KÒLÒSYƐŊ 2:11 - Bafia Nouveau Testament

¹¹ Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

KÒLÒSYƐŊ 2:11 ပူးပေါင်းရင်းမြစ်များ

MARIKUS 14:58

Tìi ǹwoogh di a kpaakpaa lɛ, a ɓiì wààghii naà-Bɛ̀ll ìnɛ ɓum ɓɛ togà ìnɛ, à toŋdì ìdɛŋ ɓi mɛ̀ru mɛraa mum kɛ̀ɛ foŋ càg miì.

LUKAS 2:21

Ɓi mɛ̀ru taàɓɛ̀ɛ̀ ànɛ ɓɛ ghɛɛsɛ̀ngà kì kɛ̀ri man, innɛ ɓɛ roòghà nyi ɗii lɛ Yeesus; ɗii ɗìn ɗyɛɛ̀ɗi ŋwaà-fìtom à faghà, di jɛɛ à ka teɗ ɓi ɗyem ɗii.

MƐ̀KÌKÌÌ MƐ ƁƐKƐ̀NÌ-FÌTOM 17:24

Bɛ̀ll ànɛ à kìghà lɛ, rì zi rì ɗyoo, rì ɓyom ɓìcèm ɓi miì, nnyɛɛ ri Kan ànɛ à làmii ɓyom ɓìn ɓìcèm. Bɛ̀ll ànɛn à yin lɛ à kɔ̀rì ɓi mɛɛ mɛ ɓum ɓɛɛ̀ toŋi rì ɓyàg ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 7:48

Wɔ̀lɛ Bɛ̀ll ànɛ à teŋmɛɛ à cee, a maà kɔ̀ri ɓi kɔmiɗ ɓi mɛɛ mɛ ɓum ɓɛɛ toŋi.

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 7:24

Rìkuu ɗi nyìighnyìg ɗyɛm̀ ɗi, ghɛn yɛɛ ri lɛ à pisì mɛ̀ nyoo ì rìwu ìnɛ ǹɗì ìnɛ rì yɔ̀?

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

EBIREEGH 9:11

Wɔ̀lɛ Kiris à yùghà fɛlɛ yɛ̀ɛ ǹlàmì ɓɛ̀pìrɛɛtìrɛ̀ àgwey ànɛ ɓi ɓìɓan ɓi syeesyee ɓi ɓi ri ɓiì ɓaà; à syààghày kìnuugh ki ki kii lɛ, ki teghɛ̀n ki cee, ki ki rɔɔtɛn ki cee, kɛ̀ kɛɛ̀ ki ɓa kinuugh ki ɓum ɓɛɛ toŋi, yɛɛlɔɔ lɛ ki yin ɓi bàlì ì ɓyom ɓi ɓi kilɛ̀ngà ɓi ziinɛ.

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.