EBIREEGH 1:14 - Bafia Nouveau Testament

¹⁴ Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 1:14 ပူးပေါင်းရင်းမြစ်များ

MATYOO 1:20

Yɛ̀ɛ à ɓaghà di à ti rì fèg ànɛn, innɛ Ŋwaàfìtom a Kan à rèsɛ̀ngà nyi a ɓìdɛ̀ndɛm̀, à kpaa nyi lɛ: Yoosɛɓ, man à Davit, kɔ̀ɔ risi riteɗ ɗi Marii à giɓ wɔɔ̀, ɓisuulɛ ìtèɗ wu Kitɛntɛ̀ɛ̀n Ki Nghay wɛɛ nkìi lɛ a teɗ ɗyem ɗi àrì rì ɗyɔ.

MATYOO 13:41

Man à mum à romigɛy ɓum ɓii ɓɛ titom lɛ ɓɛɛ pisi lɛ, rì ɓyom ɓi kɛ̀ɛkɛɓtìyɛ̀n ɓum fìɓàg, rì ɓɛ̀kìì-kìɓe ɓɛ̀cèm ɓi kìlɔ̀ŋ kii.

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 2:13

Yɛ̀ɛ ɓɛ̀yiì-ɓìɓan ɓɛ ɓaghà di ɓɛ mɛ sug, nni ŋwaà-fìtom a Kan à rèsɛ̀ngà Yoosɛɓ a ɓìdɛ̀ndɛm̀, à kpaa nyi lɛ: Pɛ̀sɛn aɗyoo, ù teɗ lɛ rì maa man ànɛ, rì jɛɛ, ù ghɛŋi rì ɓɔ a Egiɓtɛn, u ki kɔ̀ri wɔɔ, à kpaŋ yɛ̀ɛ ǹɗì wɔ̀ ɓiì kalii lɛ, u sugtiì, ɓisuulɛ Eroodɛ à ɓiì kaakaa man ànɛ, lɛ a wey.

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 4:11

Fɔɔnnɛ Satàn à caɗkà min Yeesus. Ɓum ɓɛ titom ɓɛ yu nyi a nyoo, ɓɛ kikì nyi tìtom.

MARIKUS 10:17

Yɛ̀ɛ Yeesus à pɛ̀sɛ̀ngà ɗì rìghaàgh, nni ŋwaàdɛŋ à pwaŋìghày rì mɛ̀ree, à yù nyi kì ɓaàgh mɛ̀ɗu asu, à tɔg nyi lɛ: Syeesyee à ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ ǹfɔ̀n lol a cɛɓ?

LUKAS 1:19

Nni ŋwaà-fìtom a ɓakà nyi lɛ: Mɛ̀ yɛ̀ɛ ri Gabiriyɛl, ǹti ndɛlàg Bɛ̀ll asu; fɔɔnnɛ àa romiì mɛ̀ lɛ, ǹtoòghrɛn ɓɛɛ wɔ̀, ǹki kpaa wɔ syeesyee à ɓɔlɛ ànɛ.

LUKAS 1:23

Yɛ̀ɛ mɛ̀ru mii mɛ kìsay mɛ lekà, à sug a mɛɛ mii.

LUKAS 16:22

Nni maa nyìighnyìg à mum ànɛ̀n à wughà, ɓum ɓɛ titom ɓɛ teɗ nyi, ɓɛ kɛǹ nyi kì kɔ̀ɔ̀sii jàŋbog rì Abiraham. Yɛ̀ɛ guŋgum anɛ̀n à wughà girig, ɓɛ ɓom̀ nyi.

