EBIREEGH 10:36 - Bafia Nouveau Testament

³⁶ Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 10:36 ပူးပေါင်းရင်းမြစ်များ

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 21:31

Nni ɓi kìɓɛ̀ɛ̀ ki ɓɔɓti kiǹ, roàbe yɛɛ kighà rìkɔ̀n ɗi seŋì? Ɓum ɓɛ Yeesus à tekà dàɗkì ìnɛn ɓɛ ɓaàg lɛ: Man à ǹtonto yɛɛ kighà rìkɔ̀n ɗi seŋì. Yeesus à ki kpaa ɓɔ lɛ: Ǹkalii mìni saaɗ à rìkpaa lɛ, ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ loogh gɛ kì kpaŋì ɓi kìlɔ̀ŋ ki Bɛ̀ll rì mìni.

MATYOO 24:13

Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

MATYOO 7:21

Àa ɓum ɓɛ̀cèm ɓɛ ɓɛɛ rereŋi mɛ lɛ: Kan, Kan ɓɛɛ ri ɓiì ɗiŋii ɓi kìlɔ̀ŋ ki aɗyòò, lɔŋ roànɛ à kìi rìkɔ̀n ɗi Tààta wɛ̀m ànɛ à rì ɓi ɗyoo ɓi ɗùm, nnyɛɛ ɓiì kɛ̀ɛ wɔɔ.

MARIKUS 3:35

ɓisuulɛ, ŋwaànɛ à kìi rìkɔ̀n ɗi Bɛ̀ll, nnyɛɛ ri geni wɛ̀m à baŋì, nsoò lɛ à giɓ nsoò lɛ jɛɛ wɛ̀m.

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

LUKAS 8:15

Boo ìnɛ ì kpìghà ɓi zi i m̀fɔmɛn yɛ̀ɛ ri fɛlɛ yɛ̀ɛ ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll syeesyee à rìwog, ri mɛ̀rem mɛ syeesyee mɛ mɛ ki rì mɛ̀tɛnɛn, ɓɛ ɓeŋ̀ yɔ̀, ɓɛ ki wum ɓiɗùn lɛ kìsììrì kaa.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

MƐ̀KÌKÌÌ MƐ ƁƐKƐ̀NÌ-FÌTOM 13:22

Yɛ̀ɛ Bɛ̀ll à pisìghà Saul, à fa ɓɔ Davit lɛ nnyɛɛ ɓa rìfòm ɗyaa. Davit ànɛ̀n innɛ Bɛ̀ll à sɛkà à kpaa lɛ: Mɛ̀ɛ nghɛɛ Davit, man à lzayii, à rì rìkuu ɗi mum ɗi nɗem wɛ̀m wu ǹfèfeegh, nnyɛɛ rì ɓiì kìi ɓiɓan ɓìcèm ɓi ǹkɔ̀ni lɛ a ki.

MƐ̀KÌKÌÌ MƐ ƁƐKƐ̀NÌ-FÌTOM 13:36

Wɔ̀lɛ, Davit à kìghà rìkɔ̀n ɗi Bɛ̀ll ɓi cààmɛ̀n kii nni à wughà, ɓɛ ɓom̀ nyi ɓi jàŋ inɛ ɓɛ ɓomgà ɓɛ̀seŋi ɓii, à ki ɓwɛ̀y ɓi zɔ̀ŋ.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

1 KƆ̀RƐ̀ŊTYƐŊ 13:7

Ǹkɔ̀nɛ̀n a cenag ɓìɓan ɓìcèm, à gheràg ɓìɓan ɓìcèm, à ɗyàɓàg ɓìɓan ɓìcèm, à ki nìɗki nɗem rì ɓìɓan ɓìcèm.

GÀLAT 6:9

Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

KÒLÒSYƐŊ 3:24

ɓì ki yi lɛ, ɓyom ɓi syeesyee ɓi ɓi ri ɓì nyamɛn, ɓì ɓiì teri ɓyɔ yɛ̀ɛ Kan ɓisuu mɛlèɓ min. Kiris ànɛ à rì Kan innɛ ɓi kìki kisay.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

EBIREEGH 11:39

Nni ɓumɓɛ̀n ɓɛ̀cèm ɓɛ Bɛ̀ll à sɛkà rìgherɛ̀n ɗyaa ɓɛ tekà ɓi com ki Bɛ̀ll à kàkà ɓɔ

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

EBIREEGH 6:15

Abiraham à sììrɛ̀ngà ɓi rìɓoŋ ɗi nkàg wiǹ, nni à ki tekà com ki Bɛ̀ll à kàkà nyi.

EBIREEGH 6:17

Yɛ̀ɛ Bɛ̀ll à kɔ̀ngà lɛ a konag kì rèsii ɓumɓɛ à faghà mɛ̀kàg lɛ nyaa lɔ̀gtiigɛ ɓi rikalì ɗii, fɔɔnnɛ à kànɛ̀ngà bɛ̀ɗ.

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

1 PYƐƐRI 1:9

ɓisuulɛ mɛ̀raà mɛ ɓi rìgherɛ̀n ɗin mɛ ri ɓiì ɓaà gòri ì ɓyɛɓ ɓin, inɛ ɓì ri teɗ.

1 ZYAŊ 2:17

Nni ziinɛ yɛɛ̀ ghaghààgh, kìkɔ̀nɛɛ ki ɓiɓan ɓi miì ki ghaghààgh girig, wɔ̀lɛ ŋwaànɛ a kìki rikɔ̀n ɗi Bɛ̀ll à ɓiì kɔ̀rii fiɗyàɓ fikɔ̀ɔ̀.

ÀPÒKÀLIƁSƐ̀ 13:10

I mum à yalɛ̀ngà lɛ à kɛ̀ɛ gɛ rìkpàn, à rì ɓiì kɛ̀ɛ, i ŋwaà woli mum rì gafàg, ɓɛ woli gɛ nyi rì gàfàg. Cààmɛ̀n ki ɓɛ̀gherɛ̀n ɓɛ ghɛɛ̀sɛɛ kì sììrɛɛ, ɓɛ ki ɓa ri ǹtyweeyi kɛɛ̀ki.

ÀPÒKÀLIƁSƐ̀ 14:12

Cààmɛ̀n ki ɓɛ̀gherɛ̀n ɓɛ ɓɛɛ̀ ɓèŋɓeŋ ɓidɔ̀gsɛna ɓi Bɛ̀ll rì ǹtyweeyi wu yɛ̀ɛ Yeesus, ɓɛɛ siìrɛn kɛɛ ri lɛ̀.