KÒLÒSYƐŊ 4:5 - Bafia Nouveau Testament

⁵ Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

KÒLÒSYƐŊ 4:5 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MARIKUS 4:11

Nni à ɓàkà ɓɔ lɛ: Mìnii ɓɛ ki ri ki fayɛn lɛ ɓi yi ɓìɓan ɓi ɓi ɓaghà ɓì nyamɛn ɓi kìlɔ̀ŋ ki Bɛ̀ll; ɓi ɓɛg ànɛ a ɓɛ̀ro ɓɛmbog ɓɛɛ̀ wowog lɔŋ ɓiɓan ɓìcèm yɛ̀ɛ dàɗkì

RÒMƐŊ 16:19

Ɓi san ànɛ a lɔ̀ŋkin, ɓum ɓɛ̀cèm ɓɛ yii mɛ̀wog mɛ ɓì rì rì mɔ ɓi ɓɛg ànɛ yɛ̀ɛ Kan, ǹɗem wɛ̀m wɛɛ̀ pupuɓ ri mìni, fɔɔnnɛ kɛɛ̀ kɔ̀nkɔn mɛ lɛ ɓi ɓa rì ɗyomzɛ̀n ɓi rìkì ɗi kirɔɔ, ɓì ki ɓa ɓɛtɛnɛn ɓi rìlɛg ɗi kiɓe.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

TÈSÀLÒNÌSYƐŊ 4:12

di fɔɔnnɛ ɓumɓɛ ɓɛ yin ɓɛgherɛ̀n ɓɛɛ teɗ mìni rì rìmum, ǹtɛ̀g win wɛ̀ kɛɛ̀ rìɗ ŋwaàdɛŋ.

TIMOTE 3:7

Ki ghɛɛ̀sɛɛ girig lɛ ɓumɓɛ ɓi dan ɓɛɛ sɛg nyi di ɓɛ̀ kɛɛ̀ sɛɛti nyi, fɔlɔɔ a kì nyi lɛ a kpi ɓi fìram fi Satàn.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

1 PYƐƐRI 3:1

Nsoò mìni ɓɛ̀yiɓ, ɓaana girig rì mɛ̀wog, giɓ bimiɗ a wog yii wiì, di fɔɔnnɛ kɛɛ ɓa lɛ i ɓɛ̀baŋì ɓɛdɛŋ ɓɛ gherɛɛ ɓi jɛ̀ɛ̀ ì Bɛ̀ll, rìkuu ɗi cɛɓ ɗi ɓɛ̀yiɓ ɓaa ɓɛɛ̀ ghɛghɛɓ ri ɓɔ ɗyɛɛ ghɛɛ̀sɛɛ ɓɔ kìsyòŋi ɓi rìgherɛ̀n nsoò mum àa tòòghrɛɛ ɓi ri ɓɔ.