KÒLÒSYƐŊ 1:23 - Bafia Nouveau Testament

²³ Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:23 ပူးပေါင်းရင်းမြစ်များ

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

LUKAS 22:32

wɔ̀lɛ mɛ̀ɛ m̀ɓɔ̀ŋzaagh Bɛ̀ll ɓisu wɔɔ lɛ rìgherɛ̀n ɗyɔɔ ɗyɛ̀ kɛɛ̀ fɔɛy, nni yɛ̀ɛ ù ri ɓa di ù mɛ sugtii tì a lɔ̀ŋkɛm̀, kìya lɛ ɓɛ̀goni ɓɛɛ siirɛn girig.

LUKAS 6:48

à pisɛɛ ŋwaànɛ à ɓaghà ɓi kìtoŋ ki mɛɛ; à timgà zi, à kpaŋ ɓi rìɓan à ghɛ̀lɛ̀n yì kìtoŋ miì aɗyòò; yɛ̀ɛ don yi mɛnig yi kpagà, poɓɓo à yù kì roŋdɛɛ ɓi mɛɛ mɛǹ, kìɓan kifog, mɛ̀ kɛɛ̀ nyɛ̀ŋɗɛn, lɛ mɛ ɓaghà mɛ̀ toŋɛn lɛ syeesyee.

ZYAŊ 15:6

Ŋwaànɛ à yin nɗàrɛn ɗi mɛ̀, ɓɛ mag nyi ɓi dan yɛ̀ɛ ŋwaɓ wu kite, à womdàg; ɓɛ ɓadɛ̀n min myaɓ mɛ ɓiloŋ mɛǹ, ɓɛ pig mɔ ɓi ɗuu, mɛ ɗikì.

MƐ̀KÌKÌÌ MƐ ƁƐKƐ̀NÌ-FÌTOM 1:17

Zyudas àa nɗì kìbog ki ɓi ǹɗaŋ wis, àa nki rì rì gàɓ ɓi kìsay ki tì rì rì kɔ.

MƐ̀KÌKÌÌ MƐ ƁƐKƐ̀NÌ-FÌTOM 1:25

lɛ a teɗ ìkɔ̀ɔ̀ wu nkɛ̀nì-fìtom wu Zyudas àa ncàri, à kɛ̀n kì terì wu wu nghɛ̀ɛ̀sɛɛ rì nyi.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:5

Wɔ̀lɛ Ɓɛ̀yudɛ̀n ɓɛ ɓɛ falɛ̀ngà ɓi rìgherɛ̀n ɓɛ ɓaghà girig a Yorisalɛm, di ɓɛ pɛsaagh yì ɓi ɓìlɔ̀ŋ ɓìcèm ɓi ɓi ziinɛ.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 26:16

Kìɓan kifog, pɛ̀sɛn aɗyoo, u rɛli mɛ̀rɛy lɛ kìɓan ki ǹɗèsɛɛ wɔ̀ miì ki ri lɛ, nkɔ̀nkɔn lɛ u ɓa ǹkìì-kìsay wɛm̀, ù ki ɓa wusìnɛ̀ɗ wɛ̀m lɛ u kakali ɓum yɛ̀ɛ wàa ghɛɛ mɛ̀ gɛɛ̀nɛ, ù rì ɓiì ki kakalii ti ɓɔ ɓìɓan ɓi ǹɗì wɔ̀ ɓiì rèsii ti.

MƐ̀KÌKÌÌ MƐ ƁƐKƐ̀NÌ-FÌTOM 4:12

Mum à rì lɔŋ ɓiì ɓaà rì cɛɓ lɛ nyi, ɓisuulɛ Bɛ̀ll à faghà ɓi ɓum ɗii ɗidɛŋ fɛ ɓi ziinɛ ɗi ɗi ri rì ìtèɗ wulɛ, ɗi fa ɓìsi cɛɓ.

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 4:11

Mɛ̀ ǹɗì rì mɛ̀riighrikì lɛ kìsay ki ǹwughà ǹtɔɓ ǹkì a lɔ̀ŋkin, kɛ̀ kɛɛ ɓa lɛ ki wu zɛ̀y.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

GÀLAT 5:7

Ɓì tumɛ̀ngày mɛ̀ree min lɛ syeesyee, nni com aɗi kɛɛ kighà mìni lɛ kɛ̀ ɓi ɓati ri mɛ̀wog ɓi com ki saaɗ à kpaa?

GÀLAT 6:9

Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 2:21

Nyi yɛɛ ti à kìlàg lɛ kìtoŋ kɛɛ kpegmɛn, ki ki ɓɔg, ki ghay naa ì Bɛ̀ll ìnɛ ì rì ǹtɛnɛn ɓi Kan ɓi ɗùm.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

KÒLÒSYƐŊ 1:25

Mɛ̀ ǹtighà ǹkìì-kìsay anɛ ɓi kìseŋi ki Kiris, lɛ ǹtɛ̀g wu Bɛ̀ll à tɛ̀gsìghà mɛ̀ lɛ nghagsi mìni jɛ̀ɛ̀ ì Bɛ̀ll lɛ kɔɔ̀kɔɔ̀,

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

TÈSÀLÒNÌSYƐŊ 3:3

lɛ di mum kɛ̀ɛ càrɛn lɛ mɛ̀fèèghrɛn mɛ mɛ ri ɓigomìnɛ mɛɛ ɓigti nyi, ɓisuulɛ mìniìɓɔmiɗ ɓì yii lɛ mɛ̀fèèghrɛn mɛǹ mɛ ɓaghà mɛ̀pègsɛn ɓisu wis.

TÈSÀLÒNÌSYƐŊ 3:5

Fɔlɔɔ nnɛ yɛ̀ɛ m̀ɓatìghà ɓi lɛ m̀ɓoŋɓòŋ tì nni ǹɗomgày Timote lɛ a yu kìwoògh lannɛ rìgherɛ̀n ɗin ɗyɛɛ̀ kɛ̀ɛ̀kɛ̀ɛ̀, lɛ ǹɗirìsìghà lɛ kɛ̀ kɛ̀ɛ ɓa lɛ ǹfèèghrɛ̀n-ɓum à fèèghrɛ̀ngà mìni lɛ kìsay kis kɛɛ wu zɛy.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

TIMOTE 1:12

Ǹtògsaagh Yeesus Kiris à Kan wìs, ànɛ à faghà mɛ̀ ìtèɗ ɓisuulɛ, à ghɛngà lɛ ǹɗì mum ànɛ ɓɛ ri lɛ ɓɛ tyweeyì, yɛ̀ɛ à ɓɔ̀ngà mɛ̀ lɛ nki nyi kìsay.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 10:38

Kìɓan kifog ŋwaànɛ à rì lɛ saaɗ ɓi mis mɛ̀m à rì ɓiì ghɛɓì lɛ rìgherɛ̀n, wɔ̀lɛ i à sugtii rì jɛ̀m, ǹɗem wɛ̀m wɛ̀ kɛɛ̀ wogti kirɔɔ rì nyi.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 6:19

Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.