EBIREEGH 13:16 - Bafia Nouveau Testament

¹⁶ Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

EBIREEGH 13:16 ပူးပေါင်းရင်းမြစ်များ

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

RÒMƐŊ 12:13

Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.

GÀLAT 6:10

Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

GÀLAT 6:6

Kighɛɛ̀sɛɛ lɛ Ŋwaànɛ ɓɛɛ̀ rèresi jɛ̀ɛ̀ ì Bɛ̀ll a fa roànɛ a rèresi nyi gàɓ ɓi ɓyom ɓii ɓìcèm.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

FÌLÌPYƐŊ 4:14

Nsoò fɔlɔɔ ɓìi nkonaagh kìkìi yɛ̀ɛ ɓìi nteri gàɓ ɓi ntɔɓ wɛ̀m.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

2 TÈSÀLÒNÌSYƐŊ 3:13

Ɓi san wìn, ɓɔɔsoŋ̀, kɛ̀ ɓi fɔy rikì ɗi kirɔɔ.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

FILEMƆŊ 1:6

Ǹti ǹtɔkì nyi lɛ, rìɓa ɗi ù rì ǹɗàrɛn ri ɓìsi ɓi rìgherɛ̀n ɗyɛɛ ki lɛ u konag kì yiì kìrɔɔ kìcèm ki tì rì rì kɔ ɓi cɛɓ ki ti ghɛghɛɓ nɗaŋ ri Kiris.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.