EBIREEGH 10:39 - Bafia Nouveau Testament

³⁹ Ɓìsii yin ɓɛroɓɛ ɓɛ ti ɓɛ sugtàg rì jɛ̀m lɛ ɓɛɛ ɗyaŋ, ɓìsii ri ɓɛ̀roɓɛ ɓɛ gherɛɛ lɛ ɓɛɛ ghɛɓsi ɓyɛɓ ɓyàà.

EBIREEGH 10:39 ပူးပေါင်းရင်းမြစ်များ

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

LUKAS 11:26

ki kɛɛ̀dì min, ki teɗtìì ɓìɓeɓtàg ɓi mɛghas̀ ɓidɛŋ taàɓɛ̀ɛ̀ ɓi ɓi cee kɔ ɓi rìnyɛn, ɓi ɗiŋì ɓi naànɛ̀n ɓi kɔrì miì. Fɔɔnnɛ siitòn a rìɓa à ŋwaànɛ̀n à rì ɓiì ɓeɓtɛɛ à cee rìɓa ɗi à ɓaghà ǹtonto.

ZYAŊ 17:12

Cààmɛ̀n ki mɛ̀ɛ nɗì rì ɓɔ, mɛ̀ɛ mɓèŋɓeŋi ɓɔ, ɓì ɗii ɗyɔɔ, mɛ̀ɛ nkàakàmɛ̀n ɗì ɓɔ, nsoò kìbog ki ɓi ɓɔ kɛ̀ kɛɛ̀ ɗyaŋ; i ki cee ɓi lɛ roànɛ à ghɛ̀ɛ̀sɛ̀ngà kìɗyaŋì lɛ mɛ̀kànì mɛɛ roǹ.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

TIMOTE 6:9

Kìɓan kifog ɓɛ̀roɓɛ ɓɛɛ̀ kɔ̀nkɔn lɛ di ɓaa kumi, ɓɛ ti ɓɛ kpilàg ɓi mɛ̀fèèghrɛn rì ɓi fìram fi lɛ ɓɛɛ ɓa rì zày ì ɓìɓan ɓi ɓiyèg rì ɓi ɓeɓtɛn ɓi ɓi ti ɓi pikì mum ɓi rìɗyaŋ rì ɓi rìwu.

EBIREEGH 10:26

Ɓisuulɛ, i tì kɛ̀nkɛni asu tì kìkì kìɓe ɓi rìfee, di tì mɛ yi saaɗ, kìfùna kidɛŋ ki yiìdi ɓisuu zòghɛ̀n ì ɓìɓe.

EBIREEGH 10:38

Kìɓan kifog ŋwaànɛ à rì lɛ saaɗ ɓi mis mɛ̀m à rì ɓiì ghɛɓì lɛ rìgherɛ̀n, wɔ̀lɛ i à sugtii rì jɛ̀m, ǹɗem wɛ̀m wɛ̀ kɛɛ̀ wogti kirɔɔ rì nyi.

EBIREEGH 11:1

Rìgherɛ̀n ɗi ri rìyi ɗi mum à yii saaɗ ànɛ ɓi ɓìɓan ɓi à tyweeyii, ɗi ɓa tì com ki kɛɛ̀ rèresi mum ɓɛ̀saaɗ ɓɛ ɓi ɓìɓan ɓi à ghɛɛ ɓì.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

1 ZYAŊ 5:16

Nni i ŋwaà ghɛɛ di geni a kìki kiɓe ki ki yin lɛ ki ki lɛ a ɗyaŋ̀, à ghɛ̀ɛ̀sɛɛ kì ɓɔ̀ŋzaagh fɔɔnnɛ Bɛ̀ll à rì ɓiì faà geni ànɛ̀n cɛɓ. Kìɓan ki ki seesee ɓɛ̀roɓɛ ɓìɓe ɓyaa ɓi yin lɛ ɓi ki lɛ ɓɛɛ ɗyaŋ̀; wɔ̀lɛ kìɓe kidɛŋ ki ri wɔɔ, ki ki ri lɛ ki ki lɛ mum a ɗyaŋ̀, nni àa kɛɛ̀ki nkpaghi mini lɛ ɓi ɓɔŋzi Bɛ̀ll miì.

1 ZYAŊ 5:5

Ghɛn yɛɛ ri lɛ à yag ziinɛ, i ki yin lɛ ŋwaànɛ à gherɛɛ lɛ, Yeesus Kiris à rì Man à Bɛ̀ll.

ÀPÒKÀLIƁSƐ̀ 17:11

Nyàm ìnɛ ì ɓaghà, ìnɛ ì ki yiìdi inɛ̀n, yɛ̀ɛ ri rìfòm ɗi kitaàraa, ì ɓa tì kìbog ki ɓi mɛfòm mɛ kitaàɓɛ̀ɛ̀, ì ki rì ɓiì kɛ̀ɛ ki ɗyaŋì.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.