KÒLÒSYƐŊ 1:28 - Bafia Nouveau Testament

²⁸ Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 1:28 ပူးပေါင်းရင်းမြစ်များ

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MATYOO 3:7

Yɛ̀ɛ Zyaŋ à ghɛngà di Ɓɛ̀fàrìzyɛŋ ri Ɓɛ̀sàdùsyɛŋ lɛɛ̀gwey ɓɛɛ̀ yùyuiy a lɔ̀ŋkii lɛ ɓɛɛ ɓaɓti ɓɔ, nni à kpaaghà ɓɔ lɛ: Mini ɓumɓɛ ɓɛ pisɛɛ ɓìgòm ɓɛ! Ghɛn yɛɛ reɓi mìni lɛ ɓi ghɛŋi rìbaŋì ɗi Bɛ̀ll ɗi ɗi tiì?

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

MARIKUS 6:34

Yɛ̀ɛ Yeesus à kpagày ɓi kìkɔm, à ghɛn coo gùl ì ɓum di ì ti, nyìighnyìg ì ki nyi rì ɓumɓɛ̀n, lɛ ɓɛ rɔɓkà fɛlɛ yɛ̀ɛ jɔ̀ɔ̀ yi yi ri kɛ̀ɛ̀ m̀ɓèŋì. Fɔɔnnɛ à tumɛ̀ngà ɓɔ rìrèsàg ɗi ɓiɓan lɛɛ̀gwey.

LUKAS 21:15

ɓisuulɛ mɛ̀ɛmiɗ yɛɛ ri mìni ɓiì faà ǹkpaà rì ɗyomzɛ̀n, ɓi ɓi ri ɓiì yaàgh ɓɛ̀bènàbena ɓin, ɓɛ̀ kɛɛ̀ ghɛɛ̀di ŋwɔm.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 13:38

Ɓɔɔsoŋ̀! Konaaghna kì yiì lɛ ɓisu wii nnɛ ɓɔlɛ ànɛ lɛ, Bɛ̀ll à rì ɓiì cenɛɛ ɓum ɓìɓe ɓyaa, a kpaakpaàrɛ̀n a lɔ̀ŋkin.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:3

À tɛɛ̀tɛ̀ɛ̀zìghà ɓɔ ɓìɓan ɓiǹ, à rèrèsì ɓɔ lɛ, ki ghɛ̀ɛ̀sɛ̀ngà lɛ, Kiris a wog rìkɛŋ, à ki ghèmɓɛn yi a ɓìloŋ; à kpaakpàà ɓɔ lɛ: Yeesus ànɛ nkakali mini ànɛ yɛɛ rì Kiris.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

MƐ̀KÌKÌÌ MƐ ƁƐKƐ̀NÌ-FÌTOM 3:20

Fɔlɔɔ nnɛ Kan à rì ɓiì romìì ɓyààmɛ̀n ɓi rifɔɔsɛ̀n yɛ̀ɛ à rì mìni ɓiì romìì ǹghɛɓsì-ɓum, ànɛ à pègsɛ̀ngà ɓisu wìn. Nnyɛɛ rì Yeesus Kiris.

MƐ̀KÌKÌÌ MƐ ƁƐKƐ̀NÌ-FÌTOM 5:42

Nni fɔɔnnɛ ɓɛ fɔlà ɓi rirèsì, ɗì rìghagsì ɗi Syeesyee à Ɓɔlɛ à Yeesus Kiris ɓi naà-Bɛ̀ll, ɗì ɓi ɓɛ̀naa ɓaa ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 8:35

Nni Filiɓ à pɛ̀sìghày min kitòkì ɓi jàŋ inɛ ŋwaànɛ̀n à ɓàlà, à kpaŋ yɛ̀ɛ à konàkà nyi kìtɛɛ̀zii Syeesyee à Ɓɔlɛ à Yeesus.

MƐ̀KÌKÌÌ MƐ ƁƐKƐ̀NÌ-FÌTOM 8:5

Fɔɔnnɛ Filiɓ à Sɛngà ɓi bàn ìdɛŋ ìnɛ a Samari à kakàlì ɓumɓɛ wɔɔ kiɓan ki ǹghɛɓsì ɓum.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 15:12

I ɓɛɛ̀ ki kakali lɛ Kiris à ghèmɓɛ̀ngà a ɓìloŋ, lannɛ ɓum ɓɛdɛŋ ɓɛ ɓi nyìinyìm wìn ɓɛ ri lɛ ɓɛ kpaa lɛ ɓìloŋ ɓi yin lɛ ɓi ghemɓɛ̀n?

1 KƆ̀RƐ̀ŊTYƐŊ 2:15

Kìɓan kifog ŋwaànɛ àrì rì Nghay à Bɛ̀ll à ti à yɔ̀mgì ɓyom ɓìcèm; mum à ki yin lɛ à yɔ̀m nyi.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

1 KƆ̀RƐ̀ŊTYƐŊ 4:14

Nsoò ǹkàniì mìni fɔlɔɔ, ki yin lɛ nfa mìni ǹtoòrìɗ, ki ri lɔŋ lɛ nɗeɓ mìni yɛ̀ɛ ɓɔn ɓɛm ɓɛ nɗem.

2 KƆ̀RƐ̀ŊTYƐŊ 10:14

Tì cee ɓi mɛrèè yɛ̀ɛ ɓɛɛ̀ kali lɛ, tì kpagà ɓi foo a lɔ̀ŋkin; ɓisuulɛ ki ri saaɗ lɛ tì kpagà a lɔ̀ŋkin ɗi Syeesyee à Ɓɔlɛ à Kiris.

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 5:27

à kɔ̀ngà lɛ Kìseŋi kìn kɛɛ kpaŋ ɓi mis mii ɗi rìkem, kɛ̀ɛ̀ tìfin, nsoò fìrun, nsoò kìɓeɓtàg ki kiɓan kidɛŋ. Wɔ̀lɛ ki kɔngà nyi lɛ Kìseŋi kìn kɛɛ ɓa kìtɛnɛn kɛ̀ɛ̀ kìɓan ki ɓɛ fen miì.

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

KÒLÒSYƐŊ 2:10

Fɔɔnnɛ ɓì mɛ teɗ ɓyom ɓìcèm kɔɔ̀kɔɔ̀ à rìteɗ ɓi Kiris ànɛ à rì rìfòm ɗi ɓɛ̀làmì ɓɛ̀cèm rì mɛ̀tèɗ mɛ mɛghay mɛ̀cèm.

KÒLÒSYƐŊ 2:3

Ɓi Kiris ànɛ̀n nnɛ ìkum wu ɗyomzɛ̀n wùcèm rì wu riyi ɗi ɓiɓan wu ri wù nyamɛn.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 4:6

Ɓi kìɓan kiǹ ŋwaàɗɛŋ à ghɛ̀ɛ̀sɛɛ ɓi ki yègsiì geni, nsoò lɛ à kì nyi kìɓeɓtàg ki nɗem, lɛ Kan à ti à rɔ̀gì ɓìɓan ɓiǹ lɔŋ yɛ̀ɛ tì mɛ kì lɛ, tì kpaa mìni, tì ki rèsi mini.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

EBIREEGH 10:14

Fɔlɔɔ nnɛ ɓi rìfa ɗìfog, à mɛ kì lɛ ɓɛ̀roɓɛ ɓɛ ri ɓɛ̀tɛɛ̀ziyɛn ɓɛɛ ɓa lɛ syeesyee ìsuùcèm kɛ̀ɛ̀ com ki ɓɛ ri lɛ ɓɛ fen a lɔ̀ŋkaa.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.