KÒLÒSYƐŊ 1:9 - Bafia Nouveau Testament

⁹ Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 1:9 ပူးပေါင်းရင်းမြစ်များ

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

MƐ̀KÌKÌÌ MƐ ƁƐKƐ̀NÌ-FÌTOM 12:5

Ɓɛ ɓeŋɓèŋgà Pyɛɛri ɓi naà-zày, nsoò fɔlɔɔ ǹɗaŋ wu ɓɛgherɛ̀n wu ɓɔɔɓɔ̀ŋzàg Bɛ̀ll ɓisu wii ri ìtèɗ.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

1 KƆ̀RƐ̀ŊTYƐŊ 1:5

Rì tì lɛ ɓi Kiris, ɓì mɛ teɗ ɓɛmààgh ɓɛ̀cèm, à ɓiisɛ̀n ɓɛ ɓɛ seesee kìtòkì, rì rìyi ɗi ɓiɓan.

EFÈZYƐŊ 1:8

ìnɛ à rèsìghà ɓìsi lɛɛ̀gwey, yɛ̀ɛ à kìghà lɛ ti ɓa rì ɗyomzɛ̀n, tì ki ɓa ri syeesyee à fèg.

EFÈZYƐŊ 5:10

Yiina rìghasì ɗi ɓiɓan ɓi ɓyɛɛ̀ rɔɔghi Kan.

EFÈZYƐŊ 5:17

Kìɓan kiǹ kɛɛ̀ki ɓì ghɛ̀ɛ̀sɛɛ ɓi ki ɓaà ɓìdùŋdùŋ ɓi ɓum, ɓì ghɛ̀ɛ̀sɛɛ lɛ ɓi yi cɛ kɛɛ̀ki Kan a kɔ̀nkɔ̀n.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

FÌLÌPYƐŊ 1:4

Ɓi bɔ̀ŋzɛ̀n yìcèm yi nkìki ɓisu win ɓɛsɛ̀ɛ̀ ɓɛ̀cèm, ǹti m̀ɓɔ̀ŋzàg rì kìnyàà,

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

KÒLÒSYƐŊ 4:5

Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 5:17

Ɓì ɓɔ̀ɔ̀ɓɔ̀ŋzì Bɛ̀ll kɛ̀ ɓi fɔy.

2 TÈSÀLÒNÌSYƐŊ 1:11

Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

FILEMƆŊ 1:4

Ǹti ǹfafà Bɛ̀ll wɛ̀m ɓìtògsɛ̀n cààmɛ̀n kìcèm, ǹki yiiyitì wɔ̀ ɓi bɔ̀ŋzɛ̀n yɛm̀,

FILEMƆŊ 1:6

Ǹti ǹtɔkì nyi lɛ, rìɓa ɗi ù rì ǹɗàrɛn ri ɓìsi ɓi rìgherɛ̀n ɗyɛɛ ki lɛ u konag kì yiì kìrɔɔ kìcèm ki tì rì rì kɔ ɓi cɛɓ ki ti ghɛghɛɓ nɗaŋ ri Kiris.

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

1 PYƐƐRI 2:15

Ɓisuulɛ rìkɔ̀n ɗi Bɛ̀ll ɗi ri lɛ, ɓi sim ɓumɓɛ ɓɛ ri ɓìdùŋdùŋ ɓɛ̀ kɛɛ̀ yi com myɔm rì kìrɔɔ ki ɓi kìkì.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

1 ZYAŊ 2:17

Nni ziinɛ yɛɛ̀ ghaghààgh, kìkɔ̀nɛɛ ki ɓiɓan ɓi miì ki ghaghààgh girig, wɔ̀lɛ ŋwaànɛ a kìki rikɔ̀n ɗi Bɛ̀ll à ɓiì kɔ̀rii fiɗyàɓ fikɔ̀ɔ̀.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.