EBIREEGH 13:20 - Bafia Nouveau Testament

²⁰ Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

EBIREEGH 13:20 ပူးပေါင်းရင်းမြစ်များ

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

MARIKUS 14:24

Yeesus à kpaa ɓɔ lɛ: Bwaɓ yɛm̀ yɛɛ ri lɛ, bwaɓ yi rìràrɛn ɗi lɛ rì Bɛ̀ll rì ɓum, yɛɛ ri ɓiì kpaŋì ɓisuu ɓum lɛɛ̀gwey.

LUKAS 22:20

Fɔlɔɔ nnɛ à tekà girig ɓeŋ, ajɛ̀m ì rìɗi, à fa ɓɔ a kpaa lɛ: Ɓeŋ ànɛ, à rì nyɔɔnyɔn à rìràrɛ̀n ɗi lɛ, rì Bɛ̀ll rì ɓum, ɓi bwaɓ yɛm̀ yi yi ɗyoŋi ɓisu wìn.

ZYAŊ 10:11

Mɛ̀ yɛɛ ri syeesyee à m̀ɓèŋì-jɔ̀ɔ̀. Syeesyee à m̀ɓèŋì-jɔ̀ɔ̀ a falag cɛɓ kii ɓisuu jɔ̀ɔ̀ yii.

ZYAŊ 10:14

Mɛ̀ yɛɛ ri syeesyee à m̀ɓèŋì-jɔ̀ɔ̀. Ǹ-yii jɔ̀ɔ̀ yɛm̀, jɔ̀ɔ̀ yɛm̀ yi ki yii mɛ̀,

MƐ̀KÌKÌÌ MƐ ƁƐKƐ̀NÌ-FÌTOM 13:30

Nsoò fɔlɔɔ, Bɛ̀ll à ghèmzìghày nyi ɓi nyìinyìm à ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 2:24

Wɔ̀lɛ Bɛ̀ll àa ǹghèmzii nyi, à fùmì nyi bɛn yi riwù, lɛ ki n-yin lɛ ki kilɛ̀n lɛ, rìwu ɗyɛɛ ghaatɛn yì rì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 5:30

Bɛ̀ll à ɓɛ̀seŋi ɓìs àa ǹghèmzii Yeesus ànɛ ɓìi ǹwoli di ɓi kpani ɓi kɔrɔs.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 10:7

Nsoò lɛ ù kpaa lɛ: Ghɛn yɛ̀ɛ ri sɛni gɛ a nyɔ̀ɛ̀y? Fɔlɔɔ a rì lɛ ù pɛ̀ɛ̀zii tì Kiris ɓi nyìinyìm à ɓìloŋ.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

1 KƆ̀RƐ̀ŊTYƐŊ 14:33

Ɓisuulɛ Bɛ̀ll à yin Bɛ̀ll à kìɓùùsì, à rì lɔŋ Bɛ̀ll à fyòoog. Lɔŋ yɛ̀ɛ ki ti ki ɓalàg ɓi mɛ̀taŋzɛn mɛ ɓɛgherɛ̀n Bɛ̀ll mɛ̀cèm

1 KƆ̀RƐ̀ŊTYƐŊ 15:15

Ki ɓa gì kɔm̀ lɛ ɓìsii ri ɓɛ̀nkɔ̀ɔwa ɓɛ ɓɛɛ̀ kpaakpaa ɓiɓan ɓi ɓɛpwàà ɓɛ raràɗ rì Bɛ̀ll, ɓisuulɛ tì pwààghà Bɛ̀ll kìɓan ɓi nyoo, yɛ̀ɛ tì kpaaghà lɛ, à ghèmzìghà Kiris, kɔm̀ lɛ à ghèmzìghà ɓi nyi, di ki ɓaa saaɗ lɛ, ɓìloŋ ɓi yin lɛ ɓi ghemɓɛ̀n ɓi.

1 KƆ̀RƐ̀ŊTYƐŊ 6:14

Nni Bɛ̀ll ànɛ à ghèmzìghà Kan a ɓìloŋ, à ghèmzii gɛ girig ɓìsi rì ìtèɗ wii.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

2 KƆ̀RƐ̀ŊTYƐŊ 4:14

tì ki yi lɛ roànɛ à ghèmzìghà Kan Yeesus, à ghèmzii gɛ girig ɓìsi ǹɗaŋ ɗi Yeesus, à ki kì lɛ ti kpaŋ a lɔ̀ŋkii nɗaŋ ɗi mìni.

GÀLAT 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris, àa lɛ rìkɔ̀n ɗi ɓum, nsoò lɛ rìkì ɗi bimiɗ à mum, ǹɗì lɔŋ fɔlɔɔ lɛ Yeesus Kiris, rì Bɛ̀ll Seŋi ànɛ à ghèmzìghà nyi a ɓìloŋ, mɛ̀ yɛɛ kaniì kaàtà ànɛ,

EFÈZYƐŊ 1:20

Wɛɛ̀wu à kìghà kìsay ri wɔ, yɛ̀ɛ à ghèmzìghày Kiris a ɓìloŋ, à kɔ̀ɔ̀sì nyi ɓi weèlem wìì ɓi ɗyoo ɓi ɗùm.

FÌLÌPYƐŊ 4:9

Ɓìɓan ɓi ɓì kìghà lɛ, ɓì yilàg, ɓì teɗ, ɓì ki wog a lɔ̀ŋkɛm̀, rì ɓi ɓì ghɛngà mɛ̀ di nkìkì, ɓyɛɛ̀ɓi kìkiina. Fɔɔnnɛ Bɛ̀ll à fyòoog à ɓiì ɓaà rì mìni.

KÒLÒSYƐŊ 2:12

Ɓɛ ɓomgà mìni ǹɗaŋ ri nyi yɛ̀ɛ ɓì ɓàɓtɛ̀ngà, ɓì mɛ ghèmɓɛn girig ɓi nyi, ǹɗaŋ ɗi nyi lɛ rìgherɛ̀n ɗi ɓì gherɛɛ ìtèɗ wu Bɛ̀ll ànɛ à ghèmzìghày nyi a ɓìloŋ.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 3:16

Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 9:20

À kpaa lɛ: Bwaɓ yi yi siìraagh bee inɛ Bɛ̀ll àa ǹsiŋ̀dɛɛ mìni lɛ, ɓi ɓeŋ yɛ̀ɛ ri lɛ.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.