EBIREEGH 10:22 - Bafia Nouveau Testament

²² Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 10:22 ပူးပေါင်းရင်းမြစ်များ

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

LUKAS 1:1

Wɔ̀ Tyoofil, ɓum lɛɛ̀gwey ɓɛ tumɛ̀ngà rìkàn ɗi ɓiban ɓi ɓi kilɛ̀ngà ɓi nyìinyìm wìs,

ZYAŊ 3:5

Yeesus à ɓàg nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ ɓi ri mɛ̀nig rì Ǹghay, à yin lɛ à ɗiŋì ɓi kìlɔ̀ŋ ki Bɛ̀ll.

ZYAŊ 8:9

Yɛ̀ɛ ɓum ɓɛ wokà fɔlɔɔ, ɓɛ tum rìghaghààgh lɛ bog bòg bog à tumɛ̀n ɓi ɓɛ̀roɓɛ ɓɛsɛ̀ɛ̀mɛn, à kpaŋ ɓi ɓɛ siitòn. Nni Yeesus à cɛɛnɛ̀ngà foo ɓɛɛ̀ giɓ anɛ à ɓaghà ànɛn ɓi nyìinyìm.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

MƐ̀KÌKÌÌ MƐ ƁƐKƐ̀NÌ-FÌTOM 8:21

lɛ ù yin gi rì gàɓ nsoò rì ìkɔ̀ɔ̀ ɓi kìsay ki, lɛ nɗem wɔɔ wu yin lɛ saaɗ ɓi mis mɛ Bɛ̀ll.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

EFÈZYƐŊ 3:12

Ɓi nyi, bee i rì ɓìsi kìkpaŋ lɛ ti kɛǹ Bɛ̀ll jàŋbog rì ntyweeyi ɓi nɗem lɛ rìgherɛ̀n ɗi tì gherɛɛ nyi.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

EFÈZYƐŊ 6:5

Mìni ɓɛ̀kpàn, kìina ɓɛ̀masà ɓin ɓɛ ɓi mɛ̀mùù mɛ̀wog, ɓì nìgì ɓɔ, ɓì fafà ɓɔ bɔgsɛ̀n, rì syeesyee à nɗem lɔŋ yɛ̀ɛ Kiris innɛ ɓi kìki kisay.

TIMOTE 4:2

ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

Kaàtà ànɛ Pol à kàngà TIT 3:5

nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

EBIREEGH 10:1

Ɓìdɔ̀gsɛna ɓi konaagh ɓi ki ɓaà syeesyee à kìfèèghrɛnà à ɓɛ̀kɔɔ̀kɔɔ̀ ɓɛ ɓyom, ɓi ri lɔŋ cììghziŋ ki ɓi ɓìrɔɔ ɓi ɓyɛɛ̀ yùyuiy; ɓi yin ɗi ìtèɗ wulɛ ɓi konàg kì tɛɛ̀zii ɓumɓɛ ɓɛ ti ɓɛ kɛ̀ngì Bɛ̀ll jàŋbog ɓi bee inɛ̀n, ɓi ki yin lɛ ɓi tɛɛ̀zì ɓɔ rì rìkuu ɗi ɓifùnà ɗi fɔlɔɔ, ɗi ɗi ri lɔŋ bèg yìcèm rìkuu ɗìfog, kɛ̀ɛ̀ rìlɔ̀gtɛ̀n.

EBIREEGH 10:19

Nni fɔɔnnɛ mìni ɓɔɔsoŋ̀, tì ti lɛ tì ɗiŋì ɓi jàŋ inɛ ì rì kìcèlì kɛ̀ɛ̀ ìris lɛ bwaɓ yi Yeesus.

EBIREEGH 11:28

Lɛ rìgherɛ̀n innɛ à kìghà Paskà, à tɔg lɛ ɓɛɛ misi bwaɓ ɓi mɛ̀suunaa di fɔɔnnɛ ŋwaà-fìtom anɛ à ghɛ̀ɛ̀sɛ̀ngà kì cuusii ɓɔn ɓɛ ǹtonto, a rɔɓ kɛ̀ɛ cuusi ɓɛroɓɛ a Isirayɛl.

EBIREEGH 12:24

Ɓìi nkɛɛ̀ jàŋbog rì Yeesus ànɛ à rì ɓi nyìinyìm à nyɔɔnyɔn à rìràrɛ̀n ànɛ lɛ rì Bɛ̀ll rì ɓum, ànɛ bwaɓ yii yi yi kpagà yɛɛ̀ tòtòg yi cee yi Aɓɛl.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

EBIREEGH 6:11

Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

EBIREEGH 9:10

Bee i rìɓɔgsì ìnɛ̀n ì ɓiisɛ̀ngà kì kòmi ɓiɓan ɓi ɓiɗilàg, rì ɓyom ɓi nɔnɔyɛn, rì ɓìsyɔ̀ɔ̀ ɓi zòghɛ̀n mɛ̀kuu mɛ̀kuu; ɓìdɔ̀gsɛna ɓi miì ɓi komkòmgà lɔŋ ɓyom ɓi zɛy, fɔɔnnɛ ɓi ghɛɛ̀sɛ̀ngà kì ɓaà rì ìtèɗ à kpaŋ ɓi cààmɛ̀n ki rilɔ̀gtàg ɗi ɓiɓan.

EBIREEGH 9:19

lɛ Moyis à kìghà lɛ, à mɛ làmɓɛn mɛsiŋdɛn mɛcèm mɛ mɛ ri ɓi kaàtà à ɓìdɔ̀gsɛna ɓi mis mɛ kilɔ̀ŋ kìcèm, à teɗ min bwaɓ yi ɓɔn ɓɛ ɓɛ̀sanìnya, rì yi ɓipiì, rì mɛ̀nig, à mìsì lɛ, rì ɓi kaàtà à ɓìdɔ̀gsɛna, rì ɓi ɓum ɓɛ̀cèm, rì kìvùree ki kite ki lɛ ìzoɓ, rì ɓi ǹfìŋga wu ɓàŋ lɛ pɔɔŋ.

ZYAG 1:6

kìɓan kifog, à ghɛ̀ɛ̀sɛɛ ɗyɔ kìlɔnì rì ǹtyweeyi kɛ̀ɛ ɓa ri nyoey; ɓisuulɛ ŋwaànɛ à rì rì nyoey à pisɛɛ ɓìkus ɓi riɓày ɓi bɛ̀ɓ yɛɛ̀ nyɛ̀ɛnyɛŋ̀zì di yɛɛ̀ ɓɔɔɓɔgsì aɗyoo.

ZYAG 4:8

Tyɛ̀ɛ̀tɛɛna Bɛ̀ll jàŋbog fɔɔnnɛ nyi girig à rì mìni ɓiì yùu jàŋbog, sòona ɓyàg ɓin ɓyɛɛ tɛn, mìni ɓɛ̀kìì-kìɓe, ɓì ki kpɔg mɛrem min, mìni ɓum ɓɛ tyoo tiɓɛɛ̀.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,