EBIREEGH 10:25 - Bafia Nouveau Testament

²⁵ Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 10:25 ပူးပေါင်းရင်းမြစ်များ

MATYOO 10:15

Ǹkalii mìni ɓi saaɗ lɛ, ŋwosi ɓɛyɔ̀m ɓumɓɛ a Sɔdɔm rì Gɔmɔɔr ɓɛ ri ɓaa gɛ tì rì ziŋ à cee ɓumɓɛ ɓi bàn ìnɛn.

MATYOO 18:20

Ɓisuulɛ, jàŋ inɛ ɓum ɓɛɓɛɛ̀ nsoò lɛ ɓɛraa ɓɛ taŋzɛɛ ɓi ɗii ɗyɛ̀m, ǹɗì ɓiì ɓaà ɓi nyìinyìm wàà.

ZYAŊ 12:48

Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

MƐ̀KÌKÌÌ MƐ ƁƐKƐ̀NÌ-FÌTOM 16:16

Yɛ̀ɛ tì kɛ̀nkɛ̀ngà ŋwos adɛŋ ɓi jàŋ i bɔ̀ŋzɛ̀n, nni tì tulɛ̀ngà rì gɔ̀n ì giɓ idɛŋ ìnɛ ì ɓaghà ɓiì sasali ɓum ɓɛdɛŋ; ì ɓaghà rì kìɓeɓtàg ki nghay, ki ki fafàghà yɔ̀ ìtèɗ wulɛ, yɛ̀ɛ log kì yiì ɓìɓan ɓi ɓi ri ɓiì kìlɛɛ. Fɔɔnnɛ ɓɛ̀masà ɓii ɓɛ fɔ̀nfɔ̀ngà lɛɛ̀gwey ɓi ɓìfyeŋ ɓii ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 2:1

Ŋwosi Pàŋtèkot, ɓɛ̀gherɛ̀n ɓɛ̀cèm ɓɛ ɓaghà ɓɛ̀ taŋzɛn jàŋbog.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

1 KƆ̀RƐ̀ŊTYƐŊ 11:20

Ɓì ti lɛ i ɓì taŋzɛɛ, àa ɓìɗilàg ɓi Bɛ̀ll ɓyɛɛ̀ɓi ɓì ti ɓì tekì.

1 KƆ̀RƐ̀ŊTYƐŊ 14:23

I ki ri min lɛ, ɓi ntaŋzen wu kiseŋi kìcèm ɓum ɓɛ̀cɛ̀m ɓɛɛ̀ tòtog ɓi ɓitòkì, nni nnɛ ɓum ɓɛ ɓi kìlɔ̀ŋ, nsoò lɛ ɓumɓɛ ɓe yin ɓɛgerɛ̀n, ɓɛ ɗiŋii yì wɔɔ, ɓɛ ri ɓiì rɔ̀ɓi ɓɛ̀ kɛɛ kpaa lɛ ɓì ghali ɓìyɛ̀g di ki ɓaa là?

1 KƆ̀RƐ̀ŊTYƐŊ 14:3

Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

1 KƆ̀RƐ̀ŊTYƐŊ 5:4

Lɛ ɓi ɗii ɗi Kan Yeesus, rì ɓi-tèɗ wii, tì ri taŋzɛ̀n, mɛ̀ m̀ɓa ɓi nyìinyìm wìn ɓi nghay;

FÌLÌPYƐŊ 4:5

Rìɓa ɗin ɗi tɛ̀tɛ̀rɛ̀ɛ̀ ɗi ghɛɛ̀sɛɛ lɛ ɓum ɓɛ̀cèm ɓɛɛ yi ɗyɔ; Kan à ti jàŋbog ɗì rìyù.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TÈSÀLÒNÌSYƐŊ 5:11

Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.

EBIREEGH 10:24

Ti ɓèeghɓèŋɗɛɛna ɓìsi rì ɓìsi, tì feèfègsɛ̀n lɛ ti ɓa rì ǹkɔ̀nɛ̀n, tì ki kìki ɓiɓan ɓi syeesyee.

EBIREEGH 10:37

Lɛ cààmɛ̀n kaa rɔ̀ɓ kiden lɔŋ lɛsàg lɛ roànɛ à ghɛ̀ɛ̀sɛɛ kì yùu a kpaŋ, àa lɛ̀mzii ɓi.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

ZYAG 5:8

Mìni girig ɓanina mɛ̀rem rì ɓyàg, mɛ̀rem min mɛ siìrɛ̀n rì ìtèɗ lɛ rìyù ɗi Kan ɗi ti jàŋbog.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

2 PYƐƐRI 3:9

Kan à lɛ̀mzii ɓi lɛ a roòzi ǹkàg wu à faghà yɛ̀ɛ ɓum ɓɛdɛŋ ɓɛɛ̀ fèfèg, ki ri yɛɛ ri lɛ, a nìniɗ nɗem rì mìni, lɛ ki kɔni ɓi nyi lɛ mum a ɗyaŋ̀ nsoò bog, rìkɔ̀n ɗii ɗi ri lɛ ɓum ɓɛ̀cèm ɓɛɛ kpaŋ ɓi nɗɛli wulɛ ɓɛɛ lɔɔ̀ghrɛn mɛ̀rem.

ZYUUDƐ 1:19

Ɓumɓɛ̀n ɓɛɛ ti ɓɛ syogìì gasɛ̀n ɓi nyìinyìm à ɓum, mɛ̀yitì maa mɛ ɓa mɛ̀yitì mɛ ɓumɓɛ ɓi ziinɛ, ɓɛ yin ɗi Ǹghay à Bɛ̀ll.