɗ à rìkpaa lɛ, ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ loogh gɛ kì kpaŋì ɓi kìlɔ̀ŋ ki Bɛ̀ll rì mìni.

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

MATYOO 7:21

Àa ɓum ɓɛ̀cèm ɓɛ ɓɛɛ rereŋi mɛ lɛ: Kan, Kan ɓɛɛ ri ɓiì ɗiŋii ɓi kìlɔ̀ŋ ki aɗyòò, lɔŋ roànɛ à kìi rìkɔ̀n ɗi Tààta wɛ̀m ànɛ à rì ɓi ɗyoo ɓi ɗùm, nnyɛɛ ɓiì kɛ̀ɛ wɔɔ.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

RÒMƐŊ 11:36

Lɛ ɓyom ɓìcèm ɓi fuuyì ɓi nyi, ɓi ri lɛ nyi, ɓi ki rì ɓisu wìì, nnyɛ̀ɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

RÒMƐŊ 16:27

Bɛ̀ll ànɛ à rì ŋwaà ɗyomzɛ̀n cɛ̀ncii, a teɗ rìkem fìɗyàɓ fikɔ̀ɔ̀ lɛ Yeesus Kiris. Ààmɛ̀n.

2 KƆ̀RƐ̀ŊTYƐŊ 9:8

Bɛ̀ll à ki rì rì ìtèɗ wulɛ à roòzì mìni rì ɓɛ̀mààgh mɛ̀kuu mɛ̀cèm ɓi lèg ànɛ lɛ ɓi ɓa cààmɛ̀n kìcèm rì ɓyom ɓi ɓì ghɛ̀ɛ̀sɛɛ kì ɓaà rì ɓyɔ, ɓì ki rɔ̀ɓti ti ri ɓyom lɛɛ̀gwey ɓi ɓì rì lɛ ɓì ghɛɛ̀ghɛ̀ɓsì ɓum miì.

GÀLAT 1:5

Nyi yɛɛ ghɛɛ̀sɛɛ rì rìkem cààmɛ̀n kìcèm. Ààmɛ̀n.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 2:11

ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

FÌLÌPYƐŊ 4:13

Ǹɗì lɛ ǹcenɛ̀n ɓìɓan ɓiǹ ɓìcèm rì ìtèɗ wu roànɛ à ti à falàg mɛ̀ ìtèɗ.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

KÒLÒSYƐŊ 3:20

Mìni ɓɔn, kìina ɓɛ̀yalì ɓin mɛwog ɓi ɓìɓan ɓìcèm, ɓisuulɛ kìɓan kiǹ ki ri lɛ syeesyee ɓi mis mɛ Kan.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 2:17

ɓɛɛ fɔɔ̀si mìni mɛ̀rem, ɓɛ fa mìni ìtèɗ wu kìyɛn ɓiɓan ɓi syeesyee, ɓi mɛ̀kìkì min mɛcèm, rì ɓi ɓìtòkì ɓin ɓìcèm.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

2 TIMOTE 3:17

lɛ mum à Bɛ̀ll a ɓa m̀pègsɛn lɛ kɔɔ̀kɔɔ̀, à ki ɓa ri bee inɛ lɛ a ki ɓìɓan ɓi syeesyee.

2 TIMOTE 4:18

Kan à rì mɛ̀ ɓiì lɛgsii ɓiɓan ɓi ɓeɓtɛn ɓìcèm, à ki ghɛɓsi mɛ lɛ nɗiŋi ɓi kìlɔ̀ŋ kii ki ki ri aɗyòò. Nyi yɛɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 12:23

ɓìi nkɛ̀ɛ jàŋbog rì ǹtaŋzɛn wu ɓɔn ɓɛ Bɛ̀ll ɓɛ ǹtonto, ɓɛ mii maa mɛ ri mɛ̀ kànɛn ɓi ɗyoo ɓi ɗùm; ɓìi nkɛɛ̀ jàŋbog rì Bɛ̀ll ànɛ à rì ɓiì yɔ̀mi ɓum ɓɛ̀cèm; ɓìi nkɛ̀ɛ jàŋbog rì mɛ̀ghay mɛ mɛ ri lɛ saaɗ, mɛ mɛ ti lɛ syeesyee, kɛ̀ɛ̀ com ki ɓɛ ri lɛ ɓɛ fen ɓi mɔ.

EBIREEGH 12:28

Nni ti faana min Bɛ̀ll ɓìtògsɛ̀n yɛ̀ɛ tì teri kìlɔ̀ŋ ki ki yin lɛ ki kpig, tì ɓɔgsì nyi rìɓɔgsì ɗi ɗi ri lɛ ɗi rɔɔ nyi, rì mɛ̀wog, rì ìris.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

1 ZYAŊ 2:17

Nni ziinɛ yɛɛ̀ ghaghààgh, kìkɔ̀nɛɛ ki ɓiɓan ɓi miì ki ghaghààgh girig, wɔ̀lɛ ŋwaànɛ a kìki rikɔ̀n ɗi Bɛ̀ll à ɓiì kɔ̀rii fiɗyàɓ fikɔ̀ɔ̀.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.

ZYUUDƐ 1:25

rìgwey, rì m̀ɓɔg, rì ìtèɗ rì rìlàmì ɓi ghɛɛ̀sɛɛ rì m̀bobog à Bɛ̀ll ànɛ à rì ǹghɛɓsì wìs, lɛ Yeesus Kiris, à tumɛ̀n ɓi ɓyààmɛ̀n ɓi ɓi ghaghighà ɓìcèm à kpaŋ gɛɛ̀nɛ rì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 5:13

Fɔɔnnɛ ǹwokà di ɓyom ɓìcèm ɓi Bɛ̀ll à kìghà ɓi ɗyoo ɓi ɗùm, rì ɓi ziinɛ, rì ɓi ziinɛ a zi, rì ɓi rìɓày à kìkòn rì ɓyom ɓìcèm ɓi ɓi ri miì ɓyɛɛ̀ kpaakpaa lɛ: Roànɛ à kɔ̀kɔrii ɓi-kɔ̀ɔ̀ wu rilàmì rì Man à jɔ̀ɔ̀, ɓɛ ghɛɛ̀sɛɛ rì ìtèɗ wu rilàmì fìɗyàɓ fikɔ̀ɔ̀.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.