KÒLÒSYƐŊ 2:19 - Bafia Nouveau Testament

¹⁹ Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 2:19 ပူးပေါင်းရင်းမြစ်များ

LUKAS 5:38

kìɓan kifog ɓɛ ghɛɛ̀sɛɛ kì foŋì mɛ̀rɔ̀g mɛ nyɔn ɓi ɓìren ɓi nyɔ̀n.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 11:17

Wɔ̀lɛ i ɓɛ m̀pisii myaɓ mɛ òlivyee mɛdɛŋ, wàànɛ ù rì (fɛlɛ yɛ̀ɛ) òlìvyee ànɛ à ghɛghɛ̀ɓkà ɓi cog, ù ɓa lɛ ɓɛ yuù wɔ̀ kì ɓaatii ɓi nɗyèm wu òlivyee, jàŋ inɛ myaɓ mɛ ɓɛ nɗengii mɛ ǹɗì, u teteɗ girig gàɓ ì mɛ̀yaa mɛ gàŋ yi òlivyee ànɛ ɓɛ ɓɛlà yɛɛ̀ ronɗom̀ yi.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 11:3

Nni nsoò fɔlɔɔ, kɛɛ̀ kɔ̀nkɔn mɛ lɛ di ɓyàa yii kìɓan ki: Kiris à rì rìfòm ɗi baŋì bimiɗ, baŋì ì ɓa rìfòm ɗi giɓ, Bɛ̀ll à ki ɓa rifòm ɗi Kiris.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

EFÈZYƐŊ 1:22

À fogà ɓyom ɓìcèm a mɛ̀kòò mɛ Kiris, à rɛsì nyi rìfòm ɗi gol ɓi Kìseŋi kii

EFÈZYƐŊ 1:23

ki ki ri nyoo yìì, miì nnɛ Kiris à rì ǹɗonɛn lɛ pisa, nyi ànɛ à mɛ ron zi bimiɗ à sòsòɓ.

EFÈZYƐŊ 2:21

Nyi yɛɛ ti à kìlàg lɛ kìtoŋ kɛɛ kpegmɛn, ki ki ɓɔg, ki ghay naa ì Bɛ̀ll ìnɛ ì rì ǹtɛnɛn ɓi Kan ɓi ɗùm.

EFÈZYƐŊ 4:3

ɓì tèètèèsì nyoo lɛ ɓi ɓeŋ rìɓa ɗi kibyɔg kìfog ɗi ɓi mɛ̀ghay rì fyòoog ànɛ à ràri mìni ɓɛ̀sɛ̀ɛ̀ ɓɛ̀cèm.

EFÈZYƐŊ 5:29

Ɓisuulɛ mum à ka ɓeèzɛ̀ngà ɓi nyoo yìì i nyimìɗ; lɔŋ à ti à mɛnàg yɔ̀, à ki ɓèŋɓeŋ yɔ̀ lɛ syeesyee fɛlɛ yɛ̀ɛ Kiris à ti à ɓègì Kìseŋi kii.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:18

Nnyɛɛ ri nto wu ɓi nyoo ìnɛ ì rì lɛ kìseŋi kii; nnyɛɛ ri rìtumɛ̀n, à ki ɓa ti man à ǹtonto ànɛ à lokà kìghèmɓɛɛ a ɓìloŋ lɛ di a ɓa beèbɛ̀y ɓi ɓìɓan ɓìcèm.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TÈSÀLÒNÌSYƐŊ 3:12

Kan a tegsi ǹkɔ̀nɛ̀n ànɛ ɓì rì rì nyi, lɛ a roǹ à sòsòɓ ɓi nyìinyìm wìn, à kòm ɓum ɓɛ̀cèm, à ki ɓa fɛlɛ yɛ̀ɛ ǹkɔ̀nɛ̀n ànɛ ɓisii ri rì nyi ɓi san wìn.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.