KÒLÒSYƐŊ 4:12 - Bafia Nouveau Testament

¹² Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

KÒLÒSYƐŊ 4:12 ပူးပေါင်းရင်းမြစ်များ

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

LUKAS 1:1

Wɔ̀ Tyoofil, ɓum lɛɛ̀gwey ɓɛ tumɛ̀ngà rìkàn ɗi ɓiban ɓi ɓi kilɛ̀ngà ɓi nyìinyìm wìs,

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 15:30

Ɓɔɔsoŋ̀, mɛ̀ ǹtɔɔgh mìni ɓisuu Kan wìs Yeesus Kiris, rì ɓisuu nkɔ̀nɛ̀n ànɛ Kìtɛntɛ̀ɛ̀n ki Nghay ki ti ki falàg lɛ, ɓi lem̀ mɛ̀ ɓyàg ɓi zàà ìnɛ ǹɗì miì, rì bɔ̀ŋzɛ̀n yi ɓì rì ɓiì ɓɔ̀ɔɓɔŋ̀zì Bɛ̀ll ɓisu wɛ̀m.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

GÀLAT 1:10

Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

GÀLAT 4:19

Mìni ɓɔn ɓɛm, ǹtumɛɛ tì rìwog ɗi rikɛŋ yɛ̀ɛ ɗi giɓ a woki ɓi rìyay ɓisu wìn, à kpaŋ yɛ̀ɛ Kiris à ɓiì ghɛɛ̀ ìkɔ̀ɔ̀ ɓi mɛ̀rem mìn.

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 1:7

lɔŋ yɛ̀ɛ Epafiras ànɛ à rì reŋkàŋ wìs a nɗem ànɛ ti kìki kisay ri nyi à rèsìghà mìni; à rì ǹkìì-kìsay a Kiris à ntyweeyi ɓisu wìn.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 4:9

Ɓɛ riì nɗaŋ ri Onezim, geni wìs a ǹɗem, ànɛ à rì mum à ǹtyweeyi, nyi tì maaseŋi wìn. Ɓɛ ri mìni ɓiì wogsii ɓiɓan ɓìcèm ɓi ɓyɛɛ̀ kìikilɛ̀n fɛ.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

FILEMƆŊ 1:23

Epafiras ànɛ à rì reŋkàŋ wɛ̀m ànɛ tì rì ɓi naà-zày rì nyi, ɓisuu Yeesus Kiris

EBIREEGH 5:14

Wɔ̀lɛ, ɓìɗilàg ɓi tèɗ ɓi ri ɓisuu ɓumɓɛ ɓɛ mɛ sììrɛn ɓum, ɓɛɛ̀ɓɛ ɗyomzɛ̀n ɗi mɛ mɛ̀ɛ̀tɛn ɗi rìghasì ɗi lɛ, rì kìɓe rì kìrɔɔ.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

ZYAG 1:4

kìɓan kifog, ki ghɛɛ̀sɛɛ lɛ rìnìɗ ɗin ɗi nɗem ɗyɛɛ ki ɓìɓan ɓi ɓi rɔɔtɛɛ lɛ kɔɔ̀kɔɔ̀, di fɔlɔɔ nnɛ ɓi ɓa ɓumɓɛ ɓɛ kii lɛ, ɓɔ kɛ̀ɛ̀ bɛ̀lɛn nsoò bog, ɓɛ ki ɓa ɓɛronɛn ɗi ɓìɓan ɓìcèm, com ki ki kaarɛ̀n ɓɔ, kɛ̀ kɛɛ̀ ɓa.

ZYAG 5:16

Kìlaaghna lɛ, i wààdɛŋ ù kìi kìɓe, ù rèsì ɓɛ̀goni ɓɛmbog, ɓì ki ɓa ri kìsyɔ̀ɔ̀ ɓi nyìinyìm wìn lɛ ɓi ɓɔŋzag Bɛ̀ll ɓisuu ɓɛgeni ɓin ɓɛ ɓi ghɛghɛɓ ri ɓɔ, fɔɔnnɛ ɓì ɓiì wɔ̀ni. Syeesyee à bɔ̀ŋzɛ̀n à ŋwaànɛ à rì lɛ saaɗ ɓi mis mɛ Bɛ̀ll à ti à ɓalàg rì coo nghɛɓsɛn.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,