EBIREEGH 1:13 - Bafia Nouveau Testament

¹³ Bɛ̀ll à ka kpaaghà ɓi ŋwaà fìtom adɛŋ lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ kiɓoŋ ki u rɛsag mɛ̀kòò miì.

EBIREEGH 1:13 ပူးပေါင်းရင်းမြစ်များ

MATYOO 22:44

Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem, à kpaŋ yɛ̀ɛ ǹɗì ɓiì foŋì ɓɛ̀bènàbena ɓɔɔ a mɛ̀kòò mɔɔ zi.

MARIKUS 12:36

Davit nyimiɗ a kpaaghà, di Kìtɛntɛ̀ɛ̀n ki Nghay ki mɛ fa nyi ɗyomzɛ̀n lɛ: Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ com ki rɛsakɛn mɛkòò mɔɔ miì.

LUKAS 19:27

Ɓi ɓɛg ànɛ a ɓɛ̀bènàbena ɓɛm, ɓɔɔ kɔngà ɓi lɛ ǹlami ɓɔ, nni yùunay fɛ rì ɓɔ, ɓi siì ɓɔ ɓɛ̀ɓoŋ foo ɓi mis mɛ̀m.

LUKAS 20:42

Davit nyimiɗ a kalag ɓi kaàtà à Bɛ̀sam̀ lɛ: Kan à kalìghà Kan wɛ̀m lɛ, kɔ̀ri mɛ̀ fɛ ɓi weèlem,

MƐ̀KÌKÌÌ MƐ ƁƐKƐ̀NÌ-FÌTOM 7:55

Wɔ̀lɛ Ityɛn à ɓaghà ǹɗonɛn ɗi Kìtɛntɛ̀ɛ̀n ki Nghay, nni yɛ̀ɛ à pɛɓsɛ̀ngà aɗyoo, à ghɛn kìtɛɛtɛn ki rigwey ɗi Bɛ̀ll rì Yeesus ǹɗɛrɛliyɛn ɓi weèlem à Bɛ̀ll,

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.