EBIREEGH 12:2 - Bafia Nouveau Testament

² Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 12:2 ပူးပေါင်းရင်းမြစ်များ

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MARIKUS 14:36

à kpaakpààghà lɛ: Tààta wɛ̀m, ù rì rì ìtèɗ wulɛ ù kì com kìcèm; kìya lɛ ɓeŋ à rìwu ànɛ a ràɓsɛn mɛ̀; nsoò ǹkpaa fɔlɔɔ, kìya rìkɔ̀n ɗyɔɔ, àa ɗiŋkɛ̀m.

MARIKUS 15:28

Ki kilɛ̀ngà fɔlɔɔ lɛ kɛɛ ɓa lɔŋ yɛ̀ɛ ki ri kì kànɛn lɛ, ɓɛ fogà nyi ɓi bàlì ì ɓɛ̀zyaàzyaa.]

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

MARIKUS 9:12

Yeesus à ɓàg ɓɔ lɛ: Eli à rì lɔŋ ɓiì loògh kì yùu lɛ a pegsag ɓìɓan ɓìcèm, nni lannɛ ki ri kì kànɛn lɛ Man à mum à ɓiì woògh mɛ̀tɔɓ lɛɛ̀gwey, ɓɛ ki sɛɛti nyi?

MARIKUS 9:24

Fɔɔnnɛ seŋì ŋwɔɓtì ànɛ̀n à ghàskà kì kpaa jɛ̀ɛ̀ aɗyoo lɛ: Ǹgherɛɛ! Yu ɓà mɛ kì ghɛɓsii ɓi rìɓa ɗi lɛ ɗì kɛ̀ɛ̀ rìgherɛ̀n.

LUKAS 17:5

Fɔɔnnɛ ɓɛ̀kɛ̀nì-fìtom ɓɛ kpaaghà Kan lɛ: Tègsi rìgherɛ̀n ɗis.

LUKAS 23:11

Fɔɔnnɛ Eroodɛ rì ɓɛ̀sujàà ɓii ɓɛ sɛɛtìghà Yeesus, ɓɛ ki sɛmgi nyi, ɓɛ waasì nyi kìlàà ki lònlomɛn, ɓɛ pɛɛ̀zì nyi kì romì yɛ̀ɛ Pilat.

LUKAS 24:26

ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 12:24

Ǹkalii mìni ɓi saaɗ lɛ: I ɗis ɗi bààzì ɗi kpii ɓi ɓi zi ɗi wu, di ɗi rɔɓi lɔŋ ɗyɔ rì ɗyɔ, wɔ̀lɛ i ɗi wii ɗi ɓa tì rì mis mɛdɛŋ lɛɛ̀gwey.

ZYAŊ 12:32

Nni mɛ̀ ǹɗì ɓiì ɓaà lɛ, i ɓɛ mɛ pisi mɛ ɓi zi, ɓɛ ɓɔgsì mɛ̀ aɗyoo, ǹsyòŋ yì ɓum ɓɛ̀cèm a lɔ̀ŋkɛm̀.

ZYAŊ 13:3

Yeesus à yighà lɛ Seŋi à faghà ɓìɓan ɓìcèm ɓi ɓyàg ɓii, à ki yi lɛ à pɛ̀sɛ̀ngày yɛ̀ɛ Bɛ̀ll, nni wɔɔ nnɛ à yùu kì sugtii,

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 8:56

Abiraham à seŋi wìn a nyààrɛ̀ngà rì fèg ànɛ lɛ, à ɓiì ghɛɛ ŋwos wɛm̀, à ki ghɛngà nyi à wog kìrɔɔ lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 2:36

Ɓum ɓɛ̀cèm ɓɛ a Isirayɛl ɓɛ ghɛɛ̀sɛɛ kì yiì syeesyee à rìyi lɛ, Bɛ̀ll àa ǹkìi lɛ, Yeesus ànɛ ɓìi nkpani ɓi kɔrɔs aɗyoo a ɓa lɛ nyi Kan wis, nyi Kiris.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

1 KƆ̀RƐ̀ŊTYƐŊ 1:18

Ɓisuulɛ rìlààlàmɓɛ̀n ɗi kɔrɔs ɗi ri kìɓan ki kiyèg ɓisuu ɓumɓɛ ɓɛ ghɛɛ̀sɛɛ kì ɗyaŋì, wɔ̀lɛ ɓisuu ɓisi ɓɛ tì rì rì cɛɓ, ɗi ri ìtèɗ wu Bɛ̀ll.

