KÒLÒSYƐŊ 1:5 - Bafia Nouveau Testament

⁵ ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 1:5 ပူးပေါင်းရင်းမြစ်များ

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 24:15

ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ.

RÒMƐŊ 10:8

Nni ki ri min ki kaliyɛn lɛ cɛ? Jɛ̀ɛ̀ ì rì wɔ̀ jàŋbog, yɔ̀ wɔ̀ ɓi ŋwɔm, ì ki ɓa ti wɔ ɓi nɗem, jɛ̀ɛ̀ ìnɛn ì rì jɛ̀ɛ̀ ì rìgherɛ̀n ɗi ɓìsiì làalam̀ɓɛ̀n.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 15:19

I dyàɓɛn yis ìnɛ yɛ̀ɛ Kiris yàa rì lɔŋ ɓi cɛɓ ki ɓi ziinɛ kɔrìkɔ, di ɓìsi yɛɛ raŋzii kì ɓaà nyìinyìg tì cee ɓum ɓɛ̀cèm.

2 KƆ̀RƐ̀ŊTYƐŊ 5:19

Ɓisuulɛ Bɛ̀ll à ɓaghà ɓi Kiris, à kaakàà lɛ paàzì ànɛ lɛ rì nyi rì ɓum ɓɛ̀cèm a pegsɛn, kɛ̀ɛ fiɓi ɓiɓe ɓyaa; nnyɛɛ faghà ɓìsi ìtèɗ wu làalamɓɛ̀n pègsɛ̀n à kìɓan ki lɛ rì Nyi rì ɓum.

2 KƆ̀RƐ̀ŊTYƐŊ 6:7

ɓi jɛ̀ɛ̀ ì saaɗ ìnɛ ti ghaaghagsì, rì ɓi-tèɗ wu Bɛ̀ll, rì ɓi ɓyom ɓi ribaŋì ɓi saaɗ ɓi tì rì rì ɓyɔ, lɛ rì ɓi rooroŋɗɛ̀n wɛ̀y ri ɓyɔ, rì ɓi lɛ ɓɛ gheeghrɛ̀n wɛ̀y miì;

GÀLAT 2:14

Nni yɛ̀ɛ ǹghɛngà lɛ ɓɛ yin ɓiì kɛ̀ɛ̀kɛɛ yɛ̀ɛ ki ghɛɛ̀sɛɛ ɓi saaɗ ànɛ à rì ɓi Syeesyee à Ɓɔlɛ, nni ǹkpaaghà rì Pyɛɛri ɓi mis mɛ ɓum ɓɛ̀cèm lɛ: I wàànɛ ù rì muu Ɓɛ̀yudɛ̀n u ghɛghɛɓ yɛ̀ɛ ɓumɓɛ ɓɛ yin Ɓɛ̀yudɛ̀n, kɔ̀ɔ ghɛɓ cɛɓ ki Ɓɛ̀yudɛ̀n, lannɛ u kɔ̀nkɔn lɛ u kaŋ ɓumɓɛ ɓɛ yin Ɓɛ̀yudɛ̀n lɛ ɓɛɛ ghɛɓ yɛ̀ɛ Ɓɛ̀yudɛ̀n?

GÀLAT 2:5

Ɓìsii nɛmgà ɓi ɓɔ bee, tyɛ̀ ki ki wog rikpaa ɗyaa nsoò lɛsàg, lɛ tì kɔ̀nkɔ̀ngà lɛ saaɗ à Syeesyee à Ɓɔlɛ a rɔɓ lɔŋ zìŋ ɓi-kɔ̀ɔ̀ ɓi nyìinyìm wìn.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 4:21

di ɓì ki wokà di ɓɛɛ̀ kpaakpaa kiɓan kii, ki ki ɓa lɛ nyi nnɛ ɓɛ resìghà mìni, lɔŋ yɛ̀ɛ saaɗ ànɛ ɓi Yeesus à rì.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.

2 PYƐƐRI 1:12

Kìɓan kiǹ kɛɛ̀ki ǹɗì lɔŋ mini ɓiì yiiyitàg ɓìɓan ɓiǹ cààmɛ̀n kìcèm kaa soo rì lɛ ɓì mɛ yi ɓyɔ, ɓì ki ɓa ɓɛsììrɛn lɛ syeesyee ɓi saaɗ ànɛ ɓì tekà.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.