LUKAS 2:13

Fɔɔnnɛ ɓɛ sigmɛ̀ngà di kìtuu ki ɓum ɓɛ titom ɓɛ aɗyoo ki mɛ yù ki tanɛɛ roà ǹtonto, ɓɛ ɓɔɔ̀ɓɔ̀gsì Bɛ̀ll di ɓɛɛ kpaakpaa lɛ;

LUKAS 2:9

Yɛ̀ɛ ŋwaà-fìtom a Kan à resɛ̀ngà ɓɔ, kìtɛɛtɛn ki rigwey ɗi Bɛ̀ll ki ceŋzɛ̀n ɓɔ, fɔɔnnɛ ɓɛ risìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 11:22

Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 12:23

Lɔŋ wɔɔ foo, ŋwaà-fìtom a Kan à ɓog nyi ɓisuulɛ à gherɛ̀ngà lɛ ɓum ɓɛɛ fa nyi rìkem ɗi ɗi ghɛɛ̀sɛ̀ngà lɛ ɓɛɛ fa Bɛ̀ll. Fɔɔnnɛ ɓɛgɛn ɓɛ tumɛ̀ngà nyi rìɗiɗì ɓi ɗùm, à wu.

MƐ̀KÌKÌÌ MƐ ƁƐKƐ̀NÌ-FÌTOM 12:7

Fɔɔnnɛ ŋwaà-fìtom a Kan à kpagày lɛ vwàs kìtɛɛtɛn ki kpeŋzì kìden ki naa ki Pyɛɛri à ɓaghà miì. Nni ŋwaà-fìtom anɛ̀n à ghèmzìghà Pyɛɛri di à nyɛ̀ŋi nyi ɓi tum, à kpaa nyi lɛ: Pɛ̀sɛn aɗyoo lɛ fyɛ̀ɗ, fɔɔnnɛ mɛ̀sɛ̀ŋi mɛ à ɓaghà rì mɔ ɓi ɓyàg, mɛ fumɓɛ̀ngà.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 16:26

Nni zi i ghàskà kì nyɛ̀ŋɗɛɛ ri ìtèɗ lèg ànɛ lɛ mɛɛ mɛ naà-zày mɛ kpikɛ̀ngà, ɓìsìm ɓìcèm ɓi ghas kì ŋwàrɛɛ, bɛn yi ɓimbùŋ ɓìcèm yi fumɓàg.

MƐ̀KÌKÌÌ MƐ ƁƐKƐ̀NÌ-FÌTOM 27:23

Ɓi-ru wu gɛɛ̀nɛ, ŋwaà-fìtom a Bɛ̀ll ànɛ à làmii mɛ̀, Bɛ̀ll ànɛ nki ɓɔɔɓɔgsì, àa yùu mɛ̀ jaŋ̀bog,

MƐ̀KÌKÌÌ MƐ ƁƐKƐ̀NÌ-FÌTOM 5:19

Nni ŋwaà-fìtom à Kan à yùghà rì ìru, à nɛmgì mɛ̀suunaa mɛ naà-zày, à kpaŋzì ɓɛ̀kɛ̀nì-fìtom, à ki kali ɓɔ lɛ:

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 13:6

Ɓisu wìn miì nnɛ ɓì ti ɓì peeghì girig ɓɛ̀làmpoŋ̀; ɓumɓɛ ɓɛ ti ɓɛ tekì làmpoŋ̀ ɓɛ ri ɓɛ̀roɓɛ Bɛ̀ll à faghà ìtèɗ wulɛ ɓɛɛ kilag kìɓan kiǹ yɛ̀ɛ ki ghɛɛ̀sɛɛ.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:27

Lɛ ɓɔmiɗ ɓɔ yɛɛ reǹgà kìɓan kiǹ, ki ki ghɛ̀ɛ̀sɛn fɔlɔɔ lɛ, i ɓumɓɛ ɓɛ yin Ɓɛ̀yudɛ̀n ɓɛ ti rì gàɓ ɓi ɓìrɔɔ ɓi ɓi nghay ɓi ɓi ɓaghà ɓisuu Ɓɛ̀yudɛ̀n, ɓɛ ghɛɛ̀sɛɛ girig ɓɔ kì ghɛɓsii cààmɛ̀n ki ɓɛ ri rì mɛ̀tɔɓ mɛ kisoghà.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

