KÒLÒSYƐŊ 2:8 - Bafia Nouveau Testament

⁸ Ɓì konàg lɛ ŋwaàdɛŋ kɛ̀ɛ wɔɔsi mini ɓi fìram fi ɗyomzɛ̀n rì ǹ-yègsɛ̀n à zɛy, ɓyɛɛ ri ɓìtoŋɛn ɓi ɓìsyɔ̀ɔ̀ ɓi ɓum, rì mɛ̀tèɗ mɛ mɛghay mɛ ɓi ziinɛ, ɓyɛ̀ kɛɛ̀ ɓa ɓitoŋɛn ɓi Kiris.

KÒLÒSYƐŊ 2:8 ပူးပေါင်းရင်းမြစ်များ

MATYOO 10:17

Konaaghna rì ɓum ɓisuulɛ, ɓɛ ri ɓiì kɛ̀ɛ ri mìni ɓi naa yi ɓɛyɔ̀m, ɓɛ ki ɓog mini kìtòn ɓi naa yaa yi bɔ̀ŋzɛ̀n.

MATYOO 16:6

Yeesus a kpaa ɓɔ lɛ: Konaaghna syeesyee à rìkonàg rì nwìɗ a Ɓɛ̀fàrìzyɛŋ rì à Ɓɛ̀sàdùsyɛŋ.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:32

Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 10:12

Fɔlɔɔ nnɛ ŋwaànɛ à yii lɛ à rì mɛ̀rɛy, à kɔ̀rì ɗyomzɛ̀n lɛ kɛ̀ɛ kpì.

1 KƆ̀RƐ̀ŊTYƐŊ 8:9

Ɓì konàg yɛɛ ri lɛ rìɓa ɗin ɗi ɓì rì rì ìtèɗ wu kìyɛn rikɔ̀n ɗin ɗyɛ̀ kɛɛ̀ kɛ̀ɓti ɓɛgeni ɓin ɓɛ ɓɛ ri kɛ̀ɛ̀ ìtèɗ fiɓàg.

2 KƆ̀RƐ̀ŊTYƐŊ 10:5

rì mɛ̀tèɗ mɛcèm mɛ mɛɛ̀ kaakaa lɛ mɛɛ ɗuu rì rìyi ɗi ɓum ɓɛ ri lɛ ɓɛ yi Bɛ̀ll; fɔɔnnɛ ti kìlag com ki lɛ fèg bimiɗ a ɓa ǹkpàn, à ki kì Kiris mɛ̀wog.

GÀLAT 1:14

Ɓì yii yɛ̀ɛ m̀ɓaghà di ǹti ǹsììrɛn ɓi rìgherɛ̀n ɗi Ɓɛ̀yudɛ̀n ǹcee ɓɛ̀gbààgbaà ɓɛm lɛɛ̀gwey rì ɓum lɛɛ̀gwey ɓɛ ɓi kìlɔ̀ŋ kɛm̀; ǹfalɛ̀ngà lɛɛ̀gwey ɓi ɓisyɔ̀ɔ̀ ɓi ɓɛseŋi ɓis.

GÀLAT 4:3

Cààmɛ̀n ki tì ɓaghà di tì kaka ɓɔɓti tì ɓaghà girig ɓɛ̀kpàn ɓɛ ɓi ɓɔɔ ɓyom ɓɛ zɛy ɓɛ ɓi ziinɛ.

GÀLAT 4:9

Nni ɓigomìnɛ ɓì mɛ yi Bɛ̀ll, ǹɗì lɛ ǹkpaa gì lɛ Bɛ̀ll à mɛ yi mini, nni lannɛ ɓì rì lɛ ɓì sugtì rì jɛ̀m ɓi ɓɔɔ ɓyom ɓɛ zɛy rì zɛy ɓɛ ɓɛ ri kɛ̀ɛ̀ ìtèɗ, ɓì ki kɔ̀nkɔn lɛ di ɓyàa ɓatii ɓɛ̀kpàn ɓɛ ɓyom ɓìn?

GÀLAT 5:15

Nni wɔ̀lɛ, i ɓì ɓaa lɛ ɓì loòlòmɓɛ̀n ɓì ki ɗiiɗilɛ̀n mìni rì mìni, ɓì konàg lɛ kɛ̀ ɓi lègsi ki weesɛɛ, mìni rì mìni.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 4:20

Ɓi san ànɛ a lɔ̀ŋkin, àa fɔlɔɔ nnɛ mìnii yilàkà Kiris;

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

FÌLÌPYƐŊ 3:2

Ɓi konàg rì bu, ɓì konàg rì ɓìɓeɓtàg ɓi ɓɛ̀kìì-ɓìsay, ɓì ki konag ti rì ɓumɓɛ ɓɛ ri ɓɛ̀kɛ̀rɛn lɛ ɓɛɛ ɓɔŋ̀ ɓɛ̀ro ɓum.

