KÒLÒSYƐŊ 3:16 - Bafia Nouveau Testament

¹⁶ Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

KÒLÒSYƐŊ 3:16 ပူးပေါင်းရင်းမြစ်များ

MATYOO 26:30

Ɓɛ ɓaghà lɛ ɓɛ mɛ ghàɓ tyem ti ɓɛsam̀ fɔɔnnɛ ɓɛ ɓɔkà min ɓi dòn ì ɓɛ̀òlìvyee.

LUKAS 2:51

Fɔɔnnɛ à sugtìghà min ri ɓɔ a Naazarɛt, a kìkì ɓɔ mɛ̀wog; jɛɛ à ɓèŋɓèŋgà ɓìɓan ɓiǹ ɓìcèm ɓi ǹɗem.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

RÒMƐŊ 10:17

Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

1 KƆ̀RƐ̀ŊTYƐŊ 14:15

Ǹghɛ̀ɛ̀sɛɛ min ki kìi la? Ǹɗì ɓiì ɓɔ̀ŋzaagh Bɛ̀ll rì nghay wɛ̀m, kìɓan kifog m̀ɓɔ̀ŋzàg girig rì ɗyomzɛ̀n ɗyɛm̀; ǹɗì ɓiì kɛɛghraagh tyem rì nghay wɛ̀m kìɓan kifog ǹkɛɛghràg girig rì ɗyomzɛ̀n ɗyɛm̀.

1 KƆ̀RƐ̀ŊTYƐŊ 14:26

Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 5:17

Kìɓan kiǹ kɛɛ̀ki ɓì ghɛ̀ɛ̀sɛɛ ɓi ki ɓaà ɓìdùŋdùŋ ɓi ɓum, ɓì ghɛ̀ɛ̀sɛɛ lɛ ɓi yi cɛ kɛɛ̀ki Kan a kɔ̀nkɔ̀n.

EFÈZYƐŊ 5:19

Ɓì kuùkùrɛ̀n rì ɓɛ̀sam, rì mɛ̀ɓàlì, rì tyem ti Bɛ̀ll; ghàɓina mɛ̀ɓàlì lɛ ɓi ɓɔgsi Kan, rì mɛ̀rem min mɛcèm.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 4:6

Ɓìtòkì ɓin ɓi ghɛɛ̀sɛɛ kì ɓalaagh ɓitòkì ɓi geesɛ̀n, ɓi yɛyɛ̀y yɛ̀ɛ kìkòn; fɔɔnnɛ ɓì ɓiì yiì lannɛ ɓì ghɛ̀ɛ̀sɛɛ lɛ ɓì ɓàg mum ǹcèm ànɛ ɓi ɓɔ, di à tɔɔgh mìni kìɓan.

TÈSÀLÒNÌSYƐŊ 1:8

Lɛ jɛ̀ɛ̀ ì Kan ì mɛ pɛ̀sɛn yi a lɔ̀ŋkin, ì kpaŋ à Masedwan rì a Akayi, nni àa lɔŋ foo nyi rì nyi, gom ì rìgherɛ̀n ɗin ɗi ɓì gherɛɛ Bɛ̀ll, ì mɛ sàà jàŋ bimiɗ à kpaŋ ɓi lèg ànɛ tì yin gi lɛ tì kpaakpàà.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

2 TÈSÀLÒNÌSYƐŊ 3:15

Kɛ̀ ɓi teɗ nyi yɛ̀ɛ bènàbena wiǹ, kìɓan kifog rɔ̀gsɛɛna nyi fɛlɛ yɛ̀ɛ geni wiǹ.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

Kaàtà ànɛ Pol à kàngà TIT 3:6

Bɛ̀ll à romgày Kìtɛntɛ̀ɛ̀n ki Nghay kìn ɓi ɓìsi lɛɛ̀gwey ɓi gòò ì Yeesus Kiris à ǹghɛɓsì wìs,

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

ZYAG 5:13

I mum ɓi mìni à tanɛɛ rì ǹtɔɓ, à ghɛ̀ɛ̀sɛɛ kì ɓɔ̀ŋzii Bɛ̀ll, nsoò lɛ à rì rì kìnyàà, à ghɛ̀ɛ̀sɛɛ kì ɓɔgsii Bɛ̀ll rì tyem.

1 ZYAŊ 2:14

Ǹkàni mìni ɓɛ̀seŋi, ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì ɓisuulɛ ɓì tèèsɛɛ, jɛ̀ɛ̀ ì Bɛ̀ll ì ɓa mìni ɓi mɛ̀rem, rì tì lɛ ɓì mɛ yag ghèghey à mum.

1 ZYAŊ 2:24

Ɓi ɓɛg wìn, ɓì ghɛ̀ɛ̀sɛɛ kì ɓèŋi kiɓan ki ɓì wokà kiǹ à tumɛ̀n a rìtumɛ̀n ki ɓa mìni ɓi mɛ̀rem, mìni girig ɓì rì ɓiì kɛ̀nkɛni asu, ɓì ɓa ɓɛ̀ràrɛn ri kìɓɛ̀ɛ̀ ki ɓum ki lɛ, rì Man, rì Seŋi.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

2 ZYAŊ 1:2

lɛ saaɗ ànɛ à rì ɓi ɓìsi, ànɛ à ki rì ɓiì kɔ̀rii a lɔ̀ŋkis fiɗyàɓ fikɔ̀ɔ̀.

ÀPÒKÀLIƁSƐ̀ 14:3

Ɓumɓɛ̀n ɓɛ kɛkɛ̀ghìghà fyem fi nyɔn di ɓɛ rɛrɛlii asu wu ikɔ̀ɔ̀ wu rilàmì, rì nyàm yi kinìn, rì asu wu ɓɛsɛ̀ɛ̀mɛn ɓɛ ɓum. Ŋwaàdɛŋ à ɓaghà ɓi lɛ à yilàg fyem fìn, i ki yin lɛ ɓum ɓɛ̀tɔɔsìm mɛ̀tin taàɓɛ̀ɛ̀ rì ɓum ɓɛ̀tɔɔsìm ɓɛnin ɓɛ à kwèɗkà ɓi ziinɛ.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.