1 Sììrɛɛna ɓi nkɔ̀nɛ̀n à rìgeni.
Kìɓan ki mɛ̀ ǹsiŋ̀dɛɛ mìni ki ri lɛ, ɓi kɔnɛn mìni rì mìni.
Ŋwosi Pàŋtèkot, ɓɛ̀gherɛ̀n ɓɛ̀cèm ɓɛ ɓaghà ɓɛ̀ taŋzɛn jàŋbog.
Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.
Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;
Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.
Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.
ɓì tèètèèsì nyoo lɛ ɓi ɓeŋ rìɓa ɗi kibyɔg kìfog ɗi ɓi mɛ̀ghay rì fyòoog ànɛ à ràri mìni ɓɛ̀sɛ̀ɛ̀ ɓɛ̀cèm.
Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.
Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.
Ti ɓèeghɓèŋɗɛɛna ɓìsi rì ɓìsi, tì feèfègsɛ̀n lɛ ti ɓa rì ǹkɔ̀nɛ̀n, tì ki kìki ɓiɓan ɓi syeesyee.
Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.
Nyaasiina mum bimiɗ, ɓì keesì ɓɛ̀geni ɓin ɓɛ righerɛn, ɓì risì Bɛ̀ll, ɓì nyaasì rìfòm.
Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.
Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.
ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.
Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.
I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?
Wɔ̀lɛ kìɓan ki ǹɗì wɔ̀ rì kɔ ki ri lɛ wɔ̀ɔ ncàri ǹkɔ̀nɛ̀n ànɛ ù ɓaghà rì nyi ǹtonto.
