EBIREEGH 10:20 - Bafia Nouveau Testament

²⁰ À nɛmgà ɓìsi nyɔɔnyɔn à bee, bee inɛ ì rì rì cɛɓ ɓi kìlàà ki ki ɓaghà ɓi naà-Bɛ̀ll, yɛɛlɔɔ lɛ ɓi nyoo yìì i nyimìɗ.

EBIREEGH 10:20 ပူးပေါင်းရင်းမြစ်များ

MATYOO 27:51

Fɔɔnnɛ coo kilàà kì ki ɓaghà ɓi naà-Bɛ̀ll, ki lanìghà ɓìlànà ɓiɓɛɛ̀, à tumɛ̀n yì aɗyòò, à kpaŋ azi; zi i nyɛ̀ŋɗɛ̀n, mɛ̀ɓan mɛ lanlàn.

MARIKUS 15:38

Fɔɔnnɛ coo kilàà ki ki ɓaghà ɓi naà-Bɛ̀ll ki lanìghà ɓìlànà ɓiɓɛɛ̀, à tumɛ̀n yì aɗyoo à kpaŋ azi.

LUKAS 23:45

Fɔɔnnɛ ŋwos a ɗimìghà, coo kilàà ki ki ɓaghà ɓi naà-Bɛ̀ll ki lanì ɓi nyìinyìm.

ZYAŊ 10:7

Nni Yeesus à kpaatìghà ɓɔ lɛ: Ǹkpaa mìni kɔɔ̀kɔɔ̀ à rìkpaa lɛ mɛ̀ yɛɛ ri ìsuunaa wu gari ì jɔ̀ɔ̀.

ZYAŊ 10:9

Mɛ̀ yɛɛ ri ìsuunaa, ŋwaànɛ à fyee a lɔ̀ŋkɛm̀ à ɗiŋì à ɓiì ghɛɛ̀ cɛɓ. À ɓiì kìi lɛ à ɗiŋì, à kpaŋ à ki tanɛn ɓiɗilàg.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

EFÈZYƐŊ 2:15

À pisìghà ɓìdɔ̀gsɛna, rì mɛ̀siŋdɛn mɛ miì rì ɓìcèlì ɓi miì ɓi rìfa ɗi à faghà nyoo yìì lɛ di ɓìlɔ̀ŋ ɓi kiɓɛ̀ɛ̀ ɓìn ɓyɛɛ sug kìlɔ̀ŋ kìfog, ki kɛɛ ɓa nyɔɔnyɔn à kìlɔ̀ŋ ɓi rìràrɛ̀n ɗi rì nyi, fɔlɔɔ nnɛ à kìghà lɛ fyòoog a ɓa.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

EBIREEGH 6:19

Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,

EBIREEGH 9:3

Ajɛ̀m ì kìlàà ki kiɓɛ̀ɛ̀, nnɛ kìden ki ɓɛ nkalàg lɛ jàŋ inɛ ì pɔ̀ɔ̀zii kì ɓaà kìcèlì ì ɓaghà.

EBIREEGH 9:8

Kìtɛntɛ̀ɛ̀n ki Nghay ki kɔnkɔ̀ngà lɛ kɛɛ resi ɓi rìkì ɗiǹ lɛ, bee inɛ ɓi jàŋ inɛ ì pɔ̀ɔ̀zii kì ɓaà kìcèlì ì ɓaghà di ì ka yin kikpaŋ, cààmɛ̀n kìcèm ki yɛ̀ɛ kìnuugh ki abɛ̀y ki ɓaghà di ki kaka.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 4:2

Bee inɛ ɓì rì lɛ ɓì rèmì Nghay wu wu riì yɛ̀ɛ Bɛ̀ll yɛɛ̀nɛ lɛ: Nghay wùcèm wu wɛɛ̀ kpaakpaa lɛ: Yeesus Kiris à yalɛ̀ngà mum wu riì yɛ̀ɛ Bɛ̀ll;

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.