KÒLÒSYƐŊ 2:12 - Bafia Nouveau Testament

¹² Ɓɛ ɓomgà mìni ǹɗaŋ ri nyi yɛ̀ɛ ɓì ɓàɓtɛ̀ngà, ɓì mɛ ghèmɓɛn girig ɓi nyi, ǹɗaŋ ɗi nyi lɛ rìgherɛ̀n ɗi ɓì gherɛɛ ìtèɗ wu Bɛ̀ll ànɛ à ghèmzìghày nyi a ɓìloŋ.

KÒLÒSYƐŊ 2:12 ပူးပေါင်းရင်းမြစ်များ

LUKAS 17:5

Fɔɔnnɛ ɓɛ̀kɛ̀nì-fìtom ɓɛ kpaaghà Kan lɛ: Tègsi rìgherɛ̀n ɗis.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 2:24

Wɔ̀lɛ Bɛ̀ll àa ǹghèmzii nyi, à fùmì nyi bɛn yi riwù, lɛ ki n-yin lɛ ki kilɛ̀n lɛ, rìwu ɗyɛɛ ghaatɛn yì rì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

RÒMƐŊ 4:24

Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus.

RÒMƐŊ 7:4

Ɓɛ̀geni ɓɛ̀m, ki ri girig fɔlɔɔ ɓisu win ɓi san ànɛ a ɓìdɔ̀gsɛna, ɓì rì ɓiloŋ lɛ nyoo ì Kiris, lɛ ɓi ɓa ɓumɓɛ ɓɛ wooghrɛɛ rì ŋwaàdɛŋ; ɓigomìnɛ, ɓì wooghrɛɛ rì roànɛ à ghèmɓɛ̀ngày a ɓìloŋ lɛ di ti ki ɓìɓan ɓi syeesyee ɓisuu Bɛ̀ll.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

1 KƆ̀RƐ̀ŊTYƐŊ 15:20

Wɔ̀lɛ ɓigomìnɛ, Kiris à mɛ ghèmɓɛn a ɓìloŋ, fɔɔnnɛ à rì kìɗùn ki ǹtonto ki ɓi ɓìloŋ ɓi ɓi wughà.

GÀLAT 3:27

Mìniìcèm ɓɛ ɓɛ ɓaɓtìghà ɓi Kiris, ɓì waatɛ̀ngà Kiris.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 3:7

ànɛ ǹɗì ǹkìì-kìsay anɛ miì lɛ rìfa ɗi Bɛ̀ll à faghà mɛ̀ ìtèɗ wii, ɓi geesɛ̀n yìì.

EFÈZYƐŊ 4:5

Kan à rì lɔŋ bog, rìgherɛ̀n ɗifog, bàɓtis bog,

EFÈZYƐŊ 5:14

Kìɓan kiǹ kɛɛ̀ki ki ri kì kaliyɛn lɛ: Wɔ̀ ŋwaànɛ u lalày, ghèmɓɛn ɓi fìlo pɛ̀sɛn yì aɗyoo ɓi nyìinyìm à ɓìloŋ, di Kiris a lom̀ wɔ̀ kìtɛɛtɛn.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 2:13

Mìni ɓɛ ɓì ɓaghà ɓìloŋ abɛ̀y lɛ ɓìɓe ɓin, ɗì rìɓa ɗi ɓì ɓaghà kɛ̀ɛ̀ kìkɛ̀rɛɛ, Bɛ̀ll à mɛ fati mini cɛɓ ǹɗaŋ ɗi Kiris, yɛ̀ɛ à cenɛ̀ngà ɓisi ɓìɓe ɓis ɓìcèm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 6:2

à gherɛ̀n Bɛ̀ll, rì mɛ̀rèsàg mɛ mɛ koŋ̀komi bàɓtis mɛ̀kuu mɛ̀kuu, ɗì rìsaàgh ɗi mum ɓyàg ɓi nyoo lɛ ɓɛɛ maŋ̀ nyi, rì rìghèmɓɛ̀n ɗi ɓiloŋ, rì ɓɛ̀yɔ̀m ɓɛ Bɛ̀ll à ri yɔ̀m ɓum gɛ̀n bog ɓi gɛ̀n yicèm.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,