2 KƆ̀RƐ̀ŊTYƐŊ 9:12

Ɓisuulɛ, kìsay ki rìfa ɗìn ɗi ri ɓiì kìi, kaa ɓa ɓi lɔŋ lɛ kɛɛ ghɛɓsi ɓɛ̀gherɛ̀n, wɔ̀lɛ rìfa ɗìn ɗi ɓiì tinii ɓum lɛɛ̀gwey lɛ ɓɛɛ fafa Bɛ̀ll ɓìtògsɛ̀n.

GÀLAT 3:29

Nni mìni ɓɛ ɓì rì ɓum ɓɛ Kiris, yiina min lɛ, ɓì rì boo ì mum yì Abiraham, ìnɛ ì rì rì gàɓ ɓi ɓyom ɓi Bɛ̀ll à kàkà.

GÀLAT 3:7

Nni yiina lɛ: mum bimiɗ ànɛ à foŋi ǹtyweeyi ɓi Bɛ̀ll à rì dòò yì Abiraham.

GÀLAT 3:9

Ɓisu wìn nnɛ ɓumɓɛ ɓɛ gherɛɛ Bɛ̀ll ɓɛ ri ɓɛ̀màŋɛn nɗaŋ ɗi Abiraham ànɛ à ɓaghà ǹgherɛ̀n.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 2:25

Mɛ̀ɛ nghɛɛ kìrɔɔ lɛ mpɛɛziì mìni kì romìì Epafirodit à geni wɛ̀m ànɛ ti kiki kisay ri nyi, tì ɗùùɗùù ǹɗaŋ ri nyi; rì nyi innɛ ɓìi nɗomiì mɛ̀ nghɛɓsɛn ɓisuu ɓyom ɓi ɓi nkaakààrɛ̀n mɛ̀.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 10:11

Pìrɛɛtìrɛ̀ bimiɗ à ti à rɛlàg ɓɛ̀ŋwos ɓɛ̀cèm ɓi jàŋ yiì ì kìsay à kìkì mɛ̀kuu mɛ ɓifùna mɛ̀fog mɛ mɛ yin lɛ mɛ pisi ɓìɓe ŋwos adɛŋ.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

EBIREEGH 6:17

Yɛ̀ɛ Bɛ̀ll à kɔ̀ngà lɛ a konag kì rèsii ɓumɓɛ à faghà mɛ̀kàg lɛ nyaa lɔ̀gtiigɛ ɓi rikalì ɗii, fɔɔnnɛ à kànɛ̀ngà bɛ̀ɗ.

EBIREEGH 8:6

Nni ɓi cààmɛ̀n ki, Yeesus à ti rì kìsay ki ki cee ki nkaa ɓisuulɛ, à rì roànɛ à kìghà lɛ Bɛ̀ll a ren syeesyee à bee ri ɓum; bee inɛ̀n yɛ̀ɛ sasaghii ɓi mɛ̀kàg mɛ mɛ rɔɔtɛɛ mɛ cee.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:4

ɓisuu mɛwus mɛ mɛ yin lɛ mɛ ɓwɛy, mɛ̀ kɛɛ̀ teɗ tifin nsoò lɛ mɛ womdàg; mɛ̀wus mɛǹ mɛɛ ri mɛ̀ nyamɛn aɗyoo ɓisu wìn,

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.

ZYUUDƐ 1:14

Ɓisuu ɓumɓɛ̀n innɛ Enɔg ànɛ à rì dòò yì Adam ì kìtaàɓɛ̀ɛ̀, à kpaŋzìghà ɓìɓan ɓi Bɛ̀ll à kpaa lɛ: Ghɛɛna, Kan à tiì rì ɓum ɓii ɓɛ titom ɓɛtɛnɛn, ɓìtuu lɛ ɓìtuu kɛ̀ɛ̀ bàlì,

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.