EBIREEGH 10:10 - Bafia Nouveau Testament

¹⁰ Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:10 ပူးပေါင်းရင်းမြစ်များ

ZYAŊ 17:19

Mɛ̀ɛmiɗ mɓèeɓeŋɗɛ̀n ntɛnɛn lɛ ɓɔ, lɛ di ɓɔ girig ɓɛɛ ɓa ɓɛ̀tɛnɛn ɓi saaɗ ɓi ɗùm.

ZYAŊ 19:34

Wɔ̀lɛ kìbog ki ɓi ɓɛ̀sujàà ki tuɓkà nyi bèn ɗì rìkɔ̀ŋ, mɛ̀nig rì bwaɓ ɓi ghas kì kpaŋì.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

EBIREEGH 10:12

Wɔ̀lɛ Kiris à faghà kìfùna kifog ɓisuu ɓiɓe, à ki kɔ̀ri min ɓi weèlem à Bɛ̀ll fìɗyàɓ fikɔ̀ɔ̀.

EBIREEGH 10:14

Fɔlɔɔ nnɛ ɓi rìfa ɗìfog, à mɛ kì lɛ ɓɛ̀roɓɛ ɓɛ ri ɓɛ̀tɛɛ̀ziyɛn ɓɛɛ ɓa lɛ syeesyee ìsuùcèm kɛ̀ɛ̀ com ki ɓɛ ri lɛ ɓɛ fen a lɔ̀ŋkaa.

EBIREEGH 10:20

À nɛmgà ɓìsi nyɔɔnyɔn à bee, bee inɛ ì rì rì cɛɓ ɓi kìlàà ki ki ɓaghà ɓi naà-Bɛ̀ll, yɛɛlɔɔ lɛ ɓi nyoo yìì i nyimìɗ.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 10:5

Kìɓan kiǹ kɛɛ̀ki, yɛ̀ɛ Kiris à ɓaghà di à ti ɓiì yùu ɓi ziinɛ, à kpaaghà rì Bɛ̀ll lɛ: Ù kɔ̀ni ɓi kifùna, nsoò lɛ com ki mum à faa wɔ̀, kìɓan kifog, ù faghà mɛ̀ nyoo.

EBIREEGH 13:12

Kìɓan kiǹ kɛɛ̀ki Yeesus à wughà girig fìràɓ ɗi bàn, lɛ a tɛɛ̀zi ɓum ɓɛ kilɔ̀ŋ rì bwaɓ yii yɔmìɗ.

EBIREEGH 2:11

Ɓisuulɛ rì ǹtɛɛ̀zì ɓum, rì ɓumɓɛ à tɛɛ̀zii ɓɛ fuu yì yɛ̀ɛ mum bog, ɓisu wìn miì nnɛ ki yeesii ɓi nyi lɛ a regi ɓɔ lɛ, ɓɛ̀geni ɓii,

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

EBIREEGH 7:27

Ɓɛ̀làmì ɓɛ̀pìrɛɛtìrɛ̀ ɓɛgwey ɓɛ ghɛɛ̀sɛ̀ngà kì fùnɛɛ ɓituwe ɓɛŋwos ɓɛ̀cèm ɓi rìlɛɛghràg ɗi Bɛ̀ll ɓisuu ɓiɓe ɓyaa ɓi ɓɔmiɗ, rì ɓisuu ɓiɓe ɓi ɓum ɓɛ kilɔ̀ŋ. Wɔ̀lɛ Yeesus à ghɛ̀ɛ̀sɛɛ ɓi ki kìkii yɛ̀ɛ ɓɔ, ɓisuulɛ nyii lɛɛghràkà Bɛ̀ll gɛ̀n bog ɓi gɛ̀n yicèm yɛ̀ɛ à faghà nyimiɗ ɓi sìg à kìtuwe ki mɛlɛɛ̀ghlɛɛgh.

EBIREEGH 9:12

Fɔɔnnɛ à ɗiŋìghà gɛ̀n bog ɓi gɛ̀n yicèm, ɓi jàŋ inɛ ì pɔ̀ɔ̀zii kì ɓaà kìcèlì; à ɗiŋìghà ɓi wɔɔ ri bwaɓ yi ɓipiì, nsoò lɛ yi ɓɔn ɓɛ sanìnya, à ɗiŋìghà wɔɔ lɛ a ɓɔgsi Bɛ̀ll rì bwaɓ yii yi nyimiɗ, à ki fɔ̀n yi ɓìsi gòri ì fìɗyàɓ fikɔ̀ɔ̀.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 5:6

Yeesus Kiris ànɛ̀n yɛɛ yughà lɛ, rì mɛ̀nig, rì bwaɓ; à yùghà ɓi ri mɛ̀nig mɔ rì mɔ, à yùghà lɔŋ lɛ rì mɛ̀nig rì bwaɓ; nni Kìtɛntɛ̀ɛ̀n ki Nghay kɛɛ̀ rèresi saaɗ ànɛ ɓi kìɓan kiǹ, lɛ Kìtɛntɛ̀ɛ̀n ki Nghay ki ri saaɗ.