EBIREEGH 11:6 - Bafia Nouveau Testament

⁶ Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 11:6 ပူးပေါင်းရင်းမြစ်များ

MATYOO 11:26

Ɛ̀ɛ̀ Tààta, ǹtògsaagh wɔ̀, lɛ fɔlɔɔ yɛɛ ɓaghà syeesyee wɔ̀ɔ̀ à fèg.

MATYOO 5:12

Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

MATYOO 6:16

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa.

MATYOO 6:33

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

MATYOO 6:5

Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

LUKAS 12:31

Nni com ki ɓì ghɛ̀ɛ̀sɛɛ kì kaà ki ri kìlɔ̀ŋ ki Bɛ̀ll fɔɔlɔɔ nnɛ Bɛ̀ll à ɓiì ɓɔɓtɛɛ mini ɓyom ɓiǹ ɓìcèm.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 8:24

Fɔlɔɔ nnɛ màa kpaa mìni lɛ, ɓì ɓiì wiì ɓi ɓìɓe ɓin ɓiɗùm; lɛ i ɓì gherɛɛ ɓi lɛ Mɛ̀ nɗì... , di ɓì wii ɓi ɓìɓe ɓin ɓiɗùm.

RÒMƐŊ 10:14

Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh?

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EBIREEGH 11:26

À ghɛn lɛ ǹtoòrìɗ wu Kiris à ghɛ̀ɛ̀sɛɛ kì woògh wu cee coo ikum wu Egiɓtɛn kɛ̀ɛ̀ vèg ɓisuulɛ mis mii mɛ ɓaghà lɔŋ ri mɛ̀lèɓ mɛ mɛ ɓoŋɓòŋgà nyi asu.

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

EBIREEGH 4:2

Ɓisuulɛ Syeesyee à Ɓɔlɛ à mɛ kalɛn a lɔ̀ŋkis lɔŋ yɛ̀ɛ à kalɛ̀ngà a lɔ̀ŋkaa. Wɔ̀lɛ jɛ̀ɛ̀ ìnɛ ɓɛ wokà, ì ghɛɓsìghà ɓi com, ɓisuulɛ ɓɛ wokà yɔ̀, ɓɛ̀ kɛɛ̀ teɗ yɔ̀ ri rìgherɛ̀n.

EBIREEGH 4:6

Nni yɛ̀ɛ ki ri kìsiŋdɛn lɛ, ɓum ɓɛdɛŋ ɓɛ ri ɓiì ɗiŋii ɓi rìfɔɔsɛ̀n ɗiǹ ki ki ɓa ti lɛ, ɓumɓɛ ɓɛ lokà kì terì Syeesyee à Ɓɔlɛ ànɛ̀n, ɓɛ rɔɓkà ɓɛ̀ kɛɛ̀ ɗiŋi wɔɔ lɛ ɓɛ ɓaghà kɛ̀ɛ̀ rìgherɛ̀n,

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

2 PYƐƐRI 1:5

Ɓisu wìn miì nnɛ ɓì ghɛɛ̀sɛɛ kì foŋì ìtèɗ win wucèm lɛ, ɓi ɓɔɓtɛn syeesyee à kìsyɔ̀ɔ̀ ɓi rìgherɛ̀n ɗin, ɓì ɓɔ̀ɓtɛ̀n rìyi ɓi syeesyee à kìsyɔ̀ɔ̀,

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.