EBIREEGH 12:14 - Bafia Nouveau Testament

¹⁴ Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 12:14 ပူးပေါင်းရင်းမြစ်များ

MARIKUS 9:50

Kìkòn ki ri syeesyee à com. Nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, ɓɛ ri lɛ ɓɛ yɛɛ̀sì tì kɔ rì cɛ? Ɓaana rì kìkòn ɓi mìniìɓɔmiɗ, ɓì ki kɔ̀ri lɛ fyòoog, ɓi nyìinyìm wìn.

LUKAS 1:75

lɛ tì ɓa ɓɛ̀tɛnɛn, tì ki ɓa ti lɛ saaɗ ɓi mis mii cɛɓ kis kicèm.

RÒMƐŊ 12:18

I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 13:12

Ɓigomìnɛ, ti seesee ɓyom lɛ rìiì lɔŋ yɛ̀ɛ rìghɛnɛ̀n ɗi ŋwaà ti à ghɛnàg ɓi ŋwii wɔ̀lɛ, ɓi cààmɛ̀n kiǹ, tì konaagh gɛ kì ghɛɛ̀ lɛ tɛntɛ̀ɛ̀n. Ɓigomìnɛ ǹ-yii kìden, wɔ̀lɛ ɓi cààmɛ̀n kiǹ ǹkonaagh gɛ nyi kì yiì, lɔŋ yɛ̀ɛ nyii yighà mɛ̀.

2 KƆ̀RƐ̀ŊTYƐŊ 6:17

Kìɓan kiǹ kɛɛ̀ki, pɛ̀sɛɛna ɓi nyìinyìm wàà, ɓi kpaŋdɛ̀n daŋdarààŋ, rìkpaa ɗi Kan ɗyɛɛ̀ ɗìn; kɛ̀ ɓi kòm com ki ki ri rì kìsyeg, di fɔɔnnɛ ǹɗì mìni ɓiì ghàɓi ri kìnyàà.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 12:10

Ɓɛ̀seŋi ɓis ɓɛ ɓɛ yaayii ɓìsi ɓɛ nti ɓɛ falàg ɓìsi ǹtɔɓ ɓi maa cààmɛ̀n lɔŋ yɛ̀ɛ ɓɛ nghɛngì lɛ ki ghɛɛ̀sɛɛ, wɔ̀lɛ Bɛ̀ll à ti à ɓokì ɓìsi ɓi kìrɔɔ kis lɛ di ti ɓa rì gàɓ ɓi rìɓa ɗii ɗi à rì ǹtɛnɛn.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 PYƐƐRI 3:11

à ghɛ̀ɛ̀sɛɛ kì lɔ̀ghii jɛ̀m rì kìɓe, kìrɔɔ kɛɛ̀ki à kìkì, à falɛ̀n ɓi rìkaakàà ɗi fyòoog.

1 PYƐƐRI 3:13

Ghɛn yɛɛ ri min lɛ à tɔɓ mìni di ɓì falɛɛ ɓi rìkì ɗi kirɔɔ rì ìtèɗ?

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.