KÒLÒSYƐŊ 3:15 - Bafia Nouveau Testament

¹⁵ Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

KÒLÒSYƐŊ 3:15 ပူးပေါင်းရင်းမြစ်များ

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

RÒMƐŊ 1:21

Ɓisuulɛ ɓɛ yii Bɛ̀ll, kìɓan kifog ɓɛ̀ kɛɛ̀ ɓɔgsi nyi yɛ̀ɛ ki ghɛɛ̀sɛɛ lɛ ɓɛɛ ɓɔgsag nyi, ɓɛ̀ kɛɛ̀ ki fa nyi ɓìtògsɛ̀n, wɔ̀lɛ ɓìdìmìdimi ɓyaa ɓi ɓɛfèg ɓi mɛ tɔɔsi ɓɔ cog, ɓìdùŋdùŋ ɓyaa ɓi mɛrèm ɓi sigtɛ̀n birìm.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

1 KƆ̀RƐ̀ŊTYƐŊ 10:17

Nni yɛ̀ɛ bìrɛs ì rì lɔŋ bog, tyàa soo tèghɛɛ, tì rì lɔŋ nyoo bog ɓisuulɛ ɓìsiìcèm ti teteɗ gàɓ ɓi m̀bobog à bìrɛs ànɛ̀n.

1 KƆ̀RƐ̀ŊTYƐŊ 7:15

I ŋwaànɛ à yin ngherɛ̀n à kɔ̀ni lɛ a ghasɛn rì ŋwaànɛ ɓɛ ri ɓi rìwɛy ɗì nyi, ɓɛ caɗ nyi à ghasɛ̀n; i ki ghɛnɛɛ fɔlɔɔ, ǹgherɛ̀n à baŋì nsoò lɛ à giɓ, à yiìdi nkàŋɛn ɓi rìwɛy ɗìn; lɛ Bɛ̀ll à reŋìghà ɓìsi lɛ ti ghɛɓ ɓi fyòoog ɓi ɗùm.

2 KƆ̀RƐ̀ŊTYƐŊ 4:15

Lɛ ɓìɓan ɓi ɓìcèm ɓyɛɛ̀ ghɛɛghɛnɛ̀n ɓisu win lɛ yɛ̀ɛ geesɛ̀n ì Bɛ̀ll yɛɛ̀ kɛ̀nkɛn asu ì tèèghtèghɛ̀n, yɛ̀ɛ ki lɛ, ɓum kìtuu ɓɛɛ ɓɔɔ̀ɓɔ̀ŋzì di ɓɛɛ̀ fafa ɓìtògsɛ̀n lɛɛ̀gwey, ɓi rìkem ɗi Bɛ̀ll.

2 KƆ̀RƐ̀ŊTYƐŊ 9:11

À rì mìni ɓiì kumzii yɛ̀ɛ ki ghɛɛ̀sɛɛ ɓyààmɛ̀n ɓìcèm ɓi lèg ànɛ lɛ, ɓi ɓa ɓyɛ̀ ki fɔy riɓòò, rì tì lɛ, ɓum lɛɛ̀gwey ɓɛ ɓiì faà Bɛ̀ll ɓìtògsɛ̀n ɓisuu rifa ɗin ɗi tì ɓiì kɛ̀ɛ ɓɔ kìfaà.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

EFÈZYƐŊ 4:4

Nyoo ì rì lɔŋ bog, Nghay lɔŋ bog, fɔɔnnɛ ɓì rì girig ɓɛ̀ reŋiyɛn lɛ ɓi ɓa rì dyàɓɛn bog, yɛ̀ɛ ri dyàɓɛn inɛ ɓi nɗeèghreŋi win.

EFÈZYƐŊ 5:1

Yɛ̀ɛ ɓì rì ɓɔn ɓɛ Bɛ̀ll ɓɛ nɗem, tèèsiina nyoo lɛ ɓi nɔɔ̀ti kìfèèghrɛnà kii.

EFÈZYƐŊ 5:20

Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

KÒLÒSYƐŊ 1:12

Faana Bɛ̀ll à Seŋi wìs ɓìtògsɛ̀n ɗì kìnyàà; lɛ nnyɛɛ kighà com ki lɛ, ɓi ɓa rì gàɓ ɓi ɓìrɔɔ ɓi ɓi ri ɓì pègsɛn ɓisuu ɓɛgherɛ̀n ɓi kìtɛɛtɛn ɓiɗùm.

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

TIMOTE 2:1

Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

TIMOTE 6:12

Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

ÀPÒKÀLIƁSƐ̀ 7:12

di ɓɛɛ̀ kpaakpaa lɛ: Ààmɛ̀n, bɔgsɛ̀n, rìkem, ɗyomzɛ̀n, ɓìtògsɛ̀n, nyaasɛ̀n, ìtèɗ wu rilàmì, rì ìtèɗ wu zɛy, ɓi ri ɓyom ɓi Bɛ̀ll wìs fìɗyàɓ fikɔ̀ɔ̀ Ààmɛ̀n.