KÒLÒSYƐŊ 3:5 - Bafia Nouveau Testament

⁵ Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

KÒLÒSYƐŊ 3:5 ပူးပေါင်းရင်းမြစ်များ

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

RÒMƐŊ 1:26

Kìɓan kiǹ kɛɛ̀ki Bɛ̀ll à tinìghà ɓɔ lɛ ɓɛɛ kiki ɓìɓan ɓi ntoòrìɗ; ɓɛ̀yiɓ ɓaa ɓɛ pɛɛ̀zì rìràrɛ̀n ɗi Bɛ̀ll à fèkà lɛ rì giɓ rì baŋì ɓi bee ì dùne.

RÒMƐŊ 1:29

Fɔlɔɔ nnɛ ɓɛ ri ɓɛ̀ronɛn ɗi mɛ̀bèe mɛ̀kuu mɛ̀cèm, ɗì rìgɛn, rì zày ì ìkum, rì mɛ̀ghèy; ɓɛ ɓa tì ɓɛ̀ronɛn ri yàaka, ɓɛɛ woowoòsɛ̀n, ɓɔ rì ɓɛ̀paàzì, rì wii wu mɛghèy, ɓɛ keesì cɛɓ ki tisɔ̀mɔ̀g,

RÒMƐŊ 6:13

Kɛ̀ ɓi cìtɛn ti ɓìkàɓ ɓin ɓi nyoo ɓi kìɓe fɛlɛ yɛ̀ɛ ɓyom ɓi kisay ɓi ɓi rìkì ɗi ɓiɓan ɓi ɓeɓtɛn, kìɓan kifog faana mìniìɓɔmiɗ ri Bɛ̀ll fɛlɛ yɛ̀ɛ ɓum ɓɛ̀cèm ɓɛ ɓɛ sughiì a nyɔ̀ɛ̀y, ɓì ki fa ɓikàɓ ɓin ɓi nyoo rì Bɛ̀ll ɓi sìg à ɓyom ɓi kisay, ɓi ɓi rìkì ɗi ɓiɓan ɓi ɓi ri lɛ saaɗ.

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

1 KƆ̀RƐ̀ŊTYƐŊ 5:1

Ɓɛɛ̀ kpaakpaa jàŋ bimiɗ lɛ kìtɔɓì kiǹ ki ri ɓi nyìinyìm wìn; kiŋcèm ki ki ɓa lèg ànɛ ki ti kɛ̀ kɛɛ̀ ghɛnɛn nsoò a ɓumɓɛ ɓɛ yin ɓɛgherɛ̀n. Lɛ ɓɛɛ̀ kpaaghi lɛ, kìbog ki ɓi nɗaŋ win ki nteri gili seŋì.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

1 KƆ̀RƐ̀ŊTYƐŊ 6:13

Ɓìɗilàg ɓi ri ɓisuu ɗùm, ɗùm ɗi ki ɓa ɓisuu ɓiɗilàg, Bɛ̀ll à rì ɓiì ki yogsii ɓyom ɓi kiɓɛ̀ɛ̀ ɓiǹ; wɔ̀lɛ nyoo ì mum ì yin nkìyɛn ɓisuu cɛɓ ki tifin, ì rì ǹkìyɛn ɓisuu Kan, Kan à ki ɓa ɓisuu nyoo ì mum.

1 KƆ̀RƐ̀ŊTYƐŊ 6:18

Lɛɛghna cɛɓ ki tisɔ̀mɔ̀g! Lɛ ɓìɓe ɓimbog ɓìcèm ɓi mum à rì lɛ à kì, ɓi ti ɓyɛ̀ kɛɛ̀ kòm nyoo yìì, wɔ̀lɛ i ŋwaà nɔ̀ɔ̀tii cɛɓ ki tisɔ̀mɔ̀g, di à kìi kìɓe ki kɛɛ yogsi nyoo yìì.

2 KƆ̀RƐ̀ŊTYƐŊ 12:21

Ǹɗì rì mɛ̀riighrikì lɛ yɛ̀ɛ n-yùyuy foo, Bɛ̀ll wɛ̀m kɛ̀ɛ ɓa lɛ à rììsì mɛ̀ nto ɓi kìɓan kin, ǹki ghay lɛ ǹɗèn ɓisuu kigwey ki ɓum ki ki nka kìi kìɓe, ki rɔɓ kɛ̀ kɛɛ̀ lɔ̀ɔ̀ghrɛn mɛrem lɛ kɛɛ rini ɓìɓan ɓi tifin, rì tìsɔ̀mɔ̀g, rì cɛɓ ki sààsaa, ɓi ɓɛ nkìkii.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 4:19

Ɓɛ yiìdi ri ǹtoòrìɗ, fɔɔnnɛ ɓɛ mɛ ɗiŋi ɓi kìɓùùsì, ɓɛ kɛǹ ɓiì kìkii ɓiɓan ɓi tifin, kɛ̀ɛ̀ tìmin, ɓɛ ɓutɛ̀n tì zày ì ìkum miì.

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 4:5

kɛ̀ɛ càrɛn lɛ ɓiɓeɓtàg ɓi ɓiɓan ɓyɛɛ syòŋ nyi ǹɗem, yɛ̀ɛ ki ti ki ɓalàg rì ɓumɓɛ ɓɛ yin ɓɛgherɛ̀n ɓɛ̀ kɛɛ̀ ki yi Bɛ̀ll.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

EBIREEGH 13:5

Kìsee ki mɔ̀ɔ̀ni kɛ̀ kɛɛ̀ làmì ɓyɛɓ ɓin; nyààrɛɛna rì gàɓ ì ɓyom inɛ ɓì rì rì yɔ̀, ɓisuulɛ Bɛ̀ll nyimiɗ a kpaaghi lɛ: Màa càɗ ɓi wɔ, kɛ̀ɛ nki rini wɔ.

ZYAG 4:1

Ɓìɓan ɓi lɛ rì ɓìtùrì rì ɓɛsaaka ɓi ɓaa yì la ɓi nyìinyìm wìn? kaa yin lɛ ɓìɓeɓtàg ɓi ɓiɓan ɓi mìni ɓi mɛ̀rem ɓyɛɛ̀ ɗùuɗuùsì wɛ̀y wiǹ ɓi nyoo yin.

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.