EBIREEGH 10:24 - Bafia Nouveau Testament

²⁴ Ti ɓèeghɓèŋɗɛɛna ɓìsi rì ɓìsi, tì feèfègsɛ̀n lɛ ti ɓa rì ǹkɔ̀nɛ̀n, tì ki kìki ɓiɓan ɓi syeesyee.

EBIREEGH 10:24 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

RÒMƐŊ 11:4

Nni rìɓàg ɗi Bɛ̀ll ɗi ri lɛ cɛ? Ɗi ri lɛ: Mɛ̀ɛ m̀mɛ rɔ̀tɛn ɓum ɓɛ̀tɔɔsìm taàɓɛ̀ɛ̀ lɛ ɓɛɛ ɓa ɓɛŋkɛ̀m, ɓumɓɛ̀n ɓɛɛ mɓaagh ɓi mɛɗu ɓi zi lɛ ɓɛɛ ɓɔgsi Baal.

RÒMƐŊ 12:15

Nyààrɛɛna nɗaŋ ɗi ɓumɓɛ ɓɛ ri ɓi kìnyàà, ɓì rèn nɗaŋ ɗi ɓɛ̀roɓɛ ɓɛɛ̀ rènɗèn.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

2 KƆ̀RƐ̀ŊTYƐŊ 8:8

Ǹkpaa ɓi mini kìɓan kiǹ lɛ kɛɛ ɓa ǹkàŋɗɛ̀n, wɔ̀lɛ ǹɗèsii mìni rìfalɛ̀n ɗi ɓum ɓɛɗɛŋ, lɛ di ɓi yi yɛ̀ɛ ɓì rì lɛ ɓì rèsì lɛ nɗem wu geesɛ̀n wu ɓì rì rì wɔ, wu ri lɛ sɛɛghi sɛɛghi.

2 KƆ̀RƐ̀ŊTYƐŊ 9:2

Ɓisuulɛ ǹ-yii syeesyee à rìkɔ̀n ànɛ ɓì rì rì nyi, innɛ mɛ̀ ǹti ǹsaàsànɛ̀n ɓumɓɛ a Masedwan ɓi san ànɛ a lɔ̀ŋkin, di nkpaakpaa ɓɔ lɛ: Ɓɛ̀gherɛ̀n ɓɛ a Akayi ɓɛ ri ɓɛ̀pègsɛn lɛ ɓɛɛ ghɛɓsi à tumɛ̀n ɓi bèg ìmbog. Fɔɔnnɛ rìfalɛ̀n ɗin ɗi nfatii ɓìseŋi lɛɛ̀gwey itèɗ ɓi nyòò.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 5:11

Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.

2 TÈSÀLÒNÌSYƐŊ 3:9

I tì kìghà fɔlɔɔ, ki yin lɛ tì ghɛ̀ɛ̀sɛ̀ngà ɓi lɛ tì tɔg mìni ǹghɛɓsɛn, tì kɔ̀ngà lɔŋ yɛɛri lɛ ti fa mìni kìfèèghrɛnà ki ɓì rì lɛ ɓì nɔ̀ɔ̀tì.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

Kaàtà ànɛ Pol à kàngà TIT 2:4

lɛ di ɓɛɛ resag ɓɛ̀yiɓ ɓɛ ɓwɛ̀ɗ yɛ̀ɛ ɓɛɛ keèsi lɛ rì ɓɛ̀yii ɓaa, rì ɓɔn ɓaa,

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 13:1

Sììrɛɛna ɓi nkɔ̀nɛ̀n à rìgeni.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

1 ZYAŊ 3:18

Mìni ɓɔn ɓɛm, ki ghɛɛ̀sɛɛ ɓi lɛ ti kɛkɛɛgh ǹkɔ̀nɛ̀n wìs ŋwɔm ɗì ŋwɔm; ǹkɔ̀nɛ̀n wìs a ghɛ̀ɛ̀sɛɛ kì ɓaà kɔɔ̀kɔɔ̀ à ǹkɔ̀nɛ̀n ànɛ a rèeresɛ̀n ɓi mɛ̀kìkìì mis.