EBIREEGH 13:2 - Bafia Nouveau Testament

² Kɛ̀ ɓi ɗimzɛn kiɓan ki lɛ ɓi ghaɓki ɓɛ̀kèn lɛ syeesyee; ɓisuulɛ ɓum ɓɛdɛŋ ɓɛ laasìghà ɓum ɓɛ titom ɓɛ̀ kɛɛ̀ yi ɓi kìsyɔ̀ɔ̀ kiǹ.

EBIREEGH 13:2 ပူးပေါင်းရင်းမြစ်များ

MATYOO 25:35

Lɛ yɛ̀ɛ zày ì kɔ̀ngà mɛ̀, ɓì faghà mɛ̀ ɓìɗilàg, kìnɔli ki ki mɛ̀, ɓì fa mɛ̀ mɛ̀nig mɛnɔyɛn; m̀ɓaghà ǹken, ɓì ghàɓ mɛ̀ a mɛɛ min.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 25:43

m̀ɓaghà ǹkèn, kɛ̀ ɓi ghàɓ mɛ a mɛɛ min; mɛ̀ nyoozɛy, kɛ̀ ɓi fa mɛ ɓìlàà; ǹɗoròɓkà, mɛ̀ tì ɓi naà-zày, kɛ̀ ɓi yù mɛ kì ghɛɛ̀.

MƐ̀KÌKÌÌ MƐ ƁƐKƐ̀NÌ-FÌTOM 16:15

Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

RÒMƐŊ 12:13

Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.

RÒMƐŊ 16:23

Gayus ànɛ ǹkɔ̀kɔrii a mɛɛ mii, ànɛ kìseŋi kìcèm ki ti ki taŋzàg a mɛɛ mii a tògsii mìni; Erast ànɛ à rì baŋ-masà ànɛ ɓi bàn, rì geni wìs anɛ ɓi rìgherɛ̀n ànɛ lɛ Karitus, ɓɛ togsii mìni.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

Kaàtà ànɛ Pol à kàngà TIT 1:8

Kìɓan kifog à ghɛ̀ɛ̀sɛɛ kì yiì rìghàɓ ɗi ɓɛ̀kèn, à keesì ɓìɓan ɓi syeesyee, à ɓa rì ɗyomzɛ̀n, à ɓa lɛ saaɗ, à ɓa ǹtɛnɛn ɓi mis mɛ Bɛ̀ll, à ki ɓìɓ nɗem,

1 PYƐƐRI 4:9

Ɓaana rì ǹɗem wulɛ ɓi ghaɓki ɓɛ̀geni ɓin di ɓɛ yuu a lɔ̀ŋkin kɛ̀ɛ̀ tìrùrùmì.

3 ZYAŊ 1:5

Mum wɛm̀ à nɗem, u kìki ɓɛgoni ɓɛ ɓi rìgherɛ̀n ɓìɓan, nsoò ɓɛ̀roɓɛ ɓɛ ri ɓɛ̀kɛ̀n, lɔŋ yɛ̀ɛ ki ghɛɛ̀sɛɛ lɛ ǹgherɛ̀n a ki.