KÒLÒSYƐŊ 2:18

Kɛ̀ ɓi càrɛn lɛ mɛ̀lèɓ mɛ ɓi mɛ̀ree mɛ ɓi ghɛghɛŋì ŋwaàdɛŋ a ɓatɛn mìni mɔ yɛ̀ɛ ki kɔni nyi, rì ìghèy lɛ à rì ǹsɛɛ̀dɛn nyimiɗ ɓi zi, rì tì lɛ, a ɓɔɔɓɔgsì ɓum ɓɛ titom; rìkuu ɗi mum ɗìn ɗi ti ɗi ɓiisàg kì kuughraagh ɓiɓan ɓi ɗi ghɛɛ fɛlɛ yɛ̀ɛ ɓìdɛ̀ndɛm̀; ɗi ki ɓalag ɗi ronɛn ɗi ɓìdaŋà ɓi kɛ̀ɛ̀-su, ɓi ɓɔɔ mɛyitì ɓii ɓɛ à rì rì ɓɔ, ɓi rìɓa ɗii ɗi lɛ mum.

KÒLÒSYƐŊ 2:20

I ɓì wughà ǹɗaŋ ri Kiris ɓi ɓɛg ànɛ a mɛ̀tèɗ mɛ mɛghay mɛ ɓi ziinɛ, ɓisuucɛ nnɛ ɓɛ kaŋkàŋ tì mìni rì ɓìɓan ɓiǹ yɛ̀ɛ ɓɛɛ̀ kali lɛ ɓì kaka ɓì ghɛghɛ̀ɓ ɓi ɓìsyɔ̀ɔ̀ ɓi ɓi ziinɛ?

KÒLÒSYƐŊ 2:22

Ɓìcèlì ɓiǹ ɓìcèm ɓi koŋkomi ɓyom ɓi ɓi ti ɓi ɗyogì di ɓɛ kii kìsay miì gɛ̀mbog; ɓìɓan ɓiǹ ɓi ri lɔŋ ɓidɔ̀gsɛna rì mɛ̀rèsàg mɛ ɓum ɓɛɛ foŋi.

KÒLÒSYƐŊ 2:23

Ki ri saaɗ lɛ ɓìcèlì ɓiǹ, ɓi rìseèsèèrɛ̀n ɗi ɓi mis, ɓi ri lɛ ɓɛ sɛg lɛ, ɗì rìɓɔgsàg ɗi Bɛ̀ll ɗi miì ɗi ɗi ri kìɓan ki ɓum ɓɛɛ ɓekii, ɗì rìsɛɛ̀dɛ̀n ɗi ɓi zi, rì kìɓan ki lɛ, mum a ki nyoo yìì rìgɛn; kìɓan kifog gɛ ɓìɓan anɛ̀n à ghɛɓsii ɓi bimiɗ à com, à rì lɔŋ ɓisuu kinyàà ki mɛmùù.

TIMOTE 6:20

Timote, konag kì ɓèŋi com ki ɓɛ tɛfɛ̀ngà rì wɔ̀, ù lèg kɛɛgh à kɛ̀ɛ̀-su ànɛ kɛ̀ɛ wuɓsɛn ɓiɓan ɓi righerɛ̀n, rì nyoey yi riyi ɗi ɓiɓan ɗi ɗi ri ɓi zɛ̀ɗ.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

1 PYƐƐRI 1:18

rì rìyitì ɗi lɛ ɓɛ kweɗkà ɓi mini ɓi kìɓeɓtàg kin ki cɛɓ ki ɓì tekà rì ɓɛ̀seŋi ɓin, rì ɓyom ɓi ɓi ri lɛ ɓi ɗyoŋ fɛlɛ yɛ̀ɛ mɔ̀ɔ̀ni nsoò lɛ gol,

2 PYƐƐRI 3:17

Mìni ɓum ɓɛm ɓɛ nɗem, ɓi ɓɛg wìn mìni yɛɛ mɛ log ki yiì ɓìɓan ɓiǹ lɔɔ abɛ̀y, nni kɔ̀riina rì ɗyomzɛ̀n, di kɛ̀ ɓi càrɛnti lɛ ɓɛ̀kìì-kìɓe ɓɛɛ ɗimzi mìni bee ri ɓìɓeɓtàg ɓyaa ɓi ɓiɓan ɓi ɓɛɛ̀ sɛ̀sɛ̀rì, fɔɔnnɛ kɛ̀ ɓi càɗ lɛ ɓɛɛ pwaŋ mìni ɓi ntyweeyi wu ɓì rɛrɛlii miì lɛ kpegkpeg,

2 ZYAŊ 1:8

Ɓì konàg rì mìniìɓɔmiɗ lɛ kɛ̀ ɓi ɗimzi ɓiɗùn ɓi ɓi kìsay kis, wɔ̀lɛ ɓì ghɛ̀ɛ̀sɛɛ lɔŋ ki terì mɛ̀lèɓ mɛ miì mɛ̀cèm.