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

EFÈZYƐŊ 2:16

Kiris à wolà bènà ɓi rìwu ɗi à wughà ɓi kɔrɔs, à ràɗkà ɓìlɔ̀ŋ ɓi kiɓɛ̀ɛ̀rɛn lɛ ɓyɛɛ ɓa nyoo bog , ɓi ki sugti ki ràrɛɛ ri Bɛ̀ll.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

FÌLÌPYƐŊ 3:20

Ɓi san ànɛ a lɔ̀ŋkis, kìlɔ̀ŋ kis kɔɔ ri aɗyòò; wɔɔnnɛ Kan wìs Yeesus Kiris à ǹghɛɓsì wìs ànɛ ti ɓoŋɓòŋ à rì ɓiì ɓaà yì.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

EBIREEGH 1:13

Bɛ̀ll à ka kpaaghà ɓi ŋwaà fìtom adɛŋ lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ kiɓoŋ ki u rɛsag mɛ̀kòò miì.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 10:14

Fɔlɔɔ nnɛ ɓi rìfa ɗìfog, à mɛ kì lɛ ɓɛ̀roɓɛ ɓɛ ri ɓɛ̀tɛɛ̀ziyɛn ɓɛɛ ɓa lɛ syeesyee ìsuùcèm kɛ̀ɛ̀ com ki ɓɛ ri lɛ ɓɛ fen a lɔ̀ŋkaa.

EBIREEGH 10:33

Ki mɓalàg lɛ ɗi ɗi yii, ɓɛ sɛɛ̀sɛ̀mgì mìni, nsoò lɛ ɓɛ yeeyeèsì mìni ɓi nyìinyìm à ɓum, ɗi ɗi yii, ɓì sug ɓi gàm ì ɓumɓɛ ɓɛ yeèyèèsìghà fɔlɔɔ.

EBIREEGH 11:36

Ɓɛ fengàkà tì ɓɛ̀ro ɓɛdɛŋ, ɓɛ bog ɓɔ kìtòn rì gbaǹ, ɓɛ kagì ɓɔ bɛǹ, ɓɛ ki pìki ɓɔ ɓi naà-zày.

EBIREEGH 12:3

Terina kìrèmzɛnà ɓi roànɛ à cenɛ̀ngà lɛ ɓɛ̀kìì-kìɓe ɓɛɛ̀ ɗuù fɔlɔɔ ri nyi, di fɔɔnnɛ ɓi ɓa kɛ̀ ɓi càrɛn lɛ kìfɔlìmùm kɛɛ teɗ mìni mɛ̀rem.

EBIREEGH 13:13

Nni ti kɛ̀ɛna min a lɔ̀ŋkii, tì kpaŋdɛ̀n daŋdarààŋ rì jàŋ inɛ ɓum ɓɛ ri, tì ki kàɓɓɛn ntoòrìɗ wii.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 8:1

Ɓi ɓìɓan ɓi ti kpaakpàà, ki ki cee kɛɛ ri lɛ, tì rì rì ǹlàmì-ɓɛ̀pìrɛɛtìrɛ̀ àgwey ànɛ, à kɛ̀ngà kì kɔ̀rii ɓi weèlem à rìlàmì ɗi Bɛ̀ll, ɓi ɗyoo ɓi ɗùm,

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

ZYAG 2:1

Ɓɛ̀geni ɓɛ̀m, kɛ̀ ɓi ɗiŋzi nlànag ɓi rìgherɛ̀n ɗi ɓì gherɛɛ Kan wìs Yeesus Kiris ànɛ à rì ǹkeŋkèmì.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 1:17

Yɛ̀ɛ ǹghɛngà nyi, nni ǹkpìghà nyi a mɛ̀kòò yɛ̀ɛ kìloŋ. À saghìghà mɛ̀ càg kii ki weèlem ɓi nyoo, à kpaa lɛ: Kɔ̀ɔ risi!

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ: